Mathai 19:21 - Caekäcai Kangthae (Lemi)

²¹ Isu ma äni tea “Nang cungrü bawi hethang ngai dylä, ly kha nang üng awng saite angxynglyng na jaw king kha dang saite tangkae khimi kangtang na tea py pa. Hokä sa dylä, nang lä Känipre ingthawng dang ai mang. Honi pyng-a kai leithung hui” näkha näpa.

Asang Khongso New Testament

²¹ Jesuh mah anih khaeah, “Kami kacung ah oh han na koeh nahaeloa caeh aloa na tawnh ih hmuen boiboih to zaw ah, na hnuk ih tangka to kamtang kaminawk to paek ah; Totibaloa van ah qawk na tawn tih, topacoengah angzo aloa na baang ah,” tiah a naa.

Mathai 19:21 ပူးပေါင်းရင်းမြစ်များ

Mathai 16:24

Tupyng-a Isu ma äkähui na tea “Khimi lawngtä kai leithung hui hethang ngai dylä, äma üng kängai sai na khaisö kha dü hethang aerü rüng ea äma üng thinglang aepö kha kai leithung hui he kae.

Mathai 19:20

Honi särai ma Isu tea “Kai lä hini särilo na tängai pyng te vi dy. Kai äte amäjy na sa hethang ngai rawng mei” näkha düng pa.

Mathai 19:22

Äni lä vyngsai tawngnang phi saite khimi vi te phüng-a Isu üng thui saite lo thai ea bälung hawi y phi te hai Isu te üng thoja pa dy.

Mathai 19:28

Isu ma äkähui na tea “Tängai ö, Säthaw ma äte angxynglyng na tea kangthae sa te kätü-a Kai, Khimi üng Cäpaw, lä Kai üng phung-ang awng saite aety nae qawng-a aety kha angxynglyng na bung pyng vi ai. Honi kätü-a Kai üng äkähui na lä nang ce la aety nae na qawng-a aety kha Isrelae ceng hawlai netä na tea pyng ö vi ai.

Mathai 4:19

Isu ma “Kai leithung hui hawi. Nang ni lä mawi ne hawi te jüng-a, kai tea yng hethang khimi na bung nähai saite khimi ni-a bälawng vi ai” näkha näpa.

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Mathai 8:22

Tungaila Isu ma äni tea “Nang lä kai leithung vaihi ma hui lawi. Kädü na ma äma ce üng äro tea bärung ö raw kae sy” näkha näpa.

Mathai 9:9

Isu lä honi mityng tho ea Mathai näte lawngtä angko cawng saite jung cäcaw-a aety te nung vi. Isu ma äni tea “Kai leithung hui lawi” näpa. Tukha Mathai lä aetha kha Isu leithung hui praw pa dy.

Marka 10:21

Isu lä honi khimi tea bälung aevaw te hai kätaw-a kheng dy. Äni ma “Nang sa hethang haetä ngai vi rawng. Nang üng awng saite angxynlyng na jaw king kha dang saite tangkae lä khimi kangtang na tea py pa. Hokä sa dylä nang lä Känipre ingthawng dang ai mang. Honi pyng-a dylä kai leithung hui” näpa.

Marka 2:14

Isu lä aeke te thüng-a Alphai üng cäpaw Levi bung nung dy. Levi lä Rom aecörae na tähang angko cawng saite khimi vi. Äni lä äma üng jung-a aety kha awng te vi. Isu ma äni tea “Kai leithung hui lawi” näkha näpa. Tukha Levi la aetha praw ea Isu leithung hui pa dy.

Marka 8:34

Tupyng-a Isu lä khimipui na hai äkähui na tea ka kha äni ce tea “Khimi lawngtä lä kai leithung hui hethang ngai dylä, äma üng kängai sai na khaisö kha äma üng thinglawng aepö kha dü hethang awng rüng kha kai leithung hui he kae.

Luka 12:33

Nang ma ce üng pyng saite ingthawng na jaw ea khimi kangtang na tea tangkae py ö. Hini kätyng mö haw y saite phawisae-i na nang ma ce tähang sa ö dy. Theru bäru haw y, dengkeng ma ca haw y kha tenglei y saite ingthawng nang ce tähang Känipre-a awng ai.

Luka 14:33

Honi kätyng nang ce thung üng khimi lawngtä ma kai üng äkähui-a aelawng he ngai dylä, äma üng awng saite angxynlyng na khaisö he kae.

Luka 16:9

“Tängai ö. Älawngpre üng ingthawng tangkae na hai nang ma ce üng rawijae na dang hethang sa ö ba. Tudylä honi ingthawng na byng te kätü-a lä nang ce bung dungtäsa ing-a Säthaw ma lady ai mang.

Luka 18:22

Hikä Isu ma thai te kätü-a lä, äni tea “Nang lä haetä sa hethang awng te vi rawng. Nang üng awng saite angxynlyng na jaw king kha honi tangkae lä khimi kangtang na tea py pa. Tudylä Känipre ingthawng lä nang dang ai mang. Tupyng dylä ly kha kai leithung hui” näpa.

Luka 5:27

Honi pyng-a Isu lä tho ea lä Levi näsaite angko cawng te kung lawngtä äma üng jung-a aety te bung nung pa vi. Isu ma äni tea “Kai leithung hui lawi” näpa dy.

Luka 6:40

Aetu te khimi lä särae qawng-a lengky y lyng. Tungaila särae te üng kähawi-a aetu saite khimi qütä lä äma üng särae kätyng by vi ai.

Luka 9:23

Tupyng-a äni ce angxynlyng tea “Khimi lawngtä lä kai leithung hui hethang ngai dylä äma üng kängai sai na khaisö he kae. Äni lä kätü qütä dü hethang awng rüng kha äma üng thinglawng aepö kha kai leithung hui he kae.

Johan 10:27

Kai üng beram na lä Kai üng ätüng tängai vi. Kai lä äni ce bung mäny kha äni ce la Kai leithung hui ö te vi.

Johan 12:26

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Angtawtha 2:45

Äni ce lä äma ce üng älawng mityng hai vyngsai na jaw kha aely ngai saite-a tangkae mangtä aeri ö bawi vi dy.

Hebrai 10:34

Nang ce lä thawng thung-a pä-ung saite na tea bäheng ö te vi. Nang ce tea awng saite vyngsai angxynlyng na tea khimi ce ma la king ngaila anghawtho te hai khung ö te vi. Äte makäte phüng-a mei nädylä dungtäsa aekang kha hawiky saite vyngsai na nang ma ce tea awng näte nang ce lä mäny ö vi dy.