Mathai 28:20 - Caekäcai Kangthae (Lemi)

²⁰ Kai ma nang ce tea thui saite särilo tängai hethang äni ce tea mätu haile pa ö. Tängai ö. Kai lä älawngpre teng te khytä nang ce hai mangtä awng jawjaw vi ai” näkha näpa.

Asang Khongso New Testament

²⁰ Topacoengah ka lokpaek ih boih to pazui hanah patuk oah. Moa dung aboeng khoekto nangcae khaeah kang ohhaih poe han,” tiah a naa.

Mathai 28:20 ပူးပေါင်းရင်းမြစ်များ

Mathai 1:23

Buisaw Isaia ma “Anglaw käcai lä äjopawng ea cäpaw aepeng ai. Khimi ce ma Emanuela näkha ka ö ai.” Honi älawngsai lä “Säthaw lä mä-ai hai mangtä awng” näte vi näkha näpa.

Mathai 13:49

Hini älawngpre teng te kätü-a honi kätyng by vi ai. Säthaw üng angtawtha käcai na lä älawng qawng-a cäqa kha khimi käsi na bung khimi kähawi na thung üng täprei ö vi ai.

Mathai 18:20

Ätephüng-a mei nädylä khimi lawng ne lawng thungtä kai üng ämüng hai aekäcö te mityng-a kai lä äni ce hai mangtä awng te vi” näkha näpa.

Mathai 24:3

Isu lä Olive kung na awng saite me anghung qawng-a aety kha awng ea äkähui na lä ly kha “Nang thui saite na lä mata kätü-a tyng ai rawng mei. Nang ly haile kha hini älawngpre teng te kätü-a mäny hethang äte kamarae na tho ai mei. Kai ce tea thui jo ba ä” näkha düng pa.

Mathai 6:13

Kai ce tea hunghö sa te khytä bärawi bäleng saite aeting hai jo hang ba. Setan ma kai ce tea bäja y hethang säbawng kü ba’ näkha näpa.”

Marka 16:20

Tupyng-a äkähui na lä mityng qütä-a ly kha Angthang Kähawi na thui ö dy. Areng lä äni ce hai mangtä awng pa te vi. Tukha äni ce thui ö saite älo na tüng te phüng mätü hethang tähang-a äni ce tea kamarae na sa hethang haidae na py pa vi dy.

Angtawtha 2:42

Äni ce lä angtawtha na üng mätu te lo na tängai ö dy. Äni ce lä käni qütä-a aekäcö kha Areng bö ca te hai aetang ö vi dy.

Angtawtha 20:27

Ätephüng-a mei nädylä, kai lä Säthaw üng aely kängai angxynlyng na nang ce tea thui king te phüng-a vi.

1 Korin 11:2

Nang ce lä kai bung älang cawngkhang hai aedawng haile kha kai ma mätu pyng saite reitae na kätyng hui ö te phüng-a, kai lä nang ce tea bälaw te vi.

1 Korin 11:23

Areng ma kai tea mätu saite hini lä kai ma nang ce tea mätu rüng pyng te vi dy. Khimi ce ma Areng Isu bung äma üng täre na äkö thung-a a te kärung-a, äni lä täkaw la kha Säthaw tea bälaw pyng-a, täkaw tea täpe ea, “Hini täkaw lä nang ce tähang täpe saite kai üng ätabung vi. Kai tea aedawng haile tyng hethang hini kätyng ca ö jawjaw ba” näkha näpa.

1 Korin 14:37

Khimi lawngtä ma äni lä buisaw läsy, äni tea lä Muilaw Käcai ma py saite sakaw saite awng te läsy, näkha dawng dylä vaihi nang ce tea kai ma tärü saite lä Areng üng särilo vi näte äni lä mäny hethang kae.

Kolosa 1:28

Kai ce lä Khrista üng Angthang khimi qütä tea thui ö vi. Säthaw ma py saite bälung kähae hai kai ce lä khimi qütä tea mäcü ö te vi. Khrista hai mangtä aede hethang khimi qütä lä Säthaw maw-a tyng te kätü-a cungrü hai hethang kai ce lä honi kätyng sa ö te vi.

2 Timote 4:17

Tungaila Areng Isu lä kai äteng-a mangtä awng hai kha aethaw py te vi dy. Tukätephüng-a Khrista üng Angthang Kähawi tea honi mityng-a awng saite ceng kälang khimi angxynlyng na thai hethang kai lä thui king haw vi dy. Khrista ma kai bung lä kädü khaw üng aeqang pa te vi dy.

2 Piter 3:2

Kai lä jangni-a Säthaw üng buisaw käcai na ma thui pyng saite lo na hai-a nang ce üng angtawtha na hai mä-ai üng Aeqangkung Areng Isu Khrista ma nang ce tea py saite särilo tea aedawng haile tyng hethang ngai hai te vi.

Lokphong 1:18

Kai lä Hing saite Kung vi. Kai lä dü pyng te ngaila, vaihi kai lä dungtäsa hing te vi. Dü saite hai Angqaw khaw pyng saite aenae lä kai tea awng te vi.

Lokphong 22:14

Mä-ai ma üng kä-o na tea caiping-a mäsu saite khimi na lä tähang hawi. Äni ce lä kähing py saite thingkawng kung üng äthai ca haw kha märü käleng thung-a hawngkhae kätho na mang kung haw ö ai.