Mathai 5:16 - Caekäcai Kangthae (Lemi)

¹⁶ Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Asang Khongso New Testament

¹⁶ Tobatih toengah nangcae aanghaih to doeh mi boih mikhnuk ah aangsak hanah oh. Totiah hmuen kahoih na sak o ih to hnuh o ueloa van ih kaom nam Pa to saphaw o tih.

Mathai 5:16 ပူးပေါင်းရင်းမြစ်များ

Mathai 23:5

Äma ce üng sa saite angxynglyng na khimi ce nung bawi rungtä sa ö te vi. Äma ce üng löpeng hai äkö-a Caekäcai lo kädawi na tärü saite aemäkhing ö vi. Äni ce üng äteng-a aebang sawi saite kä-o käsa na aelawng ö vi.

Mathai 23:9

Älawng qawng-a ämi tea la Pä-ai näkha ka ö hang. Nang ce tea Pä-ai lawngtä xyng ni awng kae. Äni lä Känipre-a awng te kae vi.

Mathai 5:45

Nang ma tukä sa dylä, Känipre üng Pä-ai Säthaw üng nade tätang-a nang aelawng vi ai. Areng ma khimi kähawi, khimi käsi na üng qawng-a käni aevang hai pa dy. Khimi kähawi khimi käsi na üng qawng-a khöne hai pa dy.

Mathai 6:16

“Nang lä böjae ea khimi kähawi käjüng aesa te kätyng mimai hawi y te sa ö hang. Äni ce lä böjae te khimi na mäny hethang ngai te phüng-a ämi aelae y käla mimai hawi y te kätyng sa ö vi. Tängai ö, äni ce lä khimi ce üng ävang dang vi dy. Säthaw ma äni ce tea ävang py y dy.

Mathai 6:9

Tukha nang aetang te kätü-a hini kä thui ö. ‘Känipre üng kai ce üng Pä-ai ä, nang üng ämüng käcai tea khimi ce ma tämö khai sy.

Mathai 9:8

Hini tea khimi ce ma nung te kätü-a lä ri kha cangxei ö phi pa vi dy. Äni ce lä khimi lawngtä tea hini aenae käleng py pa te Säthaw tea bälaw ö vi dy.

Luka 11:2

Isu ma äni ce tea “Nang ce aetang te kätü-a hikä thui ö. Pä-ai, nang üng ämüng käcai tea khimi ce ma tämö khai sy. Nang ma Sanphrang kätyng pyng sy.

Johan 15:8

Nang ce lä äthai awng mang-a aethai te hai-a, Pä-ai üng phung-ang aetüng hai pa dy. Honi hai-a nang ce lä kai üng äkähui-a, aelawng ö te dy.

Angtawtha 9:36

Jopa märü-a lä Abitha näsaite Isu tea yng te nawngmädi lawngtä awng. Äni üng ämüng tätang lä Käri lo hai-a, Doka näpa vi. Äni lä kähawi sa te hai mätang saite na tea säbawng he ngaiphi saite khimi vi.

1 Korin 14:25

Muilaw Käcai lä äni ce üng bälung thung-a ho saite kaedawng na tea mätü ai. Tukätephüng-a äni ce lä aebo kha Säthaw tea cäphaw ö ai. Äni ce lä khimi ce üng maw-a, “Säthaw lä nang ce thung-a awng tätang te vi” näkha thui ö ai.

2 Korin 9:13

Nang ce lä Khrista hai aesui vi näte nang ce üng kälu kähawi sa te hai-a mätü ö te vi. Honi hai-a khimi awng mang saite na ma Säthaw tea bälaw ö ai. Nang ce lä Khrista üng Angthang Kähawi thui te qaitä y, äni tea hui hethang ngai saite bälung la awng vi näte nang ce üng bäsai y käla khimi qütä tea py te hai-a mätü ö te vi.

Galati 1:24

Tukha kai phüng-a, äni ce lä Säthaw tea bälaw ö dy.

Ephesi 2:10

Säthaw lä mä-ai bung khimi kangthae kätyng-a sa te vi dy. Mä-ai lä hawi saite kälu na sa hethang Isu Khrista hai bungtä-a lawng hai te vi. Honi hawi saite kälu na lä jangni-a Säthaw üng mawlang kaedawng kätyng sa te vi dy.

Ephesi 5:8

Jangni-a nang ce lä käving thung-a awng ö vai saite na vi. Tungaila vaihi lä Säthaw üng khimi-a aelawng kha kaevang-a awng ö te na vi dy. Tukätephüng-a nang ce lä kaevang-a awng saite khimi na kätyng sa ö.

1 Thesalon 2:12

Nang ce bung Säthaw lä äma üng pre hai phung-ang thung-a qa hethang tähang ka te vi. Tukätephüng-a kai lä nang ce tea Säthaw üng kängai-a hing hethang tähang aethaw py te, bälung bädang te hai mäci jawjaw te vi.

1 Timote 2:10

Säthaw üng kängai-a hing saite nawngmädi na lä khimi kälang na tea säbawng ö sy. Hikä sa te hai äma ce tea äcae kähawi aesa ö te vi dy.

1 Timote 5:10

Äni lä khimi ce tea säbawng saite khimi vi näte tea khimi kälang na ma lä mäny ö bawi vi. Honi lä caw nade na tea kähawi-a mäsang saite, angvüng angvaw na bung äma üng ing-a lady kha mäkung saite, yng saite na üng äkho na tea mäse saite, mätang saite na tea säbawng saite hai kälu kähawi angxynlyng na sa jawjaw hethang äni lä kae vi.

1 Timote 5:25

Hini kätyng-a, khimi phütä na üng kälu kähawi tea mäny praw haw te vi. Khimi kälang na lä kangru-a kähawi sa ngaila, kangkhüng mang-a lä khimi qütä ma mäny ö ai mang.

1 Timote 6:18

Khimi ce tea säbawng hethang thui pa. Äni ce lä hawi saite kälu na sa hethang kae. Khimi ce tea mäsai y käla py hethang hai äma ce üng vyngsai na khimi kälang na tea bäri hethang äma ce üng ngai te kätyng äni ce tea mätu pa.

Titas 2:14

Äni lä mä-ai bung hunghö angxynlyng na üng aelawi hethang hai, äma üng khimi käcai hai khimi khekhe-a bälawng pa hethang vi dy. Tukha ätete kähawi sa hai hethang dawng khü saite na aelawng hai hethang äma ma mä-ai tähang aepy te vi dy.

Titas 2:7

Nang ma lä sa saite qütä khimi ce tähang aetu nae-a lawng he kae. Tudylä nang lä Säthaw phüng mätu te kätü-a, bälung mitang khü hai khü sälü-a sa ba.

Titas 3:14

Mä-ai üng yng saite khimi na lä kälu kähawi tea aethaw rae te hai sa jawjaw hethang nang ma mätu he kae. Honi hai-a äni ce lä khimi kälang na üng aely kängai na tea säbawng haw ö ai. Äni ce lä aetütü-a awng he kae ö y.

Titas 3:4

Tungaila mä-ai tea bäheng kha bälung aevaw saite mä-ai üng Aeqangkung Säthaw tho te kätü-a lä, mä-ai bung äni ma aeqang pa te vi dy. Honi lä mä-ai üng cüng saite hai sa saite phüng-a y vi. Äni üng bäheng te phüng-a mä-ai bung aeqang te kae. Säthaw ma mä-ai tea Muilaw Käcai py te hai-a mä-ai üng hunghö na mäse pang kha aepeng te kangthae hai hing saite kangthae py te phüng-a vi.

Hebrai 10:24

Mä-ai lä lawng lawngtä tähang aedawng ö si. Bälung aevaw te hai kälu kähawi sa hethang mä-ai lä aesäbawng linglawng ö si dy.

1 Piter 2:12

Säthaw tea mäny y saite khimi na thung-a nang ce lä cy y rung khytä hing ö. Tudylä äni ce lä nang ce tea sa tämang hethang cy ngaila, nang ce üng kälu kähawi na tea lä nung haw ö ai. Hini hai-a, äni ce lä Areng ly haile te käni-a Säthaw tea bälaw haw ö ai.

1 Piter 2:9

Tungaila nang ce lä Säthaw ma re saite khimi na, Sanphrang üng mäthykung na, cai saite khimi na hai, Säthaw hai aesui saite khimi na vi. Äni ma nang ce bung lä käving thung üng käthoja kha äma üng cangxei saite kaevang thung-a khai vi dy. Tukätephüng-a nang ce lä Säthaw üng cangxei saite kälu phüng tea thui haw ö te vi.

1 Piter 3:1

Hini kätyng nawngmädi na ä, nang ce lä nang ma ce nawngpaw na üng lo tea tängai hethang kae. Ätephüng-a mei nädylä, äni ce thung üng phütä Säthaw üng lo tea yng y dylä, nang ce üng hing saite hai-a äni ce lä yng haw ö vi ai. Nang ce lä äni ce tea yng hai hethang älo bälangtä hai la aepe he aely ngai y lyng.

1 Piter 3:16

Käsi kähawi mäny saite nang ce üng bälung tea käcai-a khai ö. Tudylä, nang ce üng Khrista leithung hui te phüng-a aeme aeqa saite kähawi tea käsi thui saite khimi na lä saerae ö vi ai.

1 Piter 4:11

Thuikaw saite khimi na lä Säthaw üng angthang thui hethang kae. Khimi kälang tea säbawng saite khimi na lä Säthaw üng aethaw hai-a säbawng hethang kae. Tudylä, nang ce sa saite angxynlyng na hai khimi ce lä Isu Khrista hai-a Säthaw tea bälaw haw ö ai. Äni üng haidae hai phung-ang lä dungtäsa awng jawjaw sy. Amen.

1 Piter 4:14

Nang ce lä Khrista leithung hui saite na lawng te phüng-a, khimi ce ma käsi prawng dylä, anghawtho ö. Säthaw üng phung-ang awng saite Muilaw Käcai lä nang ce hai mangtä awng vi näte nang ce lä hini hai-a mäny haw ö te vi.