Mathai 23:8 - Caekäcai Kangthae (Lemi)

⁸ Tungaila khimi ce ma nang ce tea särae näkha ka hai hang. Nang ce tea särae lawngtä xyng ni awng kae. Nang ce angxynlyng na lä kangby jä-ai kangpraw ticaw na kätyng vi.

Asang Khongso New Testament

⁸ To-e nangcae to, ‘Patukkung,’ tiah kawk han om ai. Kawmawtiah nangcae loa imthungtako maeto thungih naukamzanawk boih ah na oh o moa Patukkung longto khueh ni na tawnh o.

Mathai 23:8 ပူးပေါင်းရင်းမြစ်များ

Mathai 10:25

Aetu saite lawngtä lä äma üng särae kätyng aelawng hethang hai mawsawng lawngtä la äma üng areng kätyng aelawng hethang anghawtho vi ai. Äni ce ma kai tea Belzebul angra näkha ka vi dylä, nang ce tea hini qawng-a cang y siky saite ämüng ka ö vi ai.

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 23:10

Khimi ce ma nang ce tea mätawngky näkha ka ö hai hang. Nang ce üng mätawngky hai Areng lawngtä xyng ni awng kae. Äni lä Mesia vi.

Mathai 23:7

Vyngjaw saite mityng-a khimi ce ma tämö khai kha särae näkha ka te la ngai ö vi.

Mathai 26:25

Tupyng-a äni bung täre na kö thung-a a saite Judae Iskriota ma Isu tea “Särae ä, kai mei” näkha düng pa. Tukha Isu ma “Nang ma thui te kätyng kae dy” näkha näpa.

Mathai 26:49

Judae Iskriota lä Isu tea ly praw kha “Särae ä,” näkha Isu tea mänang pa khaw dy.

Marka 10:51

Isu ma äni tea “Nang tähang kai lä äte sa pa ai mei” näkha düng pa. Ämi kangjö ma, “Särae ä, kai lä ämi aevang haile hethang ngai vi” näpa.

Marka 11:21

Peterae lä Isu thui saite lo tea aedawng haile va kha “Särae ä, kheng kae-e. Nang ma mäthawi saite thaidö kung lä cei king vi dy” näkha näpa.

Marka 14:45

Judae lä Isu tea ly praw kha “Särae ä” näkha Isu tea mänang pa khaw dy.

Marka 9:5

Tukha Peterae ma Isu tea “Särae ä, hini mityng-a lä awng nae hawi bärai. Tukätephüng-a kai ce ma taipung käthungtä, nang tähang haetä, Mosi tähang haetä hai Elijae tähang haetä sa pa ai dy” näkha näpa.

Luka 22:32

Tungaila nang üng yng saite pra y hethang kai lä aetang pa dy. Kai tea nang ae-y haile te kätü-a lä nang ma ce üng kangby jä-ai na tea aethaw py haile tyng pa jo” näpa.

Johan 1:38

Tukha Isu lä aehawi kha änini hui hawi te nung ea “Nang ni lä äte ngai hawi te mei” näkha düng pa. Änini ma “Rabi ä, nang lä äte ma-a awng te vi mei” näkha düng hawi pa dy. Rabi näsaite älo lä särae näte vi.

Johan 1:49

Nathanela ma “Rabi ä, nang lä Säthaw üng Cäpaw, Isrelae na üng Sanphrang vi” näkha näpa.

Johan 11:8

Äkähui na ma “Särae ä, Judae khimi na lä nang tea kälung hai käde hethang sa ö te lä qae y vi rawng. Honi mityng-a nang ly haile be vi ai rawng mei” näkha düng pa.

Johan 20:16

Isu lä “Maeri ä” näkha kähyng pa dy. Tukha Maeri lä Isu te mang-a aehawi kha Hebärai lo hai “Raboni” näkha kähyng pa. (Raboni näte lä “Särae ä” näte by kae vi.)

Johan 3:2

Äni la düngtä-a Isu tea ly kha “Särae ä, nang lä Säthaw ma mätaw saite särae lawngtä vi näte kai ce lä mäny dy. Säthaw lä khimi lawngtä hai mangtä awng y dylä, nang kätyng-a ämi la cangxei saite sa haw y lyng” näkha näpa.

Johan 3:26

Baptismae Johan üng äkähui na lä äni tea ly kha “Särae ä, Jordan tävaw rei-a nang hai mangtä awng saite khimi ma nang ma thui saite lawngtä tea äni lä vaihi baptismae py dy. Äni tea khimi angxynlyng na lä ly dy” näkha thui pa.

Johan 4:31

Hini kätü-a äkähui na lä “Särae ä, käcakänei na ca jo re” näkha näpa.

Johan 6:25

Tuilipui rei mang-a Isu hai aeting ea khimipui na ma “Särae ä, nang lä mata kätü-a hini mityng-a tyng te mei” näkha düng pa dy.

Johan 9:2

Äkähui na ma “Särae ä, hini khimi üng ämi bäjö te lä äma üng hunghö phüng-a mei. Änä-awi ni äpä-ai üng hunghö phüng-a mei” näkha düng pa.

2 Korin 1:24

Kai ce lä nang ce tea ätemakä yng hethang särilo hai thui hethang ngai te y. Kai ce lä nang ce anghawtho hethang nang ce hai mangtä kälu sa ö te vi. Ätephüng-a mei nädylä nang ce lä yng saite hai-a ca khi te vi näte kai ce lä mäny ö te vi.

2 Korin 4:5

Kai ce lä kai ma ce üng phüng na tea thui ö te y. Kai ce lä “Isu Khrista lä khimi angxynlyng na üng Areng vi näte hai kai ce lä Isu hai-a nang ce üng mawsawng na lawng ö vi” näte thui ö te vi.

Ephesi 3:15

Äni lä Känipre üng awng saite angtawtha angxynlyng na hai kälang angxynlyng na, hai älawngpre-a awng saite ceng angxynlyng na tea sa saite Pä-ai vi.

Filemon 1:16

Vaihi üng hai aetawng kha äni lä nang üng mawsawng lawng te cang y, äni lä mawsawng qawng-a aesangky te vi dy. Äni lä vaihi nang bälung aevaw hethang kae saite Khristen kangby lawngtä-a aelawng te vi dy. Kai la äni tea tengxyng y bälung aevaw te vi. Nang lä äni tea kai qawng-a cang y, mäteng ma bälung aevaw hethang hawi te by vi. Ätephüng-a mei nädylä äni lä nang üng mawsawng la vi. Khristen kangby la vi dy.

Jako 3:1

Kai üng yng saite kangby jä-ai na ä, nang ce thung üng khimi äje cäcaw xyngtä lä kangkawng thung-a särae na lawng hethang sa ö hang. Ätephüng-a mei nädylä, Säthaw lä mätu saite kai ce tea khimi kälang na qawng-a cang y, dengpyky vi ai näte nang ce lä mäny ö te vi.

1 Piter 5:3

Nang ce üng beram kanghö na tea pyng hethang aethawsa ö hang. Tungaila nang ce tea Säthaw ma a saite beram kanghö na üng aetu nae-a lawng ö ba.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 19:10

Kai lä äni tea cäphaw hethang äni üng maw-a aebo vi dy. Tungaila äni ma, “Tukä lä sa hang. Kai lä nang ce hai yng saite kälang na kätyng mawsawng lawngtä by vi. Äni ce lä Isu üng täphawng saite lo mitang tea hui saite na kae vi. Säthaw tea phai cäphaw kae. “Isu Khrista üng täphawng saite lo mitang lä buisaw na tea thui hai pa te vi” näkha thui vi dy.

Lokphong 22:9

Tungaila äni ma kai tea, “Tukä lä sa hang. Kai lä nang hai nang üng kangby jä-ai buisaw na hai hini cae-u üng älo na tea tängai saite angxynlyng na üng kangby jä-ai mawsawng lawngtä by kae vi. Säthaw tea phai cäphaw kae” näkha nä vi.