Mathai 10:2 - Caekäcai Kangthae (Lemi)

² Angtawtha lawng hawlai netä üng ämüng na lä honi na dy. Angcü-a Peterae näsaite Simon, hai äni üng kangby Andru, Zebede üng cäpaw lawng netä Jaeko hai äni üng kangby Johan,

Asang Khongso New Testament

² Hinawk hae kawkpatoehnawk ih ahmin ni: Hmaloe koek ah Piter naa pae ih Simon, amnauk Andru; Zebedi capa Jaem hoi amnauk Johan;

Mathai 10:2 ပူးပေါင်းရင်းမြစ်များ

Mathai 17:1

Käni tärutä pyng-a lä Isu lä Peterae, Jaeko, hai Jaeko kangby Johan ce bung ka kha äni hai mangtä me anghung kaesang-a paw ö dy. Ha-a lä äni ce ma qaitä awng ö kae vi.

Mathai 20:20

Tupyng-a Zebede üng nawngpui lä äcaw lawng netä hai mangtä Isu tea ly kha khokhö didü ea äma üng cäpaw ni tähang äkähawi sa hethang mäkai pa dy.

Mathai 26:37

Tupyng-a Isu lä Peterae hai Zebede üng cäpaw Jaeko ni Johan bung äma hai mangtä ka pa dy. Äni lä bälung mätang te hai bälungbi phi vi dy.

Mathai 4:18

Isu lä Kalile tuilipui teng-a aeke ea kangby jä-ai lawng netä bung nung vi. Änini lä Peterae näsaite Simon hai äni üng kangby Andru vi. Äni ce lä mawi ne saite khimi na te phüng-a tuilipui thung-a mawipry jae sälö te vi.

Mathai 4:21

Honi mityng üng hai Isu ly ea äkälang kangby jä-ai Jaeko ni Johan bung nung vi. Änini lä Zebede üng cäpaw na vi. Äpä-ai hai mangtä bälawng thung-a mawipry na thung rüng haile kha awng ö te vi. Isu ma änini bung lä leithung hui hethang kähyng pa dy.

Marka 1:29

Tudylä Isu hai äkähui na lä Judae na üng ingkäcai üng tho ö vi dy. Tukha Jaeko ni Johan hai mangtä Simon ni Andru ce ing-a kung ö vi dy.

Marka 13:3

Isu lä Olive kung na awng saite me anghung mang Säthaw üng Ingkäcai tea ämaw khai kha äma qaitä aety vi dy. Peterae, Jaeko, Johan hai Andru ce lä khimi ce awng y te thüng-a Isu tea ly pa ö dy.

Marka 6:30

Angtawtha na lä Isu tea vawi haile kha äma ce sa saite angxynlyng na hai Säthaw lo mätu saite na phüng thui pa ö dy.

Luka 11:49

Hini phüng-a Säthaw lä äma üng bälungkähae hai-a ‘Kai ma Isrelae khimi na tea buisaw na hai angtawtha na bung mätaw vi ai. Isrelae khimi na ma buisaw phütä na tea, mätangca-a sa pa. Buisaw kälang na tea la bädü pa vi ai’ näpa.

Luka 22:14

Honi kätü tyng ea lä Isu hai äma üng angtawtha na lä bö aw ö dy.

Luka 22:8

Isu ma Peterae ni Johan tea “Nang ni ly hawi kha Cäqengja te pawi üng kädüngbö mä-ai ca hethang aerü rüng hawi lawi ba” näkha mätaw pa.

Luka 5:10

Simon üng äpy Zebede üng cäpaw Jaeko hai Johan ni la cangxei hawi by vi. Tukha Isu ma Simon tea “Ri y hang. Hini lä vaini üng hai aetawng kha nang ni lä mawi ne te jüng-a kai tea yng hethang khimi ce bung nähai saite-a bälawng vi ai” näkha näpa.

Luka 9:10

Isu üng angtawtha na lä khölawng üng vawi haile kha äma ce sa saite angxynlyng na phüng Isu tea thui pa. Tupyng-a Isu ma äni ce qaitä bung ka kha Besaida näsaite märü-a ly ö dy.

Johan 12:22

Philip lä Andru tea ly kha hini phüng thui pa dy. Tupyng-a änini lä Isu tea ly hawi kha honi phüng na thui pa dy.

Johan 13:23

Isu ma bälung aevaw saite äkähui lawngtä lä äni üng äteng-a aety pa dy.

Johan 20:2

Tukha Maeri lä Simon Peterae hai Isu ma bälung aevaw saite äkälang äkähui na tea aehui kha “Khimi ce ma Areng üng äro bung täprawng üng la ö ja vi dy. Äte ma mang-a khai mei näte mäny ö y” näkha näpa.

Johan 21:2

Simon Peterae Didamu näsaite Thawmae, Kalile khö Kana märü üng Nathanela, Zebede üng cäpaw lawng netä hai äkälang äkähui lawng netä lä mangtä awng.

Johan 21:20

Peterae lä leithung mang-a aehawi te kätü-a, äni üng leithung-a Isu ma bälung aevaw saite äkähui bung nung dy. Äni lä kädüngbö ca ea Isu üng äteng-a aety saite äkähui lawngtä ma “Areng ä, nang bung ämi ma täre na kö thung-a, a hethang mei” näkha düng pa.

Johan 21:24

Hini phüng na thui saite hai tärü saite kung lä hini äkähui vi. Äni üng thui saite hini lo lä tüngkhaw te kai ce lä mäny ö te vi.

Johan 6:67

Isu ma äkähui lawng hawlai netä na tea “Nang ce la kai bung khaisö he ngai ö te vi mei” näkha düng pa.

Johan 6:70

Tukha Isu ma “Kai lä nang ce lawng hawlai netä na bung re te dy. Tungaila nang ce thung üng lawngtä tea lä Setan angra ma kung vi” näpa.

Johan 6:71

Isu ma äni lä Simon Iskriota üng cäpaw Judae phüng thui te vi. Judae Iskriota lä äkähui lawng hawlai netä thung-a qa ngaila kangkhüng-a lä Isu bung täre na kö thung-a a pa vi ai.

Johan 6:8

Äkähui lawngtä Simon Peterae üng kangby Andru ma lä,

Angtawtha 1:13

Äni ce lä märü thung-a tyng ea äma ce awng saite ing üng äqawng-a paw ö dy. Honi mityng-a Peterae, Johan, Jaeko, Andru, Philip, Thawmae, Barthawleme, Mathai, Alphai üng cäpaw Jaeko, äma ce pre tea pyng hethang ngai hai ky saite Simon hai Jaeko üng cäpaw Judae ce awng ö vi.

Angtawtha 1:26

Tupyng-a phui aepy saite kätü-a, Mathia lä dang vi kha äni lä angtawtha lawng hawlai haetä thung üng khimi-a aelawng by vi dy.

Angtawtha 12:2

Äni lä Johan üng kangby Jaeko bung aekei sawngseng hai-a bädü pa hai te vi.

Angtawtha 3:1

Nitä käni-a Peterae ni Johan lä Säthaw üng Ingkäcai-a aetang saite kätü kädüng lang naeri thungtä-a ly hawi dy.

1 Korin 15:7

Honi pyng-a Areng lä Jaeko maw-a ämaw aetüng kha angtawtha angxynlyng na maw-a la ämaw aetüng pa vi dy.

Ephesi 4:11

Hini Areng lä äma üng kangkawng na tea sakaw saite cawngkhang na py pa te vi. Äni lä khimi phütä na tea angtawtha na-a lawng hethang sakaw saite na py kha kälang phütä na tea lä buisaw na-a lawng hethang sakaw saite na py pa te by vi. Phütä na tea lä Angthang Kähawi thui hethang sakaw saite na py pa te vi. Kälang phütä na tea lä yng saite na bung rui kha mätu hethang sakaw saite na py pa vi dy.

Hebrai 3:1

Säthaw ma re saite yng te kangby jä-ai na ä, Areng Isu üng äphüng aedawng ö lawi. Äni bung lä mä-ai üng thui te yng saite üng Mäthykung Kälengky lawng hethang Säthaw ma mätaw te vi dy.

1 Piter 1:1

Hini cae lä, Isu Khrista üng angtawtha, kai, Peterae te üng vi. Ponta khö, Kalatia khö, Kapadokia khö, Asia pre cäpi hai Bethunia khö-a angvüng angvaw na kätyng aehi sangxang saite Säthaw üng khimi na tea kai lä cae tärü te vi.

2 Piter 1:1

Hini cae lä Isu Khrista üng mawsawng hai angtawtha lawng saite, kai, Simon Peterae, te üng vi. Kai lä Säthaw hai mä-ai üng Aeqangkung Isu Khrista üng cüng saite hai-a kai ce kätyng yng te ävang käting dang saite na tea cae tärü te vi.

2 Johan 1:1

Kai, Khristen Kangkawng üng mätawngky, lä Säthaw ma re saite nawngmädi käleng hai äma üng caw nade na, nang ce tea cae tärü te vi. Kai lä nang ce angxynlyng na tea bälung aevaw tätang te vi. Kai ma qaitä nang ce tea bälung aevaw te cang y, lo mitang tea mäny saite khimi angxynlyng na ma la nang ce tea lä bälung aevaw ö te by. Ätephüng-a mei nädylä lo mitang lä mä-ai thung-a awng kha mä-ai hai mangtä dungtäsa awng jawjaw ö ai te phüng-a vi.

3 Johan 1:1

Kai, Khristen Kangkawng üng Mätawngky, lä kai üng bälung aevaw tätang saite yng saite äpy Kaju tea cae tärü te vi.

Lokphong 1:1

Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 18:20

Tungaila Känipre üng ätüng lä, “Känipre-a awng saite na ä, Babilon märü tea Säthaw ma täphra te phüng-a, nang ce lä anghawtho ö. Säthaw üng khimi na, Säthaw üng Angthang thui saite na hai buisaw na lä anghawtho ö hethang kae. Ätephüng-a mei nädylä nang ce tea sa tämang saite na phüng-a, Babilon märü tea Säthaw lä dengpy vi dy” näpa.

Lokphong 22:8

Hini angxynlyng na thai kha nung saite lä kai, Johan, vi. Honi na thai kha nung pyng te kätü-a, hini na mätü saite Känipre angtawtha üng khokung-a aebo kha kai lä äni tea cäphaw hethang sa vi dy.