Mathai 16:27 - Caekäcai Kangthae (Lemi)

²⁷ Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Asang Khongso New Testament

²⁷ Kawmawtiah Kami Capa loa Ampa ih lensawkhaih hoi angmah ih vanminawk hoiah angzo ngaepacae ueloa mi boih to a toksak ih taring ah kawnvang to paek tih.

Mathai 16:27 ပူးပေါင်းရင်းမြစ်များ

Mathai 13:41

Kai, Khimi üng Cäpaw, älawng qawng-a Kai ma üng angtawtha na bung mätaw vi ai. Tukha äni ce lä khimi ce tea käsi sa hai saite hai hunghö na sa saite khimi angxynlyng na tea Säthaw pre thung üng mätho ö vi ai.

Mathai 13:49

Hini älawngpre teng te kätü-a honi kätyng by vi ai. Säthaw üng angtawtha käcai na lä älawng qawng-a cäqa kha khimi käsi na bung khimi kähawi na thung üng täprei ö vi ai.

Mathai 24:30

Tupyng-a Kai, Khimi üng Cäpaw, lä ly ai dy näsaite mätü te kamarae lä khösang-a aetüng vi ai. Älawngpre angxynlyng na üng khimi na lä ri te phüng-a raw ö vi ai. Tukha Kai, Khimi üng Cäpaw, lä haidae hai phung-ang hai khö angnüng qawng mang ly te khimi na ma nung ö ai.

Mathai 25:31

“Kai, Khimi üng Cäpaw, lä kai ma üng phung-ang hai Säthaw üng angtawtha angxynlyng na hai mangtä ly te kätü-a phung-ang awng saite Areng aety nae qawng-a aety ai.

Mathai 26:64

Isu ma “Honi lä nang üng älo vi. Tungaila kai nang ce tea thui ai. Vaimaw mang-a Kai, Khimi üng Cäpaw, lä haidae lengky saite Säthaw üng bangtang mang-a aety kha awng te hai khö angnüng qawng mang ly te tea nang ce lä nung ö vi ai rawng” näkha näpa.

Mathai 8:20

Isu ma äni tea “Kivae na lä äkhaw awng. Tävaw na lä täbö awng. Tungaila Kai, Khimi üng Cäpaw, lä älö qu nae mäteng awng te y” näkha näpa.

Marka 14:62

Isu ma “Tukä cy. Kai, Khimi üng Cäpaw, lä haidae lengky saite Säthaw üng bangtang mang-a aety kha awng te hai khö angnüng qawng mang ly te tea nang ce lä nung ö vi ai rawng” näkha näpa.

Marka 8:38

Khimi lawngtä lä hini dungpasi te käni-a kai hai kai üng mätu saite angthang na phüng-a kaejae dang dylä, Kai, Khimi üng Cäpaw, la äni üng phüng-a Äpä-ai üng phung-ang hai Säthaw üng angtawtha käcai na hai mangtä ly te kätü-a lä kaejae dang vi ai” näkha näpa.

Luka 21:27

Honi kätü-a lä Kai, Khimi üng Cäpaw, lä haidae hai phung-ang hai khö angnüng thung mang ly te khimi ce ma nung ö vi ai.

Luka 22:69

Tungaila vai üng hai kaetawng Kai, Khimi üng Cäpaw, lä aenae angxynlyng na awng saite Säthaw üng bangtang mang-a aety vi ai” näpa.

Luka 9:26

Khimi lawngtä lä kai hai kai üng älo phüng-a aejae dylä Kai, Khimi üng Cäpaw, lä kai ma üng phung-ang hai Üngai üng phung-ang hai Säthaw üng angtawtha käcai na hai ly te kätü-a hini khimi phüng-a aejae vi ai.

Johan 21:22

Isu ma “Kai cäqa haile tyng te khytä, äni tea hing hethang kai ngai hai dylä, nang üng aely y lyng. Nang lä kai leithung-a hui lawi” näkha näpa.

Johan 21:23

Honi älo phüng-a, “Honi äkähui dü hethang y dy” näkha thui rungrang saite angthang lä äkähui na säla-a aethangdü pa vi dy. Tungaila Isu lä “Hini äkähui lä dü y dy” näkha thui te y “Kai cäqa haile te kätü khytä, äni tea hing hai hethang kai ngai dylä nang üng aely y lyng” näkha thui te kae.

Angtawtha 1:11

Äni ce ma “Kalile khimi ce ä, ätephüng-a aedaw kha käni mang-a kheng ö te vi mei. Känipre-a paw saite Isu bung nung te kätyng äni lä äbaeni cäqa haile vi ai” näkha thui pa.

Pawlae ma Rom märü üng kangkawng tähang tärü saite cae 14:12

Tukä dylä mä-ai angxynlyng na lä mä-ai üng sa saite na phüng Säthaw tea thui bawi ö vi ai.

Pawlae ma Rom märü üng kangkawng tähang tärü saite cae 2:6

Säthaw lä khimi angxynlyng na tea äma ce üng kähawi hai kähawi y sa saite na kätyng aeteng khaw saite ävang na py vi ai.

1 Korin 15:23

Tungaila khimi qütä lä Säthaw üng khai rüng saite kätyng-a dü saite thung üng hing haile ai. Angcüky-a Säthaw ma Khrista bung lä dü saite thung üng mäning haile tyng te vi dy. Honi pyng dylä, Khrista ly haile te kätü-a, äni hai aesui saite khimi na lä dü saite thung üng hing haile tyng ö ai.

1 Korin 3:13

Isu Khrista ly haile te kätü-a, äni lä Säthaw ma py saite kälu tea, mä-ai lä kähawi-a sa mei, sa y mei näte mätü king vi ai. Honi käni-a, Khrista lä khimi qütä na üng kälu tea mai hai mäcae kha honi kälu lä ävang ting mei, ting y mei näte mätü vi ai.

1 Korin 8:8

Tungaila mä-ai lä ca saite amäjy na hai-a Säthaw tea kawng hai haw te y. Mä-ai lä hini löci mawi ca te, ca y te lä Säthaw üng maw-a aely leng te y lyng.

2 Korin 5:10

Mä-ai angxynlyng lä Khrista ma tärae cei hethang äni üng maw-a aedaw ö hethang kae. Hini älawngpre-a mä-ai lä awng te thüng-a, mä-ai sa saite aeteng khaw te ävang na, y dylä Säthaw lä mä-ai tea dengpy vi ai.

Ephesi 6:8

Mawsawng te läsy, khimi kaelawi te läsy, hawi saite kälu sa dylä, Säthaw ma nang ce tea ävang käting py ai näte mäny ö ba.

Kolosa 3:25

Khimi lawngtä hunghö sa dylä hunghö sa te kätyng ävang tea lä Säthaw ma dengpy ai. Säthaw lä ämi üng mimai tea la kheng te y vi.

1 Thesalon 1:10

Tukha nang ce lä Säthaw ma kädü thung üng mätha haile pa saite Äcäpaw Isu Khrista lä Känipre mang üng cäqa haile tyng ai te tea aering hethang phüng khimi qütä ma thui ö vi dy. Isu Khrista ly haile tea lä Säthaw üng kädawtho saite thung üng mä-ai bung Äni ma aelawi hai pa vi ai.

1 Thesalon 4:16

Areng äma lä äma üng särilo ätüng käleng hai, Känipre angtawtha kälengky üng ätüng hai, Säthaw ma baw üng te ätüng hai, Känipre mang üng hai cäqa ai. Khrista tea yng kha dü pyng saite khimi na lä kangmangky-a hing haile tyng ö vi ai.

Jako 5:7

Yng saite kangby jä-ai na ä, tukätephüng-a Areng ly haile te khytä aering ö. Lai sa saite na lä älawng üng ävang ting saite äthai na dang te khytä, angcü hai kangkhüng üng khö tui na tea khung kha aering te phüng aedawng ö.

1 Piter 1:17

Säthaw ma khimi ce tea tärae cei te kätü-a lä mimai kheng te y. Äni lä khimi qütä üng sa saite kätyng tärae cei vi ai. Nang ce aetang te kätü-a, hini Säthaw tea lä, “Mä-ai üng Pä-ai ä” näkha thui ö te vi. Tukätephüng-a nang ce lä hini älawngpre-a awng te thüng-a, Säthaw tea ri kha tämö khai ö.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

Judae 1:14

Adam üng hai aetawng kha dung säritä pyng üng Eno lä hini äphüng cangkhawng-a ma äni ce tea thui rüng saite lo lä, “Areng lä äma üng sangrui-a awng mang saite angtawtha käcai na hai mangtä ly ö ai.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.

Lokphong 2:23

Kai lä nawngmädi leithung äcaw na kätyng hui saite na tea la bädü ai. Tupyng-a kai lä khimi qütä üng kaedawng na hai bälung mäke na tea mäny saite Kung vi näte kangkawng angxynlyng na ma mäny ö ai. Nang ce üng sa ö qi saite na kätyng-a kai lä py ai.

Lokphong 20:12

Tukha khimi kädü aely leng saite na hai leng y saite angxynlyng na lä areng aety nae maw-a aedaw ö te tea kai lä nung vi. Känipre angtawtha na lä cae-u na tea pä-awng pa ö vi dy. Honi pyng-a cae-u kälang haetä pä-awng te tea kai lä nung vi dy. Hini lä dungtäsa kähing dang te na üng ämüng tärü saite cae-u vi. Dü saite na lä honi cae-u na thung-a tärü te kätyng äni ce sa saite na tea Säthaw lä tärae cei pa vi dy.