Mathai 24:42 - Caekäcai Kangthae (Lemi)

⁴² “Tukätephüng-a aerü rüng kha aering ö. Nang ce üng Areng lä mata kätü-a ly ai mei näte nang ce lä mäny ö y.

Asang Khongso New Testament

⁴² “Topongah acoe hoiah om oah; kawmawtiah Angraeng angzohhaih atue hoi ani to na panoek o ai.

Mathai 24:42 ပူးပေါင်းရင်းမြစ်များ

Mathai 24:36

“Honi kätü hai käni lä mani tyng ai mei näte ämi la mäny y. Känipre üng angtawtha na la mäny y. Äcäpaw la mäny y. Pä-ai lawngtä xyng ni mäny haw te kae vi.

Mathai 24:43

Hini lä mäny ö ba. Ingkung lä mata kätü-a theru ly ai mei näte mäny dylä, äma üng ing tea theru ma täkhüva y hethang i y käla aering vi ai.

Mathai 24:44

Nang ce kätü qütä aerü rüng kha awng hethang kae by. Ätephüng-a mei nädylä Kai, Khimi üng Cäpaw, lä nang ce ma aethang khai y te kätü-a tyng vi ai.

Mathai 25:10

Tukätephüng-a anglaw kaerö na maitui rang hethang ly te thüng-a ma, aepawng he särai lä tyng pa vi dy. Aerü rüng saite anglaw na lä aepawng he särai hai mangtä aepawng pawi-a kung kha mawsawng na ma kätho aekhae pa vi dy.

Mathai 25:13

“Ätephüng-a nang ce lä Kai, Khimi üng Cäpaw, ly hethang kätü käni mäny y te phüng-a aering rüng kha awng ö.

Luka 21:34

“Nang ce lä nei, ca pro te hai bärui si phi te phüng-a bälungli hai tang ö hang. Ätabung tähang bälungbi saite phüng-a la bälungli hai tang ö hang. Hakä awng dylä kai ly haile te kätü käni lä nang ce tea dawng aemang te kätyng aepö y tea ma tyngmu ai to.

Luka 21:36

Kähawi-a kheng ö rüng. Tyng he awng saite angxynlyng söpra te na thung üng aelaw haw hethang aetang ö. Tukha dylä nang ce lä Kai, Khimi üng Cäpaw, maw-a aedaw haw hethang aetang ö” näpa.

Pawlae ma Rom märü üng kangkawng tähang tärü saite cae 13:11

Nang ce lä mä-ai ma i saite üng aelaw he kätü tyng te mäny te phüng-a, hini na tea sa haw hethang kae. Ätephüng-a mei nädylä vaihi Säthaw lä mä-ai bung aeqang hethang käni lä mä-ai üng angcü-a Isu tea yng saite kätü qawng-a aenaiky te vi dy.

1 Korin 16:13

Nang ce lä canglailing-a awng ö. Angthang Kähawi tea yng te cakhi ö. Ri ö hang. Ryng saite Khristen lawngtä kätyng aethaw awng ö.

1 Thesalon 5:6

Tukätephüng-a mä-ai lä khimi kälang na kätyng i rawng ö hang lawi. Hini jüng-a, mä-ai lä mä-ai ma tea bälung aepä-üng kha canglailing-a awng ö si.

1 Piter 4:7

Hini älawngpre teng hethang kätü lä aenai vi dy. Tukätephüng-a nang ma ce tea aeküng kha canglailing te hai awng ö. Tudylä nang ce lä aetang haw ö ai.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

Lokphong 16:15

Areng ma, “Tängai ö, kai lä theru kätyng ly ai. I aelaw kha äma üng kä-o aelawng rüng saite khimi lä tähang hawi. Ätephüng-a mei nädylä äni lä khimi ce üng maw-a khawngjawng-a aeke te y käla saerae te dang hai y vi ai” näpa.