Mathai 22:16 - Caekäcai Kangthae (Lemi)

¹⁶ Äni ce lä äma ce üng äkähui phütä na hai Herodae üng äpy na bung Isu tea mätaw pa dy. Äni ce ma “Särae ä, nang lä kätüng khaw ni thui te kai ce lä mäny vi. Nang lä khimi ce Säthaw üng älang kätüng kätyng awng hethang mätu te vi. Khimi ce ma nang phüng aethang khai ngaila nang lä dawngcang te y. Khimi ce üng mimai tea la kheng y.

Asang Khongso New Testament

¹⁶ Topacoengah angmahcae ih hnukbang thoemto hoi Herod ih kami thoemto to Jesuh khaeah patoeh o moa anihcae mah, “Patukkung, nang loa loktang ni na thuih tito kang panoek o. Sithaw koeh ih loktang to mi mikhmai khen aiah na patuk. Kawmawtiah nang loa ami doeh pazit pakrawnhaih ih to na tawn ai.

Mathai 22:16 ပူးပေါင်းရင်းမြစ်များ

Mathai 22:24

Äni ce ma “Särae ä, Mosi ma äma üng Ubädi thung-a mä-ai tähang tärü te lä ‘Khimi lawngtä lä caw na dang y käla dü taqawi dylä, änawngpui bung äkangby na ma aekö hai he kae. Ätephüng-a mei nädylä dü saite äjä-ai üng amäjy aepreng hai he kae’ näkha näpa.

Mathai 22:26

Honi kangby lä caw na dang y käla dü tynglyng pa. Hini kätyng äbaeni hai ämäthung kangby ni lä hini nawngmädi bung aekö hai kha caw na dang y käla dü be tynglyng pa vi. Tupyng-a kangby jä-ai lawng säritä na lä hini nawngmädi aekö hai bawi kha caw na dang y käla dü ö bawi vi dy.

Mathai 26:18

Isu ma “Nang ce lä märü thung-a hini khimi tea ly ö ba. Äni tea kai ce üng särae ma Säthaw ma kai tähang khai saite kätü lä aenai dy. Nang üng ing-a kai üng äkähui na hai mangtä Cäqengja te pawi sa hethang ngai ti” näkha täru vi näpa ba.

Mathai 26:49

Judae Iskriota lä Isu tea ly praw kha “Särae ä,” näkha Isu tea mänang pa khaw dy.

Marka 10:17

Isu lä khölawng tho te thüng-a khimi lawngtä lä aehui kha äni üng maw-a aebo pa. Tukha Isu tea “Särae kähawi ä, dungtäsa hing te dang hethang kai lä makä sa he kae mei” näkha düng pa vi.

Marka 12:13

Tupyng-a Judae mätawngky na lä Pharisai phütä na hai sanphrang Herodae üng äpy phütä na bung Isu tea käny hethang mätaw pa ö vi.

Marka 12:14

Honi khimi ce ma Isu tea ly ea “Särae ä, nang lä kätüng khaw saite älo ni thui te kai ce lä mäny. Khimi ce ma nang phüng makä dawng kha thui ngaila, nang lä dawngcang te y vi. Khimi üng mimai tea kheng y käla Säthaw üng älang tea kätüng khaw-a mätu te vi. Kai ce lä Sica sanphrang tea angko py sang mei, py sang y mei. Kai ce tea thui” näkha düng pa.

Marka 3:6

Qengtäma Pharisai na lä tho ea Isu bung makä sa kha bädü haw ai mei näte phüng sanphrang Herodae üng äpy na hai aedüng ö praw vi dy.

Marka 8:15

Tukha Isu ma äni ce tea “Nang ce lä Pharisai na hai sanphrang Herodae üng täkaw aepae saite aesi tea kähawi-a sädi khai ö” näkha näpa.

Luka 20:21

Tukätephüng-a angrubu-a aesa saite khimi na ma Isu tea “Särae ä, nang lä kätüng khaw saite älo ni thui kha mätu te kai ce lä mäny ö te vi. Nang lä khimi ce üng mimai tea la kheng y käla ma Säthaw üng älang kätüng khaw-a mätu te vi.

Luka 7:40

Isu ma äni tea “Simon ä, kai lä nang tea haetä thui hethang ngai” näpa. Simon ma “Thui mai by Särae ä” näkha näpa.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 18:37

Pilata ma “Tudylä Nang lä Sanphrang vi mei” näkha düng pa. Isu ma “Nang ma thui te kätyng Kai lä Sanphrang vi. Kai lä Älo mitang phüng thui hethang tähang-a aepeng kha hi älawng qawng-a cäqa te dy. Älo mitang hai aesui saite khimi na lä Kai üng älo na tängai ö te vi” näkha näpa.

Johan 7:18

Mä-ai ma üng aely kängai hai thui saite khimi lä mä-ai ma phung-ang dang he ngai te kae vi. Tungaila äma bung mätaw te Kung üng phung-ang tähang aethawsa saite khimi lä mitang khü vi. Äni lä älo kaeling thuikaw y lyng.

2 Korin 2:17

Khimi awng mang saite na lä ävang dang hai hethang Säthaw üng lo thui ö te vi. Mä-ai lä hini khimi ce kätyng y. Säthaw ma mä-ai bung mätaw te phüng-a, mä-ai lä Säthaw üng maw-a bälung mitang khaw hai Khrista üng Angthang thui ö te vi.

2 Korin 4:2

Kai ce lä saerae hethang hai ho hethang hawi khaw saite kälu angxynlyng na tea khaisö ö vi dy. Kai ce lä ämi tea la kaeling sa te y kha Säthaw üng älo lä aemäqa te y vi. Kai ce lä lo mitang tea thui phrang ö te vi. Hini kätyng Säthaw üng maw-a cüng vi näte khimi angxynlyng na üng bälung thung-a mäny haw ö te vi.

2 Korin 5:16

Tukätephüng-a mä-ai lä vaihi üng hai aetawng kha ämi lawngtä tea la älawngpre üng khimi na üng kaedawng kätyng dawng ö te y vi. Jangni-a kai ce lä Khrista üng phüng tea älawngpre khimi na üng kaedawng kätyng aedawng ngaila, vaihi lä hini kätyng dawng ö te y vi dy.

Galati 1:10

Vaihi kai lä khimi ce üng kängai-a sa te mei. Y lyng. Säthaw üng bälung aely kängai-a sa te kae. Kai lä khimi ce üng kängai-a sa te kae vi nädylä Khrista üng mawsawng lawng haw y dy lyng.

Galati 2:6

Kangkawng üng mätawngky na lä kai ma thui pa saite Angthang Kähawi tea äte haetä la kangthae mätu ö te y vi. Khimi ce lä honi mätawngky na tea aely kälengky-a khai ö ngaila, kai tähang lä khimi ce kätyng aely leng te y vi. Säthaw lä khimi ce üng mimai tea kheng te y lyng.

1 Thesalon 2:4

Honi jüng-a, Säthaw ma mä-ai tea Angthang Kähawi thui hethang aeteng khaw saite hai ae-y haw saite khimi na kätyng-a dawng saite angtawtha na kä, kai ce lä thui ö te vi. Khimi ce ma kawng hai hethang kai ce lä aethawsa te y lyng. Mä-ai üng bälung na tea käny saite Säthaw ma kawng hai hethang ni sa ö te kae.

Jako 3:17

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.