Mathai 12:50 - Caekäcai Kangthae (Lemi)

⁵⁰ Khimi lawngtä lä Känipre üng kai pä-ai üng kängai kätyng sa dylä, kai üng kangby jä-ai, ticaw hai nä-awi na kätyng kae dy” näkha mäthang pa haile dy.

Asang Khongso New Testament

⁵⁰ Ami doeh van ih kaom Pa mah sak han a koeh ih ka sah kami boih loa kam nauk, ka tanu hoi kam no ni,” tiah a naa pae.

Mathai 12:50 ပူးပေါင်းရင်းမြစ်များ

Mathai 12:49

Tupyng-a äni lä äkähui na tea täkhi kha kheng ö, “Hini khimi ce lä kai üng nä-awi hai kangby na dy.

Mathai 13:1

Honi käni-a Isu lä ing üng tho kha Kalile tuilipui pyng-a ly ea aety pa dy.

Mathai 17:5

Tungaila Peterae lä hini lo kä thui te thüng-a khö angnüng kanglung lä tho kha äni ce tea bu pa dy. Tukha khö angnüng thung mang tho te ätüng lä “Hini lä kai ma bälung aevaw saite Kai üng Cäpaw vi. Äni lä kai tea anghawtho hai te vi. Äni üng älo tängai ö” näkha näpa.

Mathai 25:40

Tukha kai Sanphrang ma äni ce tea ‘Tängai ö. Hini kai üng äkähui na thung-a cäpiky saite lawngtä tähang nang ce ma säbawng te lä kai tea säbawng te kätyng by kae dy’ näkha näpa.

Mathai 25:45

Tukha Kai Sanphrang ma äni ce tea ‘Tängai ö. Hini äkähui na thung üng cäpiky lawngtä tea nang ce lä säbawng y käla awng te kätü qütä-a kai tea säbawng y te kätyng kae dy’ näkha näpa.

Mathai 28:10

Isu ma äni ce tea “Ri ö hang. Kai üng kangby jä-ai kätyng-a bälung aevaw saite äkähui na tea ly kha Kalile khö-a ly hethang thui pa ö jo. Äni ce lä honi khö-a kai bung nung ö ai mang” näkha näpa.

Marka 3:35

Khimi lawngtä lä Säthaw üng kängai kätyng sa dylä kai üng kangby jä-ai, ticaw hai nä-awi na kätyng kae dy” näkha mäthang pa haile dy.

Luka 8:21

Isu ma äni ce tea “Säthaw üng lo thai kha tängai saite na lä kai üng nä-awi hai kangby na kae dy” näkha mäthang pa.

Johan 15:14

Kai üng särilo kätyng nang ce sa ö dylä kai üng rawijae na kae dy.

Johan 20:17

Isu ma “Kai tea aela hang. Kai lä Pä-ai tea tyng y te vi rawng. Kai üng äkähui na tea ly kha Kai üng ‘Pä-ai’ hai nang ce üng ‘Pä-ai’ kai üng ‘Säthaw’ hai nang ce üng ‘Säthaw’ tea kai lä ly ai näte phüng thui” näkha näpa dy.

Johan 6:29

Isu ma “Säthaw üng kängai saite kälu lä äma mätaw saite Kung tea yng hethang kae vi” näkha näpa.

Johan 6:40

Äcäpaw bung nung kha yng saite khimi angxynlyng na lä dungtäsa hing te dang hethang Pä-ai lä ngai te vi. Kai ma äni ce bung kangkhüng üng käni-a lä aetha ö hai tyng pa vi ai” näkha näpa.

Angtawtha 17:30

Jangni-a khimi ce ma Säthaw bung mäny y ngaila äni lä bälung käsa hai awng te vi. Vaihi lä mityng qütä-a khimi ce aedawng mäkhüng hethang hai, äni tea aekö haile tyng hai hethang äni lä losai py te vi.

Angtawtha 26:20

Angcü-a Damasaka märü-a, tupyng-a Jerusalem märü üng khimi na hai, Judae khö üng khimi qütä tea hai, ceng kälang khimi na tea la Säthaw te mang-a aekö haile tyng te hai hunghö aedawng mäkhüng hethang kai lä äni ce tea thui pa te vi. Tätang khü-a aedawng mäkhüng dy näte mätü hethang äni ce lä hawi saite kälu sa hethang kae vi näkha kai thui te vi.

Pawlae ma Rom märü üng kangkawng tähang tärü saite cae 8:29

Säthaw lä äma re rüng saite khimi ce tea äma üng Cäpaw kätyng lawng tätang hai hethang la aedawng rüng khaw te vi. Tukätephüng-a Äcäpaw lä yng saite kangby jä-ai awng mang te na thung-a Cäpaw äcälöky-a lawng hai te vi.

1 Korin 9:5

Angtawtha kälang na, Areng üng kangby khekhe hai Peterae lä äni ce khölawng ly te kätü-a, äma ce üng Khristen nawngpui na bung mangtä nähai ö te vi. Kai lä hini kätyng sa haw te by.

2 Korin 11:2

Säthaw lä nang ce tea dökhaw te kätyng kai la nang ce tea dökhaw te vi. Kai lä nang ce bung anglaw käcai ping kätyng nawngmäcaw lawng saite Khrista lawngtä xyng hai aepawng hethang älo aedo pa te vi.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.

Galati 6:15

Khimi lawngtä lä lengkhüng täke te hai, täke y te lä aely leng te y lyng. Aepeng kangthae-a lawng te lä aely lengky vi.

Kolosa 3:11

Hini phüng-a lä, Judae khimi läsy, ceng kälang khimi läsy, lengkhüng täke te läsy, täke y te läsy, khimi kärang läsy, kärang y läsy, mawsawng läsy, mawsawng y läsy, awng y dy lyng. Khrista lawngtä ni aely lengky te kae. Äni lä yng saite khimi qütä thung-a awng bawi te vi.

1 Timote 5:2

Nawngmädi mätawngky na tea lä änä-awi na kätyng tämö khai kha nang ma qawng-a nade saite nawngmädi na tea lä ticaw na kätyng älo aepe ea bälung käcai hai thui ba.

Hebrai 5:9

Säthaw lä äni bung cungrü hai pyng-a, äma üng lo tängai saite khimi angxynlyng na tähang dungtäsa aeqang saite äkung-a äni lä aelawng vi dy.

1 Piter 4:2

Vaihi üng hai älawngpre-a nang ce üng hing saite kätü-a, nang ma ce üng ngaiphi tüng y saite kätyng awng hethang kae y. Säthaw üng aely kängai tähang hing ö lawi.

1 Johan 2:17

Älawngpre hai honi üng awng saite na tea ngaiphi saite na lä la ja saite na kae vi. Tungaila Säthaw üng aely kängai sa saite khimi lä dungtäsa hing vi ai.

Lokphong 22:14

Mä-ai ma üng kä-o na tea caiping-a mäsu saite khimi na lä tähang hawi. Äni ce lä kähing py saite thingkawng kung üng äthai ca haw kha märü käleng thung-a hawngkhae kätho na mang kung haw ö ai.