Mathai 3:7 - Caekäcai Kangthae (Lemi)

⁷ Johan ma Pharisai hai Sadukai awng mang saite na baptismae la hethang ly te nung pa vi. Äni ma “Nang ce lä bärui käsi hai aetawng vi. Baptismae lä te hai-a nang ce lä Säthaw ma dengpy saite aelawi haw y lyng.

Asang Khongso New Testament

⁷ Johan mah Farasi kaminawk hoi Sadusi kaminawk to anih khaeah baptisma hak hanah kangzo o to a hnuk na-ah, “Pahui kangpraengnawk, ka pha hankoi Sithaw danpaekhaih thung hoitoah na loih thaih tih, tiah amimah maw na thui?

Mathai 3:7 ပူးပေါင်းရင်းမြစ်များ

Mathai 12:24

Tungaila Pharisai na ma hini phüng thai te kätü-a lä, “Hini khimi lä Belzebul angra mangkhawng üng haidae hai angra na bung mätho haw vi” näkha äma ce tingtawi aethui ö dy.

Mathai 12:34

Nang ce lä äce küng hai saite bärui amäjy na kätyng vi. Nang ce lä khimi käsi käsae na vi kha älo kähawi amäjy tho haw ö y lyng. Ätephüng-a mei nädylä äma üng bälung thung-a kawi saite na ni äma üng täbawng mang tho te vi.

Mathai 15:12

Tupyng-a äkähui na lä Isu tea ly kha “Nang üng thui saite lo thai kha Pharisai na kädawtho te mäny mei” näkha düng pa.

Mathai 16:1

Pharisai na hai Sadukai phütä na lä käny hethang Isu tea ly pa ö dy. Isu üng aenae Säthaw ma py te mäny hethang äni ce lä Isu tea käni mang üng kamarae sa hethang mäkai pa ö dy.

Mathai 16:6

Isu ma äni ce tea “Nang ce lä Pharisai na hai Sadukai na üng täkaw aepae saite aesi tea kähawi-a sädi khai ö” näkha näpa.

Mathai 22:15

Tupyng-a Pharisai na lä aekäcö ea Isu lä tämang saite älo aepe dang hethang makä sa ai mei näkha aedüng ö dy.

Mathai 22:23

Honi käni-a kädü thung üng aetha haile te awng y näkha yng saite Sadukai phütä na lä Isu tea ly pa ö dy.

Mathai 22:34

Pharisai na lä Isu ma Sadukai na älo qa haw y rungtä älo thui te thai ea aekäcö pa dy.

Mathai 23:33

Nang ce lä bärui käsi hai aetawng vi. Bärui cäpi na hai aetawng vi. Nang ce ae-ui y dylä, Säthaw ma ngärei thung-a dengpy te üng aelawi haw y.

Mathai 5:20

Tängai ö. Nang ce üng cüng saite lä Pharisai na hai Ubädi särae na qawng-a nang ce lä cungrü-a awng y dylä, Säthaw üng pre pyng saite thung-a kung haw y lyng.

Marka 12:13

Tupyng-a Judae mätawngky na lä Pharisai phütä na hai sanphrang Herodae üng äpy phütä na bung Isu tea käny hethang mätaw pa ö vi.

Marka 12:18

Tudylä kädü thung üng aetha haile te awng y näkha yng saite Sadukai phütä na lä Isu tea ly pa ö dy.

Marka 8:15

Tukha Isu ma äni ce tea “Nang ce lä Pharisai na hai sanphrang Herodae üng täkaw aepae saite aesi tea kähawi-a sädi khai ö” näkha näpa.

Luka 16:14

Tangkae ngaiphi saite Pharisai na lä hini lo angxynlyng na thai kha Isu tea mänui hai pa ö dy.

Luka 18:11

“Pharisai lä aedaw ea äma phüng hai aetang pa te lä ‘Säthaw ä, kai lä khimi kälang na, kangru na, käsi sa saite na, täkübäjang sa saite na hai honi angko cawng saite khimi kätyng y te phüng-a nang tea kawng bärai ba.

Luka 7:30

Tungaila Pharisai na hai Ubädi särae na lä Säthaw üng kaedawng saite na tea ngai y te phüng-a, Baptismae Johan te üng baptismae la ö y te vi.

Johan 1:24

Johan tea mätaw saite phütä Pharisai na ma lä,

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Johan 9:40

Pharisai phütä na ma äni lo thai ea “Kai ce tea lä ämi kangjö näkha thui he ngai te mei” näkha düng pa.

Angtawtha 15:5

Tungaila Pharisai na thung üng Yng saite khimi phütä na lä aetha kha, “Ceng kälang Khimi na lä lengkhüng täke hethang kae. Mosi üng Ubädi tea bäjui hethang äni ce tea thui he kae” näkha näpa ö vi.

Angtawtha 20:31

Tukätephüng-a kähawi-a aering ö. Kai lä nang ce lawng lawngtä tea säning thungtä tütü kärung käni minaw tui rui kha thui saite Angthang Kähawi mätu saite tea aedawng ö haile ba.

Angtawtha 26:5

Kai bung äni ce mäny te lä qae vi dy. Kai lä Judae na üng kangkawng thung-a Ubädi kähawi-a tängai khü saite Pharisai vi näte äni ce ma ngai dylä thui haw mang.

Angtawtha 5:17

Tukha mäthykung kälengky hai Sadukai thung-a awng saite äni üng rawijae na lä pä-e te bälung awng ö vi. Äni ce tea bäjeng hethang dawng khaw ö vi dy.

Pawlae ma Rom märü üng kangkawng tähang tärü saite cae 1:18

Hunghö sa saite na hai Säthaw tea tämö khai y saite khimi angxynlyng na tea Säthaw üng kädawtho saite lä khösang mang üng hai mätü vi dy. Honi käsi sa saite na üng älang na lä Säthaw üng Lo mitang khimi kälang tea mäny hai y hethang mäkhangky te vi.

Pawlae ma Rom märü üng kangkawng tähang tärü saite cae 5:9

Khrista üng dü saite äthi phüng-a, vaihi Säthaw lä mä-ai tea khimi käcüng-a mäthi te vi dy. Tukätephüng-a Säthaw üng kädawtho saite üng Isu lä mä-ai bung aeqang tätang vi ai.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

Hebrai 11:7

Novae lä nung haw y saite ämaw mang-a tyng hethang na phüng Säthaw üng sädi py saite na tea yng te hai-a thai vi. Äni lä Säthaw tea yng te phüng-a, äni lä älo tängai ea tui sangphaw sa vi. Tukätephüng-a tui cäqing tho saite thung üng äma üng engthung khaw na tea aeqang haw te vi. Novae lä äma üng yng saite hai-a älawngpre üng khimi na tea lä sa tämang te mätü pa vi dy. Novae lä Säthaw tea yng te phüng-a, Säthaw lä äni tea khimi käcüng-a mäthi vi dy.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.