Mathai 11:18 - Caekäcai Kangthae (Lemi)

¹⁸ Tudylä hini kätyng Kai ni Baptismae Johan tea tyng te by vi. Baptismae Johan ly tea äni lä böjae kha Cäpje tui na nei y. Khimi ce ma ‘Johan tea angra kung te vi’ näkha näpa ö dy.

Asang Khongso New Testament

¹⁸ Johan angzoh na-ah, anih loa buhzah moa misurtui doeh nae ai. Mi boih mah, “Anih loa taqawk a tawnh,” a naa o.

Mathai 11:18 ပူးပေါင်းရင်းမြစ်များ

Mathai 10:25

Aetu saite lawngtä lä äma üng särae kätyng aelawng hethang hai mawsawng lawngtä la äma üng areng kätyng aelawng hethang anghawtho vi ai. Äni ce ma kai tea Belzebul angra näkha ka vi dylä, nang ce tea hini qawng-a cang y siky saite ämüng ka ö vi ai.

Mathai 11:17

Äni ce ma ‘Kai ce lä nang ce tähang kätang üng ngaila nang ce lä lang ö y vi. Kai ce lä äro kung-a bälungsi te hai ae-awi ngaila nang ce lä raw ö y’ näpa.

Mathai 3:4

Baptismae Johan lä säphö känawngjang käsa mui hai aekhü saite kä-o rungrang aelawng kha angkeng-a mawiphö khabai aekheng vi. Äni üng käcakänei lä khakhö hai khawi tui vi.

Mathai 9:34

Pharisai na ma “Angra mangkhawng üng haidae py te phüng-a khimi ce üng angra mätho haw te vi” näkha thui ö dy.

Marka 3:22

Jerusalem märü mang üng ly saite Ubädi särae na ma “Belzebul angra lä Isu tea kung te vi dy. Angra mangkhawng üng haidae hai sa kha äni lä angra na bung mätho te vi” näkha näpa ö dy.

Luka 1:15

Areng maw-a äni lä aely lengky saite khimi aelawng vi ai. Äni lä Cäpje tui hai ra na nei he kae y ai. Äni tea lä aepeng te üng hai Säthaw ma Muilaw Käcai kawi hai jawjaw pa vi ai.

Johan 10:20

Khimi phütä na ma “Äni lä angra kung kha kangthö vi. Ätephüng-a äni lo tea tängai ö te mei” näkha näpa.

Johan 7:20

Khimipui na ma “Nang la angra kung te vi. Nang bung bädü hethang aethawsa te lä ämi mei” näpa.

Johan 8:48

Judae khimi na ma “Nang lä Samari khimi hai angra kung saite khimi vi näkha kai ce ma thui te lä tüngkhaw vi” näpa.

Johan 8:52

Judae khimi na ma “Nang tea angra kung vi näte kai ce lä vaihi mäny khe dy. Abraham hai buisaw na lä dü king te vi dy be. Nang lä ‘Kai üng lo tängai saite na la manila dü be y ai dy’ näkha näte vi mei.

Angtawtha 26:24

Hini kätyng thui ea aecörae mätawngky Festus lä “Pawlae ä, Nang lä mäthö te vi dy. Mäny pro kha mäthö te vi dy be tu” näkha hang pa.

1 Korin 9:27

Kai lä aepreng saite khimi lawngtä kätyng kai ma üng ätabung hai kai ma üng bälung tea aeküng te vi. Hokä y dylä kai lä khimi kälang na tea Angthang Kähawi thui ngaila, kai ma khekhe lä Säthaw üng aely kätyng awng y saite khimi-a lawng haw te vi.