Mathai 25:1 - Caekäcai Kangthae (Lemi)

¹ “Honi kätü-a, Säthaw üng pre pyng saite lä hini kätyng vi. Qengtä-a anglaw lawng hawtä na äma ce üng maibung na süng kha nawngpui la saite särai hai aeting hethang ly ö dy.

Asang Khongso New Testament

¹ “Tona tue ah van Poenghaih loa hitiah om tih, vaito loa tangla long hato zulakung thendoeng to dawt hanah hmai-im to sinh o moa tacawt o.

Mathai 25:1 ပူးပေါင်းရင်းမြစ်များ

Mathai 13:24

Tupyng-a Isu lä mätae te lo kälang thui pa be dy. Isu ma “Säthaw ma sanphrang sa saite pre lä hini kä vi. Khimi lawngtä lä äma üng lai-a ämöti kähawi na hi vi.

Mathai 13:31

Tupyng-a Isu lä mätae te älo äkälang hai khimi ce tea thui pa be dy. “Säthaw ma Sanphrang sa saite pre lä hini hai aetawng vi. Khimi lawngtä lä angmawi mö la kha äma üng lai-a e dy.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Mathai 13:47

“Säthaw ma pre pyng saite lä mawi ne hethang jae saite pry haetä hai aetawng vi. Khimi ce lä tuilipui thung-a mawipry jae kha mawi amäjy cawngkhang na dang mang ö dy.

Mathai 20:1

“Säthaw ma pre pyng saite lä Cäpje angkhaw kung üng äphüng hai aetawng vi. Äma lä kälu sa saite na bung vang hethang kädang thawde-a tho jaw dy.

Mathai 22:2

Äni ma “Säthaw üng pre lä hini hai aetawng vi. Sanphrang lawngtä lä äcäpaw üng aepawng pawi tähang aerü rüng dy.

Mathai 25:7

Tukha anglaw lawng hawtä na lä aetha kha äma ce üng maibung na aerü rüng ö dy.

Mathai 3:2

Äni ma “Ae-ui ö lawi Säthaw ma pre pyng saite kätü lä tyng hethang aenai dy” näkha näpa.

Mathai 5:16

Honi kätyng nang ce üng kaevang khimi ce maw-a aevang sy. Tukä dylä, khimi ce lä nang ce üng kälu kähawi nung kha Känipre-a awng saite nang üng Pä-ai tea bälaw ö ai.

Mathai 9:15

Isu ma äni ce tea “Aepawng saite särai üng rawijae na lä äni hai mangtä awng te thüng-a lä bälungsi te awng haw y. Khimi ce ma aepawng saite särai bung rawijae na te üng nähaija te kätyng vi ai. Hini kätü-a äni üng rawijae na lä böjae ö ai.

Johan 18:3

Judae Iskriota lä honi mityng-a ly kha mäthykung käleng na hai Pharisai na ma mätaw saite Rom reisae phütä na hai, Säthaw üng Ingkäcai-a rui saite reisae na bung nähai pa ö dy. Äni ce lä maibung maito hai aetu aekei na süng kha ly ö dy.

Johan 3:29

Nawngmädi anglaw bung dang saite lä nawngpaw vi dy. Nawngpaw üng rawijae lä äni äteng-a awng kha äni üng ätüng tängai ea anghawtho te vi. Hini kätyng kai üng kawng te lä kawi dy.

Angtawtha 20:8

Kai ce aekäcö saite äqawng üng engthung-a lä, maibung thawng saite na awng mang vi.

1 Korin 11:2

Nang ce lä kai bung älang cawngkhang hai aedawng haile kha kai ma mätu pyng saite reitae na kätyng hui ö te phüng-a, kai lä nang ce tea bälaw te vi.

2 Korin 11:2

Säthaw lä nang ce tea dökhaw te kätyng kai la nang ce tea dökhaw te vi. Kai lä nang ce bung anglaw käcai ping kätyng nawngmäcaw lawng saite Khrista lawngtä xyng hai aepawng hethang älo aedo pa te vi.

2 Timote 4:8

Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Lokphong 14:4

Honi khimi na lä nawngmädi na hai täkübäjang sa ö y saite na vi. Äni ce lä äma ce tea pawprae y hethang sädi khai ö te vi. Äni ce lä Beram Caw ly saite mityng qütä-a hui ö vi. Äni ce bung Säthaw lä khimi ceng angxynlyng na thung üng kätho haile pa ö te vi dy. Äni ce lä Säthaw hai Beram Caw hai aesui saite na vi. Äni ce lä angcü üng ae saite cawbi cawthai na Säthaw hai Beram Caw tea a pyng saite na kätyng vi dy.

Lokphong 19:7

Mä-ai lä kawng te hai anghawtho ö si. Säthaw üng phung-ang tea mä-ai lä bälaw ö si. Ätephüng-a mei nädylä Beram caw üng aepawng saite pawi lä tyng vi dy. Äni hai aepawng hethang anglaw lä äma ma tea anglaw aesa rüng vi dy.

Lokphong 21:2

Märü Käcai käleng, Jerusalem kangthae, tea Säthaw lä Känipre üng hai cäqa te kai lä nung vi dy. Äni lä särai hai aepawng he anglaw aesa rüng saite nawngmädi kätyng vi.

Lokphong 21:9

Tupyng-a kangkhüng üng mätang bälai saite na kawipy te kaephi säritä tea süng saite Känipre angtawtha lawng säritä thung üng lawngtä ma kai tea ly kha, “Ly lawi, Beram caw üng nawngpui, aepawng hethang anglaw bung nang tea kai mätü ai” näkha thui vi.

Lokphong 4:5

Areng aety nae üng anglaw säde saite, khö bärü saite ätüng, hai bärei mäkhawi saite tüng na tho vi dy. Honi aety nae maw-a lä maito säritä aekhaw kha aevang vi dy. Honi na lä Säthaw üng Muilaw üng cungrü saite säritä na vi dy.

Lokphong 8:10

Tupyng-a ämäthung üng Känipre angtawtha lä äma üng baw üng vi dy. Tengpaw käleng haetä lä maito kätyng aekhaw kha käni khösang mang üng hai tävaw käleng hai tui cäpring phü käthungtä üng phütä na qawng-a aeqa vi dy.