Mathai 13:19 - Caekäcai Kangthae (Lemi)

¹⁹ Khimi lawngtä lä Säthaw ma Sanphrang sa kha pyng saite pre phüng thai kha äni ma mäny dylä, Setan angra lä äni üng bälung thung-a awng saite Säthaw üng lo tea la pa ja vi. Hini lä lolang qawng-a aeqa saite ämöti na tea mätae pa te vi.

Asang Khongso New Testament

¹⁹ Ami doeh van Poenghaih kawng tamthang lok a thaih e, ka thaihkop ai loa loklam ah ka krah cangti hoiah ahmong. Anihcae ih palungthin thungah haeh ih cangti to Kami Kahoih ai Setan angzoh moa a lomh pae ving.

Mathai 13:19 ပူးပေါင်းရင်းမြစ်များ

Mathai 12:26

Setan angra lä äma tea äma aety raw dylä, äni üng pre lä pra vi ai.

Mathai 13:20

Kälung qawng-a aeqa saite ämöti na lä Säthaw üng lo thai kha kawng bärai te hai yng praw saite khimi na tea thui te vi.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Mathai 4:23

Isu lä Kalile khö-a khölawng tho kha Judae na üng ingkäcai-a Säthaw lo mätu pa dy. Säthaw ma pyng saite pre üng Angthang Kähawi phüng thui pa dy. Äni lä känaw käsaw amäjy cawngkhang awng saite angxynlyng na tea hawi sa pa dy.

Mathai 5:37

Nang ce lä kälu hae haetä sa dylä, sa ai näkha thui. Sa y dylä, sa y näkha thui ö.

Marka 4:15

Khimi phütä lä lolang hai aetawng vi. Äni ce lä Säthaw lo thai te hai Setan angra lä ly praw kha äni ce bälung thung üng awng saite Säthaw üng lo tea la pa vi.

Luka 10:9

Ho-a awng saite khimi känaw käsaw na tea hawi sa pa ö. Tukha khimi ce tea ‘Säthaw üng pre lä nang ce tähang vi’ näkha thui pa ö.

Luka 9:2

Tupyng-a Isu ma äni ce tea Säthaw üng pre phüng thui hethang hai naw saite khimi na tea hawi sa hethang mätaw pa.

Johan 18:38

Pilata ma “Älo mitang näte lä äte mei” näkha düng pa. Tupyng-a Pilata lä tho kha Judae na tea “Hini Khimi lä sa tämang te kai aeting y.

Johan 8:43

Ätephüng-a Kai thui saite lo nang ce lä thaikaw ö y te vi mei. Kai thui saite älo nang ce lä thai he ngai y te phüng-a vi.

Angtawtha 17:32

Pawlae ma kädü üng aetha haile te phüng thui te thai ea lä khimi phütä na ma, mänui hai pa ö vi. Tungaila khimi phütä na ma “Nang thui saite phüng, kai ce thai haile tyng hethang ngai rae vi rawng” näkha näpa ö vi.

Angtawtha 18:15

Tungaila hini aedüng aethui saite älo hai ämüng na lä nang ce üng reitae hai aesui te phüng-a, nang ma ce ma aethui ö raw te kae. Kai ma hini phüng tea lä tärae cei hethang ngai y lyng” näkha näpa.

Angtawtha 20:25

“Kai lä Säthaw pre phüng nang ce angxynlyng tea ly kha thui vi dy. Nang ce lä kai bung nung haile y vi ai dy näte kai lä vaihi mäny te vi dy.

Angtawtha 28:23

Tudylä äni ce ma Pawlae tea aeting hethang käni rui aedo pa ö dy. Aedo saite käni-a Pawlae üng ing-a khimi ce ly ö mang pa dy. Pawlae lä kädang üng hai kädüng khytä Säthaw üng pre phüng kähawi-a thui mäcai pa dy. Mosi üng Ubädi hai buisaw na tärü saite cae tea kheng kha Isu üng phüng la äni ce bälungva hethang kähawi-a bäleng kha thui pa vi.

Pawlae ma Rom märü üng kangkawng tähang tärü saite cae 1:28

Hini khimi ce lä äma ce üng bälung thung-a, Säthaw üng phüng mänykaw saite tea aedawng haile he ngai ö te y vi. Tukätephüng-a Säthaw lä äni ce sa hethang kae y saite na sa hai he äni ce üng aetütü te bälung kaedawng na a pa vi dy.

Pawlae ma Rom märü üng kangkawng tähang tärü saite cae 14:17

Säthaw üng pre pyng saite lä mä-ai üng käcakänei na hai aesui te y lyng. Muilaw Käcai ma py te cüng saite, awngneng saite, anghawtho saite hai aesui te kae vi.

Pawlae ma Rom märü üng kangkawng tähang tärü saite cae 2:8

Tungaila Khimi phütä na lä mä-ai ma tähang qaitä dawng kha mitang khaw saite tea khaisö ea sa tämang jawjaw saite na vi. Honi khimi ce tea Säthaw lä tengxyng y kädawtho vi ai.

Ephesi 3:8

Kai lä Säthaw üng khimi angxynlyng na thung-a aely leng y ky saite lawngtä vi. Tungaila Säthaw lä ceng kälang na tea Khrista üng tengxyng y tawngnang saite phüng thui hethang kai tea tähang kähawi py te vi dy. Hini Khrista üng tengxyng y tawngnang saite phüng lä khimi ce ma thaikaw saite qawng-a hawiky te vi.

2 Thesalon 2:12

Tukätephüng-a tüng saite Angthang Kähawi tea yng y käla, käsi sa te tea bälungrui sui saite angxynlyng na tea lä Säthaw ma tärae cei kha dengpy ai.

Hebrai 2:1

Tukätephüng-a mä-ai lä thai saite lo mitang tea kähawi-a tängai ö khü hethang kae. Tukä y dylä mä-ai üng yng saite lä laja vi ai.

1 Johan 3:12

Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.