Mathai 5:12 - Caekäcai Kangthae (Lemi)

¹² Kawng anghawtho ö. Säthaw ma nang ce tähang äma üng Känipre-a ävang käting py ai. Jangni-a buisaw na bung khimi ce ma nang ce tea sa te kätyng sakälö khü pa ö te by vi dy.

Asang Khongso New Testament

¹² Kawn oloa palung anghoesak oah, kawmawtiah nangcae han van ah kawnvang kalen parai suek ah oh. Nangcae ai nahlan ih kaom tahmanawk doehsoe tobatih toengah pacaekhlaekhaih to pauep o boah,” tiah a naa.

Mathai 5:12 ပူးပေါင်းရင်းမြစ်များ

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Mathai 6:16

“Nang lä böjae ea khimi kähawi käjüng aesa te kätyng mimai hawi y te sa ö hang. Äni ce lä böjae te khimi na mäny hethang ngai te phüng-a ämi aelae y käla mimai hawi y te kätyng sa ö vi. Tängai ö, äni ce lä khimi ce üng ävang dang vi dy. Säthaw ma äni ce tea ävang py y dy.

Luka 13:34

“Jerusalem märü üng khimi ce ä, nang ce lä Säthaw mätaw saite buisaw na bung bädü kha Säthaw mätaw saite angtawtha na bung lä kälung hai käde kha bädü ö te vi. Ae nä-awi ma äma üng mäkhi täkui-a käcüng ea äcaw na bung aw hai te kätyng kai ma nang ce angxynlyng na tea kähawi-a aedung hai leilae hethang kai lä ngai bärai te vi. Tungaila nang ce lä kai tea ngai ö y vi.

Luka 6:23

Nang ce hokä aeting dylä kawng te hai aebälü ö. Ätephüng-a mei nädylä Känipre-a lä nang ce üng ävang käting awng te phüng-a vi. Vaihi nang ce tea käsi sa saite khimi na üng kangsi na lä buisaw na tea mätangbälai sa pa ö te by vi.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Angtawtha 16:25

Kärung angnihü-a lä Pawlae hai Saila ni lä aetang te hai ae-awi na thui kha Säthaw tea bälaw hawi vi dy. Thawng thung-a awng saite khimi kälang na lä honi tüng na tängai ö pa vi dy.

Angtawtha 5:41

Tukha angtawtha na lä Isu tähang äni ce mätangbälai saite lä Säthaw üng lasawng näkha aedawng ö te phüng-a, bälung anghawtho te hai ma Sanhendrin kawngci mityng üng thoja pa ö vi dy.

Pawlae ma Rom märü üng kangkawng tähang tärü saite cae 5:3

Honi qawng-a cang y mä-ai lä mätang saite na aeting ngaila anghawtho ö te vi. Ätephüng-a mei nädylä mätang saite phüng-a, mä-ai lä änawngsa hethang aetu te vi näkha mä-ai lä mäny ö te vi.

1 Korin 3:8

Ämöti mäthu saite khimi hai tui baw saite khimi lä kälu mawlang kaedawng mangtä hai sa hawi te vi. Säthaw lä änini tea änini üng sa saite kälu tähang-a ävang py vi ai.

2 Korin 4:17

Mä-ai lä tänaetä tähang aeting saite hini mätang bälai te lä jahaw vi. Hini kätyng aeting saite hai-a, Säthaw lä mä-ai tea lengky saite dungtäsa phung-ang py vi ai.

Filipi 1:29

Nang ce lä Khrista tea yng te cang y äni tähang mätang hethang Säthaw ma khai te vi.

Filipi 2:17

Nang ce üng yng te lä Säthaw tea löci aesa saite kätyng vi. Khimi ce ma kai bung bädü daila awng ai. Kai üng dü saite lä nang ce üng löci aesa te qawng-a bälawng saite Cäpje thai tui kätyng aelawng haw vi ai. Hini kätyng vi dylä kai lä kawng anghawtho vi ai. Kai lä nang ce angxynlyng hai mangtä kawng anghawtho vi ai.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

Kolosa 3:24

Areng Isu lä nang ce üng kälu sa te tähang ävang py ai näsaite tea lä mäny ö. Areng lä äma üng khimi na tähang sa rüng saite ävang na nang ce tea py ai. Nang ce ma mawsawng sa tätang khaw saite Areng lä Khrista vi.

1 Thesalon 2:15

Judae khimi na lä Areng Isu Khrista hai buisaw na tea bädü ö te vi dy. Kai ce bung la mäthoja ö te by vi. Hini kätyng-a äni ce lä Säthaw tea kädawtho hai kha khimi angxynlyng na tea elekhei sa ö saite na vi.

Hebrai 10:34

Nang ce lä thawng thung-a pä-ung saite na tea bäheng ö te vi. Nang ce tea awng saite vyngsai angxynlyng na tea khimi ce ma la king ngaila anghawtho te hai khung ö te vi. Äte makäte phüng-a mei nädylä dungtäsa aekang kha hawiky saite vyngsai na nang ma ce tea awng näte nang ce lä mäny ö vi dy.

Hebrai 11:26

Mesia üng tähang mäthi y saite lä, Aikuta pre üng tawnang saite angxynlyng na qawng-a ävang tingky vi näkha äni lä aedawng vi dy. Äni lä ämaw mang-a äma üng dang hethang ävang käting tea nung rüng te phüng-a vi dy.

Hebrai 11:33

Äni ce lä yng te hai-a pre na tea täre aety kha bäja haw ö vi dy. Äni ce lä tüng saite na sa kha Säthaw üng aedo saite na dang ö vi dy. Äni ce lä xangsi täkai täbawng tea pä-üng pa te vi dy.

Hebrai 11:6

Khimi lawngtä lä yng saite awng y dylä, Säthaw tea kawng hai haw y lyng. Ätephüng-a mei nädylä Säthaw tea ly saite khimi lä Säthaw awng vi näte yng kha äni bung ha saite khimi na tea lä ävang py ai näte tea yng hethang kae.

Jako 1:2

Kai üng yng saite kangby jä-ai na ä, nang ce lä the saite cawngkhang na aeting te kätü-a, anghawtho saite kätyng honi phüng tea aedawng ö ba.

Jako 5:10

Yng saite kangby jä-ai na ä, mä-ai üng Areng üng Angthang thui saite buisaw na aeme aeqa te na phüng tea dawng ö lawi. Äni ce lä mätang bälai kha khung ö te vi dy. Nang ce la äni ce täthei awng hethang kae ö te by vi.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.