Mathai 22:13 - Caekäcai Kangthae (Lemi)

¹³ Tupyng-a sanphrang lä mawsawng na tea ‘Äni üng äkö hai äkho-a mäkhing ö kha ärang kävingky mang-a mätho ö la. Honi mityng-a khimi ce lä raw kha äfaw aemäkütang ea awng ö vi ai’ näkha näpa.”

Asang Khongso New Testament

¹³ Topacoengah sangpahrang loa a tamtoehnawk khaeah, ‘A khok hoi a ban to taoeng oloa tasabang kaving thungah vah oh. To hmuenh ah to qah hoi haa to ta-aihhaih to om tih,’ a tih,” tiah a thuih pae o.

Mathai 22:13 ပူးပေါင်းရင်းမြစ်များ

Mathai 12:29

Pheitä mang hai thui dylä, aethaw awng saite khimi bung mäkhing mang y käla äni üng ing-a kung kha ämi lä äni üng vyng na la haw y lyng. Äni bung mäkhing pyng ea ni äni ing-a kung kha vyng na bäru haw hethang kae.

Mathai 13:30

Aeca kung na hai caw kung na mangtä caw ae te thüng khytä ryng re sy. Caw ae kätü tyng ea kai üng mawsawng na tea nang ce lä angcü-a aeca kung na aephawi mang kha honi na tea maisawi hethang tä-yng kha mäkhing ö he kae. Tupyng-a äni ce lä caw kung na tea ae kha käcüng ea kai üng cawpai thung-a mätung ö’” näkha näpa.

Mathai 13:42

Säthaw üng angtawtha na ma käsi sa saite khimi na bung ngärei thung-a käde pa ö vi ai. Honi mityng-a äni ce lä tengxyng y raw kha äfaw aemäkütang ö vi ai.

Mathai 13:50

Säthaw üng angtawtha na ma khimi käsi na bung lä ngärei thung aethaw paitae hai käde ö vi ai. Tukha honi mityng-a khimi ce lä tengxyng y rawpi te hai äfaw aemäkütang kha awng ö vi ai.”

Mathai 24:51

Ingkung lä hini mawsawng kälengky tea tengxyng y dengpy kha Säthaw üng lo tängai te käjüng sa saite na hai mangtä khai pa vi ai. Äni ce lä raw kha äfaw aemäkütang kha awng ö vi ai.”

Mathai 25:30

Tupyng-a hini kaevang y saite mawsawng bung lä kävingky thung-a kädeja ö la. Honi mityng-a äni ce lä rawpi te hai äfaw aemäkütang kha awng vi ai’ näkha näpa.

Mathai 8:12

Tungaila Säthaw üng khimi, Isrelae khimi na bung kävingky saite thung-a kädesö vi ai. Honi mityng-a äni ce lä tengxyng y rawpi te hai äfaw aemäkütang kha awng ö vi ai mang” näkha näpa.

Luka 13:28

Säthaw üng pre-a Abraham, Isaika, Jaeko hai buisaw angxynlyng na bung nang ce lä nung ngaila, Säthaw ma nang ce bung honi mityng üng mäthoja ö vi ai. Honi kätü-a nang ce lä rawsö ea aemäkütang kha awng ö vi ai.

Johan 21:18

“Tängai ba. Nang lä nade thüng-a khabai angkeng-a aemäkhing kha ngai saite mityng-a ly dy. Mätawng ea lä nang üng äkö pang netä bäjae kha khimi kälang na ma nang bung mäkhing pyng-a, nang ly hethang ngai y saite mityng-a nähai vi ai” näpa.

Angtawtha 21:11

Tukha äni lä kai ce tea ly ea Pawlae üng khabai la kha äma üng äkö hai äkho tea aemäkhing vi. Tupyng-a Akapu lä “Muilaw Käcai lä hini kätyng thui te vi. Jerusalem märü-a Judae khimi na ma hini khabai üng äkung bung hini kätyng mäkhing kha ceng kälang khimi na tea a vi ai” näkha näpa.

Angtawtha 7:54

Sanhendrin kawngci üng khimi na lä honi lo thai te kätü-a, kädawtho phi te hai äfaw aetä-ai kha awng pa ö vi dy.

2 Thesalon 1:9

Areng Isu lä äni ce tea dungtäsa täphra saite hai deng py vi ai. Äni ce bung lä Säthaw ma äma te üng täprei kha Äni üng leng saite haidae lä äma üng hai äni ce tea hanglaw hai vi ai.

2 Piter 2:17

Hini käjüng sa saite särae na lä kang saite tui cäpring hai aeli ma mäsaeja saite tämai na kätyng vi. Tukätephüng-a Säthaw lä äni ce tähang ving phi saite mityng khai pa te vi dy.

2 Piter 2:4

Tukätephüng-a jangni-a Känipre üng angtawtha phütä na ma hunghö sa te kätü-a, Säthaw lä äni ce tea dengpy te vi. Säthaw lä äni ce bung ving saite angqaw khaw käthu-a kädephae kha pä-ung pa ö vi dy. Äni lä äni ma tärae cei te käni tyng te khytä äni ce bung honi thawng käving thung-a pä-ung ö vi ai.

Judae 1:13

Äni ce lä pangle üng bungba saite tuileng kätyng vi. Äni ce üng aejae hethang hawi saite kälu na lä pangle tui thung üng mäce pawlaw na tho te kätyng vi. Äni ce lä khösang-a aeja rungrang saite tengpaw na kätyng vi. Honi na tähang lä Säthaw ma thuphi saite käving thung-a dungtäsa mityng khai rüng pyng pa vi dy.

Judae 1:6

Säthaw ma äni ce tea py saite kälu na tea khaisö saite Känipre üng angtawtha na phüng aedawng haile ö. Äni ce lä äma ce mityng na mang üng thoja ö te vi. Tukätephüng-a Säthaw lä äni ce tea dungtäsa singqy rui hai mäkhing kha käving thung-a khai pa vi dy. Säthaw lä äte angxynlyng na tea tärae cei te Käni khytä äni ce bung lä hini kätyng khai vi ai rawng.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.