Mathai 25:46 - Caekäcai Kangthae (Lemi)

⁴⁶ Tukha Säthaw ma honi khimi ce lä dungtäsa dengpy te mityng-a mätaw ai. Tungaila khimi cüng saite na lä dungtäsa hing saite mityng-a mätaw ai” näkha näpa.

Asang Khongso New Testament

⁴⁶ Topacoengah to kaminawk to loa dungzan raekhaih hmuenh ah caeh o ueloa kami katoengnawk to loa dungzan hinghaih hmuenh ah caeh o tih,” tiah a naa.

Mathai 25:46 ပူးပေါင်းရင်းမြစ်များ

Mathai 13:43

Tupyng-a khimi cüng saite na lä äni ce üng Pä-ai Säthaw üng pre-a Käni kätyng aevang ö ai. Känawkhing awng saite khimi na lä thaikaw ö sy” näkha näpa.

Mathai 19:16

Khimi lawngtä lä Isu tea ly kha “Särae ä, dungtäsa hing te dang hethang kai lä kälu kähawi makätita sa ai mei” näkha düng pa.

Mathai 19:29

Khimi lawngtä lä Kai üng ämüng phüng-a ing, la, kangby jä-ai, kangpraw, ticaw, nä-awi, pä-ai, cäpaw cänung, na bung khaisö dylä, vaihi dung-a ma phü cungvaitä dang rae vi ai. Vaimaw mang-a lä dungtäsa hing saite dang vi ai rawng.

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Mathai 25:45

Tukha Kai Sanphrang ma äni ce tea ‘Tängai ö. Hini äkähui na thung üng cäpiky lawngtä tea nang ce lä säbawng y käla awng te kätü qütä-a kai tea säbawng y te kätyng kae dy’ näkha näpa.

Luka 16:26

Tukä cang y mä-ai säla-a thu bärai saite älawng käkhaw haetä awng te vi. Tukätephüng-a hi üng ly hethang ngai saite ämi la nang ce tea ly haw y lyng. Nang ce te üng ämi la aekae kha kai ce tea ly haw y lyng’ näpa.

Johan 17:2

Pä-ai ma Kai, Äcäpaw, tea a saite khimi na tea dungtäsa hing te py hethang tähang-a, khimi angxynlyng na tea pyng saite aenae lä Kai tea py vi dy.

Johan 3:36

Äcäpaw tea yng te na la dungtäsa hing te dang ö dy. Äcäpaw tea yng y saite na lä dungtä hing te dang ö y lyng. Äni ce tea Säthaw ma dengpy jawjaw ö vi ai.”

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 5:24

“Tängai ö, nang ce tea kai ma thui saite lo thai kha kai bung mätaw saite Kung tea yng te khimi ce lä dungtäsa hing te dang vi. Säthaw ma äni tea dengpy y käla ma kädü thung üng hing te mang-a aekae hai pa vi dy.

Johan 5:29

Kähawi-a awng saite na lä aetha kha hing haile ö vi ai. Kähawi-a awng y saite khimi na lä aetha ea Säthaw ma dengpy vi ai.

Johan 6:27

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

Johan 6:40

Äcäpaw bung nung kha yng saite khimi angxynlyng na lä dungtäsa hing te dang hethang Pä-ai lä ngai te vi. Kai ma äni ce bung kangkhüng üng käni-a lä aetha ö hai tyng pa vi ai” näkha näpa.

Angtawtha 13:46

Tupyng-a Pawlae ni Banaba lä ri y te hai ma, thui vawng hawi te lä “Kai ni lä Säthaw üng lo Angthang nang ce tea thui mang hethang Säthaw ma kai tea täru te vi. Tungaila nang ce lä Säthaw üng Lo Angthang bung kädesö vi. Nang lä dungtäsa kanghing dang hethang aeteng näkha mätü vi. Tukha kai ni lä nang ce te üng tho kha ceng kälang khimi na tea ly vi ai dy.

Angtawtha 13:48

Ceng kälang khimi na ma honi Älo angthang thai te kätü-a lä, anghawtho te hai ma Säthaw üng Angthang tea bälaw ö vi dy. Säthaw ma dungtäsa hing saite dang hethang re saite khimi na lä yng ö vi dy.

Angtawtha 24:15

Kai tea käsi thui saite na kätyng, kai la Säthaw tea aethang khai te by vi. Kai üng aethang khai saite äte mei nädylä, Säthaw lä khimi käsi kähawi re y käla, khimi ce angxynlyng bung kädü thung üng mätha haile vi ai.

Pawlae ma Rom märü üng kangkawng tähang tärü saite cae 5:21

Tukha khimi angxynlyng na tea lä hunghö ma pyng kha dü hethang kae te kätyng, Säthaw üng tähang kähawi ma la pyng te vi dy. Honi hai-a khimi angxynlyng na tea lä Säthaw ma äma üng maw-a khimi käcüng-a mäthi kha mä-ai üng Areng Isu Khrista hai-a dungtäsa kähing py pa vi dy.

Pawlae ma Rom märü üng kangkawng tähang tärü saite cae 6:23

Hunghö sa saite üng ävang lä dü saite kae. Säthaw üng py saite lasawng lä mä-ai üng Areng Isu Khrista hai bungtä-a dungtäsa hing saite vi.

Galati 6:8

Äma üng ngaiphi tüng y saite bälung hai ämöti hi te khimi lä dungtäsa dü saite tea ae ai. Tungaila Muilaw Käcai üng kängai kätyng-a ämöti hi saite khimi lä Muilaw Käcai te üng dungtäsa hing saite tea ae vi ai.

2 Thesalon 1:9

Areng Isu lä äni ce tea dungtäsa täphra saite hai deng py vi ai. Äni ce bung lä Säthaw ma äma te üng täprei kha Äni üng leng saite haidae lä äma üng hai äni ce tea hanglaw hai vi ai.

1 Johan 2:25

Honi lä Khrista ma mä-ai tea py hethang älo aedo saite vi dy. Äni lä “Kai lä nang ce tea dungtäsa hing saite py ai” näkha älo aedo te vi.

Judae 1:21

Mä-ai üng Areng Isu Khrista üng bäheng saite phüng-a, nang ce tea dungtäsa hing saite dang hethang nang ce ma aering te kätü-a Säthaw üng bäheng saite thung-a awng ö ba.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.

Lokphong 21:8

Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.