Mathai 4:23 - Caekäcai Kangthae (Lemi)

²³ Isu lä Kalile khö-a khölawng tho kha Judae na üng ingkäcai-a Säthaw lo mätu pa dy. Säthaw ma pyng saite pre üng Angthang Kähawi phüng thui pa dy. Äni lä känaw käsaw amäjy cawngkhang awng saite angxynlyng na tea hawi sa pa dy.

Asang Khongso New Testament

²³ Jesuh loa Galili prae bum boih ah caeh moa sinakok kruekah a patuk pae moa Van Poenghaih Tamthang Kahoih to a thuih moa ngoinathaih hoi nathaih congca ka pauepnawk to a hoihsak.

Mathai 4:23 ပူးပေါင်းရင်းမြစ်များ

Mathai 11:5

Ämi kangjö na ämi nung haw ö dy. Äkho kangbai na aeke haw ö dy. Ängang käsi mang saite na la hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Mathai 12:9

Isu lä lai mang üng tho pyng-a Judae na üng Ingkäcai thung-a kung pa dy.

Mathai 13:19

Khimi lawngtä lä Säthaw ma Sanphrang sa kha pyng saite pre phüng thai kha äni ma mäny dylä, Setan angra lä äni üng bälung thung-a awng saite Säthaw üng lo tea la pa ja vi. Hini lä lolang qawng-a aeqa saite ämöti na tea mätae pa te vi.

Mathai 13:54

Äni lä äma awng vai saite Nazare märü-a tyng pa dy. Tukha Isu lä khimi ce tea Judae na üng ingkäcai thung-a Säthaw lo mätu pa vi dy. Äni ce lä cangxei phi te hai “Äni lä hini bälunghae saite na mamang üng dang te mei. Makä sakha äni lä cangxei saite na sa hethang haidae dang te vi mei” näkha äma ce tingtawi aedüng ö dy.

Mathai 14:14

Isu lä bälawng üng aerung ea äni leithung hui saite khimipui na bung nung pa vi. Isu lä äni ce tea bäheng kha äni ce thung üng känaw käsaw awng saite khimi na tea lä hawi sa pa vi dy.

Mathai 24:14

Tukha khimi ce ma Säthaw üng pre pyng te Angthang Kähawi älawngpre üng khimi qütä tea thui ai. Älawngpre üng khimi na lä hini angthang thai ö vi ai. Tupyng-a Säthaw lä hini älawngpre bung teng hai ai dy.

Mathai 3:2

Äni ma “Ae-ui ö lawi Säthaw ma pre pyng saite kätü lä tyng hethang aenai dy” näkha näpa.

Mathai 9:35

Isu lä märü na hai vang angxynlyng na mang cäqeng kha ly ea Judae na üng Ingkäcai na thung-a Säthaw ma sanphrang sa saite Angthang Kähawi khimi ce tea mätu pa. Khimi ce üng känaw käsaw amäjy cawngkhang na hawi sa pa dy.

Marka 1:14

Baptismae Johan bung reisae na ma thawng thung-a khai pyng-a, Isu lä Kalile khö-a ly kha Säthaw üng Angthang Kähawi thui pa vi dy.

Marka 1:21

Äni ce lä Kapernawm märü-a ly ö dy. Tukha Aehae te Käni-a Isu lä Judae na üng ingkäcai-a kung praw kha Säthaw lo mätu te aetawng pa dy.

Marka 1:39

Tukha Isu lä Kalile khö jungtä khölawng tho ea Judae na üng ingkäcai-a Säthaw lo thui prei kha angra na bung mätho pang pa vi dy.

Marka 3:10

Ätephüng-a mei nädylä äni ma känaw käsaw awng mang saite khimi na bung hawi sa pa te phüng-a känaw käsaw awng te khimi angxynlyng na lä Isu tea aela hethang nui pa ö dy.

Marka 6:2

Aehae te Käni-a, Isu lä Judae na üng ingkäcai thung-a Säthaw lo mätu pa dy. Äni üng lo thai saite khimi awng mang te na lä cangxei ö bawi vi. Äni ce ma “Äni lä hini lo na mamang üng aetu te mei. Ämi ma äni tea hini bälungkähae py pa te mei. Äni lä cangxei saite na mäteng sa na ly.

Marka 6:6

Khimi ce lä Isu tea yng y te phüng-a, äni lä cangxei pa vi dy. Tupyng-a Isu lä äteng äpa üng vang na mang-a ly kha Säthaw üng Angthang Kähawi khimi ce tea mätu pa.

Luka 10:9

Ho-a awng saite khimi känaw käsaw na tea hawi sa pa ö. Tukha khimi ce tea ‘Säthaw üng pre lä nang ce tähang vi’ näkha thui pa ö.

Luka 13:10

Aehae te Känitä-a Isu lä Judae na üng ingkäcai haetä thung-a khimi ce tea Säthaw lo mätu pa dy.

Luka 16:16

“Mosi üng Ubädi hai buisaw na üng lo lä Baptismae Johan tyng te kätü khytä aely lengky te vi. Honi kätü üng hai Säthaw üng pre Angthang Kähawi khimi ce lä thui ö vi dy. Awng mang te khimi ce lä Säthaw üng pre-a kung hethang aethaw aesa ö dy.

Luka 20:1

Känitä-a Isu lä Säthaw üng Ingkäcai angkhaw thung-a khimi ce tea Angthang Kähawi mätu kha thui pa vi dy. Tukha mäthykung käleng na hai, Ubädi särae na hai mätawngky na lä Isu tea tyng pa ö dy.

Luka 4:14

Isu lä Muilaw Käcai üng haidae hai Kalile khö-a vawi haile vi dy. Tukha äni üng angthang anghe lä särawng dawngpa mityng qütä-a aethangdü pa vi.

Luka 5:17

Känitä-a Isu ma khimipui na tea Säthaw lo mätu te kätü-a, Pharisai na hai Mosi üng Ubädi mätu saite särae na lä ha-a aety ö pa by vi. Äni ce lä Kalile khö hai Judae khö qütä üng vang na mang üng hai Jerusalem märü mang üng ly ö saite na vi. Tukha Areng üng haidae lä Isu hai mangtä awng kha khimi känaw käsaw na tea hawi sa pa vi dy.

Luka 6:17

Isu lä äni ce hai mangtä ly käthu kha angdawng haetä-a aedaw dy. Äma leithung hui saite khimipui na hai Jerusalem märü hai Judae khö mityng qütä üng khimi ce hai pangle pyng-a awng saite Taira märü hai Sidon märü mang üng ly saite khimi na la tyng by vi.

Luka 6:6

Aehae te äkälang käni-a Isu lä Judae na üng ingkäcai thung-a kung kha mätu pa dy. Ho-a äkö bangtang mang dü saite khimi lawngtä lä awng.

Luka 7:21

Honi kätü khaw-a Isu lä känaw käsaw awng saite na hai, angra kung saite khimi na tea hawi sa pa te vi. Ämi kangjö na tea la nung hai pa dy.

Luka 7:22

Tukätephüng-a Isu lä änini tea “Nang ni lä vawi hawi haile kha ätete nung saite hai thai saite amäjy na Baptismae Johan tea thui pa ba. ‘Ämi kangjö na ämi nung haw ö dy. Äkho kangbai na la aeke haw ö dy. Ängang käsi mang saite na tea hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Luka 8:1

Hini pyng dylä Isu lä vang hai märü na mang-a ly kha Säthaw üng Angthang Kähawi thui pa. Äma üng äkähui lawng hawlai netä na la mangtä ly ö by.

Luka 9:11

Tungaila khimipui na lä honi angthang thai kha äni leithung hui ö dy. Isu lä äni ce tea lady kha Säthaw üng pre angthang thui pa. Naw te hawi hethang ngai saite khimi angxynlyng na tea la äni ma hawi sa pa.

Luka 9:60

Isu ma “Kädü na lä äma ce üng äro tea bärung ö raw kae sy. Tungaila nang ce lä ly kha Säthaw üng pre phüng phai thui ö” näpa.

Johan 18:20

Isu ma “Kai lä khimi ce üng maw-a, cüngpra-a älo thui te vi. Judae khimi na aecö saite Judae na üng ingkäcai hai Säthaw üng Ingkäcai thung-a la, Kai lä Säthaw lo mätu tütü te vi. Manila Kai lä kangru-a thui vai te y.

Johan 6:59

Isu ma Kapernawm märü Judae na üng ingkäcai-a mätu ea hini phüng na thui pa te vi.

Johan 7:1

Tupyng-a Isu lä Kalile khö-a khölawng tho dy. Judae mätawngky na lä äni bung bädü hethang aeceng ö pa te phüng-a Judae khö-a khölawng tho hethang ngai pa y.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 18:4

Aehae te Käni qütä Pawlae lä Judae na üng ingkäcai-a Judae khimi na hai Käri khimi na yng hethang äni ce hai Säthaw lo aedüng aethui ö dy.

Angtawtha 20:25

“Kai lä Säthaw pre phüng nang ce angxynlyng tea ly kha thui vi dy. Nang ce lä kai bung nung haile y vi ai dy näte kai lä vaihi mäny te vi dy.

Angtawtha 28:31

Äni lä ri y te hai ma Säthaw üng pre phüng hai Areng Isu Khrista phüng khimi ce tea thui kha mätu pa vi dy. Ämi lawngtä la äni tea mäkhang pa y.

Pawlae ma Rom märü üng kangkawng tähang tärü saite cae 10:15

Tudylä Säthaw üng Angthang Kähawi thui hethang khimi ce bung Säthaw ma mätaw y dylä, makä sa kha äni ce lä Angthang Kähawi thui haw ö ai mei. Caekäcai thung-a thui te lä, “Angthang Kähawi thui saite khimi na üng ly saite äkho na lä tengxyng y cangxei he hawi vi” näkha nä vi.