Mathai 13:23 - Caekäcai Kangthae (Lemi)

²³ Älawng kähawi-a aeqa saite ämöti na lä Säthaw lo thai pyng-a mäny saite khimi tea thui te vi. Äni ce lä Säthaw üng lo thai kha yng te phüng-a, phü ruithungtä, phü rui tärutä hai phü cungvaitä, aepu rae kha äthai na aethai mang pa dy” näkha näpa.

Asang Khongso New Testament

²³ Long kahoih longtang pongah ka krah cangti loa van Poenghaih tamthang lok ka thaih moa thuihkoehhaih ih doeh ka thaihkop kaminawk ni. Anihcae loa athaih doeh athaih o moa thoemto loa alet cumvaito, thoemto loa alet quitarukto, thoemto loa alet quithumto ah athaih o” a naa pae.

Mathai 13:23 ပူးပေါင်းရင်းမြစ်များ

Mathai 12:33

“Äkung hawi dylä, äthai kähawi aethai vi. Tungaila äkung hawi y dylä, äthai kähawi y aethai kae vi. Äthai tea kheng kha äthai kung üng äphüng mäny haw te vi.

Mathai 13:8

Ämöti phütä na lä älawng kähawi qawng-a aeqa pa dy. Äkung aepra kha ryng rae ea äthai na aethai mang pa dy. Äkung phütä na lä tawngtä-a phü ruithungtä, phü rui tärutä hai cungvaitä, aepu hai rae pa vi dy.

Mathai 3:10

Säthaw lä aetu süng kha äthai kung üng angjüng bälu hethang awng rüng te khimi lawngtä kätyng vi. Äni ma äthai aethai y saite äkung angxynlyng na bung bälu pang ea mai hai sawi vi ai.

Mathai 3:8

Nang ce lä tüng saite kälu sa te hai-a ae-ui tätang näte mätü mang re.

Marka 10:15

Tängai ö, nade na kätyng Säthaw üng pre pyng te tea ngai y saite khimi lä pre thung-a kung haw y lyng” näpa.

Marka 4:20

Tungaila khimi kälang phütä na lä älawng kähawi hai aetawng vi. Äni ce lä Säthaw üng lo thai kha yng te phüng-a phü ruithungtä, phü rui tärutä hai phü cungvaitä aepu kha äthai na aethai mang pa vi dy” näpa.

Luka 13:9

Taidy-a lä äthai aethai daila awng ai rawng mang. Aethai y ea ni bälu kae si’ näkha thui haile pa dy” näpa.

Luka 8:15

Älawng kähawi-a aeqa saite ämöti lä Säthaw lo thai pyng-a bälung mitang hai mätung khi saite khimi tea thui te vi. Äni ce lä Säthaw üng lo tängai jawjaw kha äthai aethai hai vi ai” näpa.

Luka 8:8

Tudylä ämöti phütä na lä älawng kähawi-a aeqa vi. Äkung lä aepra ea ryng kha äthai na aethai mang pa dy. Lai sa te kung üng ämöti hi saite lä phü cungvaitä dang rae pa vi” näpa. Tupyng-a Isu lä “Känawkhing awng saite khimi na lä thaikaw ö sy” näkha näpa.

Johan 15:16

Nang ce ma kai bung re te y. Kai ma nang ce bung re te kae. Nang ce ly kha äthai aethai mang hethang kai lä mätaw te vi. Nang ce lä aekang jawjaw saite äthai na äthai he kae. Tupyng-a kai üng ämüng hai-a, nang ce mäkai saite angxynlyng na lä Pä-ai ma py ai mang.

Johan 8:47

Säthaw te mang üng ly saite Kung lä Äni üng älo tea tängai te vi. Tungaila nang ce lä Säthaw te mang üng ly y te phüng-a, älo aetängai ö y te vi” näkha näpa.

Angtawtha 16:14

Äni ce thung-a Lidia näsaite nawngmädi lawngtä awng vi. Äni lä Thetaria märü üng ly kha ävang ting saite äsae kangthing na rang kha jaw te nawngmädi lawngtä vi. Äni lä Säthaw tea cäphaw kha awng vi. Pawlae thui saite angthang na tängai khü hethang Areng Isu ma äni üng bälung tea mäny hai va pa vi dy.

Angtawtha 17:11

Beri märü üng khimi na lä, Thesalonika märü üng khimi na qawng-a, bälunghaeky ö vi. Tukha Beri märü üng khimi na lä Pawlae thui saite Angthang Kähawi tea kähawi-a tängai ö te vi. Äni ce lä Pawlae thui saite lo kätyng tüng mei, tüng y mei näte mäny haw hethang Caekäcai tea käni qütä phai ö vi.

2 Korin 9:10

Areng lä ämöti hi saite kung tea ämöti na py kha khimi ce tea käcakänei py hai te vi. Hini kätyng Areng lä nang ce tea vaihi awng saite qawng-a cang y py rae ai. Tukha nang ce lä khimi kälang na tea säbawng rae kha kälu kähawi na sa haw ö rae vi ai.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.

Filipi 4:17

Nang ce üng lasawng tea kai lä ngai te y lyng. Säthaw ma nang ce tea ävang py hethang kai lä ngai hai te kae.

Kolosa 1:10

Tupyng dylä Areng üng ngai te kätyng awng hethang, Areng ma kawng hai hethang nang ce lä sa haw jawjaw ö ai. Nang ce lä hawi saite kälu angxynlyng na sa ö ai. Tukha nang ce lä Säthaw tea mäny te qawng-a mäny rae ö ai.

Kolosa 1:6

Nang ce tea tyng saite Angthang Kähawi lä älawngpre-a awng te mityng qütä, aethang hai dü vi dy. Nang ce lä honi Angthang Kähawi thai angcü kha Säthaw üng tähang kähawi tea mäny te üng hai ma dang te kätyng, mityng qütä awng saite khimi na la dang ö tyng by vi dy.

1 Thesalon 4:1

Kangkhüng-a lä yng saite kangby jä-ai na ä, nang ce lä Säthaw üng kängai-a makä sa kha awng ai mei näsaite phüng, kai ce lä mätu ö pyng te vi dy. Tätang khaw, nang ce lä hini kätyng awng ö te vi. Mä-ai lä Areng Isu hai bungtä te phüng-a, nang ce lä Säthaw üng kängai-a aeme aeqa rae hethang mäteng ma awng hethang kai ce lä vaihi aesi aebai kha mäci ö te vi.

2 Thesalon 2:10

Tukha äni lä käsi cawngkhang na hai pra saite lang-a awng te khimi na tea kaeling kaemae sa vi ai. Hini khimi ce lä Isu Khrista üng tüng saite lo Angthang tea tängai hethang ngai y te phüng-a, Säthaw lä äni ce bung aeqang haw pa ö y.

Hebrai 4:2

Jangni-a Aikuta pre üng tho ea ly saite Isrelae khimi na kätyng mä-ai lä Säthaw üng Angthang Kähawi thai ö te by vi dy. Tungaila honi angthang lä äni ce tähang ävang ting te y lyng. Ätephüng-a mei nädylä äni ce lä angthang thai te kätü-a, yng te hai lady ö y te phüng-a vi.

Hebrai 6:7

Älawng lä äma qawng-a khöne saite khö tui tea nei kha äkung e saite khimi na ma tawng haw hethang äkung na aepra ea leng hai pa te vi. Säthaw lä honi älawng tea tähang kähawi py pa te vi.

Hebrai 8:10

‘Tungaila kai lä khawngdüng-a Isrelae khimi na hai hini aenai saite älo Kangthae sa ai’ näkha Areng lä thui vi. ‘Kai lä äni ce üng kaedawng saite thung-a kai üng ubädi na tea mäkung vi ai. Äni ce üng bälung thung-a honi na kai lä tärü ai. Kai lä äni ce üng Säthaw-a lawng kha äni ce la kai üng khimi na-a lawng ö ai.

2 Piter 3:18

Tudylä mä-ai üng Aeqangkung Areng Isu Khrista üng tähang kähawi tea mänykaw rae kha äni bung mäny rae hethang aethawsa ö. Areng tea phung-ang käleng lä vai üng hai dungtäsa awng jawjaw sy. Amen.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.