Mathai 4:24 - Caekäcai Kangthae (Lemi)

²⁴ Siria pre mityng qütä-a khimi ce lä Isu äphüng thai vi dy. Äni ce lä känaw käsaw amäjy cawngkhang awng saite khimi na bung äni tea nähai pa ö dy. Khimi phütä na lä nawphi saite phütä na hai angra kung saite, phütä na lä aesö kanglang saite, phütä na lä kökho dü saite na vi. Isu ma äni ce angxynlyng bung känaw käsaw hawi sa pa dy.

Asang Khongso New Testament

²⁴ Anih ih tamthang loa Siria prae bum boih ah amthang moa ngannanawk, ngoinathaih hoi raihaih congca ka pauepnawk, taqawk mah naeh ihnawk, a tuetue na-ah kadueh sutsutnawk, khokban kamprawk kaminawk boih to angzoh o haih moa a hoihsak boih.

Mathai 4:24 ပူးပေါင်းရင်းမြစ်များ

Mathai 12:22

Tupyng-a khimi phütä na lä angra kung saite khimi lawngtä bung Isu tea nähai pa ö dy. Honi angra lä khimi tea ämi nung haw y, älo la aepe haw y rung sa pa vi. Isu ma äni te üng angra bung mätho pa dy. Tukha äni lä ämi nung haw ea älo la aepe haw pa vi dy.

Mathai 14:1

Honi kätü-a Kalile khö pyng saite sanphrang Herodae lä Isu üng sa saite phüng khimi ce ma thui te thai vi dy.

Mathai 15:22

Tu-a awng saite nawngmädi lawngtä lä Isu tea ly pa dy. Äni lä Kanan ceng nawngmädi vi. Äni ma “Areng, Sanphrang Davidae üng Cäpaw ä, kai tea bäheng kü. Kai cänung lä angra kung kha tengxyng y mätang phi vi dy” näkha hang pa dy.

Mathai 17:15

Äni ma “Särae ä, kai üng cäpaw tea bäheng kü. Äni lä re kanglang kha mai thung-a hai tui thung-a aetüng leilae te vi.

Mathai 17:18

Tupyng-a Isu lä angra tea nade te üng thoja hethang särilo thui pyng-a angra lä thoja pa. Qengtäma nade lä naw te hawi pa vi dy.

Mathai 4:23

Isu lä Kalile khö-a khölawng tho kha Judae na üng ingkäcai-a Säthaw lo mätu pa dy. Säthaw ma pyng saite pre üng Angthang Kähawi phüng thui pa dy. Äni lä känaw käsaw amäjy cawngkhang awng saite angxynlyng na tea hawi sa pa dy.

Mathai 8:28

Isu lä Kalile tuilipui rei mang-a tyng dy. Honi mityng lä Kerasene khimi ce üng khö vi. Angra kung saite khimi lawng netä lä täprawng mang üng tho kha Isu tea aeting pa dy. Änini lä tengxyng y aethaw awng kha khimi angxynlyng na ri ö bawi vi. Tukha ämi lä honi lolang mang ly vawng ö y.

Mathai 8:33

O bung rui saite khimi na lä märü thung-a aehui ö kha äma ce tea aeting saite khimi na tea thui pa ö dy. Angra kung saite khimi lawng netä üng älawngsai lä thui pa ö dy.

Mathai 8:6

Rom reisae mätawngky ma “Särae ä, kai üng mawsawng lä tengxyng y kawngang naw vi. Äni lä ätabung aetae haw y käla ing-a awng te vi. Äni lä naw mätang phi vi dy” näkha näpa.

Mathai 9:26

Hini angthang lä honi märü äteng äpa-a äpa mityng qütä-a aethangdü pa vi dy.

Mathai 9:35

Isu lä märü na hai vang angxynlyng na mang cäqeng kha ly ea Judae na üng Ingkäcai na thung-a Säthaw ma sanphrang sa saite Angthang Kähawi khimi ce tea mätu pa. Khimi ce üng känaw käsaw amäjy cawngkhang na hawi sa pa dy.

Marka 1:28

Honi pyng-a khimi ce lä äma ce tingtawi aethui ö kha Isu üng angthang lä, Kalile khö mityng qütä-a aethangdü pa vi dy.

Marka 1:32

Honi kädüng käni leng ea lä khimi ce ma angra kung saite na hai känaw käsaw awng saite angxynlyng na bung Isu tea nähai pa ö cu dy.

Marka 2:3

Khimi lawng bälitä na lä kökho kädü khimi lawngtä bung aejawng kha Isu tea ly hai hethang ngai ö dy.

Marka 2:4

Khimi awng mang te phüng-a äni ce lä kökho kädü khimi bung Isu tea nähai haw pa ö y. Tukätephüng-a äni ce lä ingphö qawng-a paw ea älawng ngang hai lawi kha aebu saite ingphö tea khawng ea äkhaw sa ö dy. Tukha äkhaw mang i nae qawng-a aesawng saite kökho kädü khimi bung Isu üng ämaw-a bäla käthu pa ö dy.

Marka 2:9

Kökho dü saite khimi tea ‘Nang üng hunghö bälawi dy’ näte jaky mei y käla ‘Aetha ea nang üng i nae la kha aeke lawi’ näte jaky mei.

Luka 2:2

Hikä ämüng mäkung hai te lä angcü üng sa saite vi. Honi kätü-a Kuinia näsaite kälengky lä Siria pre tea pyng te vi.

Luka 4:14

Isu lä Muilaw Käcai üng haidae hai Kalile khö-a vawi haile vi dy. Tukha äni üng angthang anghe lä särawng dawngpa mityng qütä-a aethangdü pa vi.

Luka 4:38

Tupyng-a Isu lä Judae na üng ingkäcai üng tho kha Simon üng ing-a ly pa vi. Simon üng pä-i lä kawngang naw kha äkähui na lä Isu tea säbawng hethang mäkai pa vi.

Luka 5:15

Tungaila Isu üng angthang lä aethang rae pa vi dy. Tukätephüng-a khimipui käleng na lä Isu üng lo tängai hethang hai äma ce üng känaw käsaw na hawi hai hethang äni teng-a ly ö mang pa vi dy.

Luka 5:24

Tungaila kai ma nang ce tea Kai, Khimi üng Cäpaw, älawng qawng-a hunghö na bälawi hethang aenae awng näte mätü vi ai” näpa. Tupyng-a Isu ma kökho kädü saite khimi tea “Nang tea kai thui ai. Aetha ea i nae tä-yng kha ing-a vawi lawi cü” näpa.

Luka 7:17

Hini Isu üng angthang lä Judae khö hai püngkhe dawngpa mityng qütä-a aethangdü pa vi dy.

Johan 10:21

Tungaila khimi äkälang na ma “Angra kung saite lä hini kätyng thui haw y lyng. Angra kung saite lä ämi kangjö bung ämi aevang hai vi ai mei” näkha näpa.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 15:23

Äni ce hai mangtä cae tha pa ö dy. Honi cae lä “Jerusalem märü-a awng saite angtawtha na hai kangkawng üng mätawngky na ma tärü te vi. “Kai ce lä Khrista hai-a nang ce üng kangby jä-ai na vi. Kai ce lä Antioh märü, Siria pre, Kiliki khö üng ceng kälang käyng na tea cae tärü kha cibai sa dy.

Angtawtha 15:41

Pawlae lä honi mityng üng hai Siria pre hai Kiliki khö-a ly kha kangkawng üng khimi na tea yng te cakhi hai hethang aethaw py te lo thui pa vi dy.

Angtawtha 28:9

Tupyng-a honi angrai sälawng üng naw saite khimi angxynlyng na lä, Pawlae tea ly ö dy. Pawlae ma äni ce tea naw te na hawi hai bawi pa vi dy.

Angtawtha 8:7

Philipi lä khimi kä-awng mang na te üng angra na bung mätho pa vi dy. Äni ce lä ätüng käleng hai hangrang kha thoja pa ö vi dy. Ängang kädü sö saite khimi na hai, kökho kangbai na tea la, Philipi ma naw hawi sa ö bawi pa vi dy.