Mathai 1:22 - Caekäcai Kangthae (Lemi)

²² Hini äphüng na lä Säthaw ma jangni-a buisaw Isaia te mang thui saite lo tea cungrü hai hethang vi.

Asang Khongso New Testament

²² Angraeng mah tahma patohhaih hoiah a thuih ih to acunghaih hanah hi hmuennawk hae a oh. A thuih ih loa,

Mathai 1:22 ပူးပေါင်းရင်းမြစ်များ

Mathai 12:17

Hikä sa te phüng-a Caekäcai thung-a buisaw Isaia ma tärü saite kätyng lä cungrü hai khaw te vi dy.

Mathai 13:21

Tungaila Säthaw lo lä äni ce üng bälung thung-a cakhi y te phüng-a tänaetä yng ö te kae vi. Tukha äni ce lä Säthaw üng lo phüng-a mätangca saite aeting te kätü-a lä yng jawjaw ö y te vi.

Mathai 13:35

Jangni-a Säthaw ma buisaw hai-a thui rüng saite lä hini kätyng cungrü hai te vi “Kai lä mätae saite lo na tawng kha khimi ce tea älo thui ai. Kai lä älawng sa te üng hai ma täphawng y saite amäjy na thui ai” näkha näpa.

Mathai 2:15

Äni ce lä sanphrang Herodae dü pyng khytä honi pre-a awng ö vi dy. Areng ma buisaw hai-a thui saite älo cungrü hai hethang hini kätyng vi. Buisaw ma “Kai cäpaw bung lä Aikuta pre mang kai ma nähai vi dy” näte vi.

Mathai 2:23

Tukha Josefae lä Isu ni änä-awi Maeri hai mangtä Nazare näsaite märü-a awng dy. Areng ma buisaw hai-a thui saite lo cungrü hai hethang hini kätyng vi. Buisaw ma “Khimi ce lä Isu tea Nazare khimi” näkha näpa.

Mathai 5:17

“Kai lä Mosi üng Ubädi hai buisaw na üng älo tea täphra hethang ly te y. Kai lä täphra hethang ly te jüng-a, Mosi üng Ubädi hai buisaw na üng älo cungrü hai hethang ly te kae.

Mathai 8:17

Caekäcai thung-a buisaw Isaia ma tärü rüng saite lä cungrü hai pa dy. “Äni ma mä-ai üng aethawdi saite hai känaw käsaw na tea hawi hai vi dy” näkha näpa.

Luka 21:22

Ätephüng-a mei nädylä honi käni lä Säthaw ma dengpy te käni vi ai. Buisaw na ma honi phüng Caekäcai thung-a tärü pyng saite na lä aekö bawi vi ai.

Luka 24:44

Tupyng-a Isu ma äni ce tea “Kai lä nang ce hai mangtä awng te thüng-a thui saite lä ‘Mosi üng Ubädi hai buisaw lo na mang hai Sam cae-u mang hai kai üng phüng tärü saite angxynlyng na lä cung hai bawi he kae’ näte hini lo na lä vaini ma cung bawi te vi dy” näpa.

Johan 10:35

Caekäcai-a thui te phüng na, tätang vi näte kai ce lä mäny vi. Säthaw ma äma üng lo angthang thai saite na tea säthaw na” näkha thui te vi.

Johan 15:25

Hini kätyng Caekäcai ping thung-a tärü te lä “Äni ce lä Kai tea esäre hethang äte phüng la awng y käla ma Kai tea esäre ö te vi” näkha näpa.

Johan 17:12

Kai lä äni ce hai mangtä awng te thüng-a, äni ce bung Nang üng ämüng haidae hai aekung hai pa te vi. Säthaw ma pra hai hethang khimi lawngtä y dylä, ämi lawngtä la pra y lyng. Caekäcai thung-a tärü te lä cungrü hai te dy.

Johan 18:9

Jangni-a Isu ma. “Pä-ai ä, Nang ma py saite khimi lawngtä lä laja y” näkha thui rüng te vi. Hini älo kätyng cungrü hai pa te vi dy.

Angtawtha 3:18

Tungaila Säthaw lä buisaw na hai-a, thui hai rüng te kätyng-a, Mesia lä mätang bälaica vi ai. Hini kätyng Säthaw ma thui saite lo lä cungrü hai te vi dy.

Pawlae ma Rom märü üng kangkawng tähang tärü saite cae 1:2

Jangni üng hai ma Säthaw lä äma üng buisaw na te mang hai-a Angthang Kähawi tähang älo aedo te vi. Buisaw na lä hini älo aedo saite tea Caekäcai thung-a tärü ea khai vi dy.

Lokphong 17:17

Säthaw lä äma üng mawlang kaedawng kätyng sa hai hethang äni ma äni ce üng bälung thung-a mäkung pa vi dy. Tukätephüng-a äni ce lä bälung mangtä aedü kha Sanphrang kätyng pyng hai hethang haidae lä mawikäsi tea aenae py ö vi dy. Säthaw üng mawlang kaedawng angxynlyng na cungrü hai te khytä äni ce lä hini kätyng sa ö vi ai.