Marka 5:7 - Caekäcai Kangthae (Lemi)

⁷ Tukha äni ma “Aesangky Säthaw üng Cäpaw Isu ä, kai tea nang lä äte sa hethang ngai hai te mei. Kai tea mätang bälai-a sa y hethang Säthaw üng ämüng hai älo aedo khü jo” näkha ätüng käleng hai hang pa vi dy.

Asang Khongso New Testament

⁷ khoeh puiah a hangh, “Jesuh, Kasang koek Sithaw ih Capa! Kai na koehhaih ih timaw ka om? Sithaw hmin hoiah kang pacae, na raek hmah.

Marka 5:7 ပူးပေါင်းရင်းမြစ်များ

Mathai 16:16

Simon Peterae ma “Nang lä Hing saite Säthaw üng Cäpaw Mesia vi” näkha mäthang pa dy.

Mathai 26:63

Tungaila Isu lä sitäri-a awng pa kae vi. Tukha mäthykung kälengky ma “Nang lä Säthaw üng Cäpaw Mesia dy mei. Kai ce tea thui jo. Dungtäsa hing saite Säthaw üng ämüng tea aete kha kai lä nang tea düng te vi” näkha näpa.

Mathai 4:3

Tukha Setan angra ma äni tea ly kha, “Nang lä Säthaw üng cäpaw tätang dylä, hini kälung na bung täkaw-a bälawng by ä” näkha näpa.

Mathai 8:29

Änini ma Isu tea “Säthaw üng Cäpaw ä, nang lä kai ce tea ätemakä sa hethang ngai hai te mei. Säthaw üng kätü tyng y rawng ea kai ni tea dengpy hethang ly te dy mei” näkha näpa.

Marka 1:24

Äni ma “Nazare märü üng Isu ä, nang lä kai ce tea ätemakä sa hethang ngai te mei. Täphra hethang ngai te mei. Nang lä Säthaw üng cai saite Cäpaw näte kai lä mäny vi” näkha thui pa dy.

Marka 14:61

Tungaila Isu lä sitäri-a awng pa kae vi. Älo bälangtä la mäthang haile tyng pa y vi. Tukha mäthykung kälengky ma “Nang lä khimi ce ma bälaw saite Säthaw üng Cäpaw Mesia dy mei” näkha düng haile pa be dy.

Marka 3:11

Angra kung saite na ma Isu bung nung ea lä, äni üng maw-a aetüng ö dung kha “Nang lä Säthaw Cäpaw vi” näkha hangrang ö dy.

Marka 5:6

Äni ma Isu bung kähanglaw mang nung te kätü-a lä aehui kha ämaw-a aebo pa dy.

Marka 5:8

Hikä äni thui te lä Isu ma “Angra ä, hini khimi thung üng tho la” näkha näpa pyng te phüng-a vi.

Luka 1:32

Säthaw ma äni tea aenae kälengky py pa vi ai. Khimi ce ma äni tea Aesangky Säthaw üng Cäpaw näkha ka ö vi ai. Areng Säthaw ma äni bung kangsi sanphrang Davidae kätyng sanphrang kälengky-a aelawng hai pa vi ai.

Luka 4:34

Äni ma “Nazare märü üng Isu ä, nang lä kai ce tea ätemakä sa hethang ngai te mei. Kai ce tea täphra hethang ngai te mei. Nang lä Säthaw üng cai saite Cäpaw näte kai lä mäny vi” näkha thui pa dy.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Luka 8:28

Äni ma Isu bung nung te kätü-a lä hangrang kha Isu üng maw-a aebo ea aethaw hai ma “Aesangky Säthaw üng Cäpaw Isu ä, Kai tea nang lä äte sa hethang ngai hai te mei. Kai tea mätangca-a sa hang jo ba ä” näkha aebai pa.

Johan 20:31

Tungaila Isu ma Mesia lä Säthaw üng Cäpaw vi näte nang ce yng haw hethang hai hokä yng ea ni, Isu hai-a hing saite dang hethang tähang-a, hini na tea kai lä tärü te vi dy.

Angtawtha 16:17

Honi nawngmädi mawsawng lä Pawlae hai kai ce leithung hui vi. Äni ma “Hini khimi ce lä aesangky saite Säthaw üng mawsawng na vi kha nang ce tea aeqang saite angthang thui pa” näkha ätüng käleng hai thui pa vi.

Angtawtha 19:13

Judae khimi phütä na lä, khölawng tho rungrang ea Areng Isu üng ämüng hai-a, angra na bung mätho hethang aethawsa ö vi. Äni ce lä “Pawlae ma thui saite Isu üng ämüng hai-a, nang bung kai mätho dy” näkha khimi üng äthung-a kung saite angra tea näpa ö vi.

Angtawtha 8:36

Änini lä khölawng tho te kätü-a, tui awng saite mityng-a, tyng hawi dy. Honi kätü-a mätawngky ma “Hini mityng-a lä, tui awng dy. Kai lä baptismae la hethang dang y mei” näkha düng pa.

Pawlae ma Rom märü üng kangkawng tähang tärü saite cae 16:20

Awngneng te py saite üng Säthaw lä Setan angra bung nang üng kho täkui-a qae y tea ma ketibu vi ai. Mä-ai üng Areng Isu Khrista üng tähang kähawi lä nang ce hai mangtä awng jawjaw sy.

Hebrai 2:14

Honi caw nade na lä äthi hai ängang awng saite khimi na vi te phüng-a, Isu lä honi na kätyng äthi ängang awng saite khimi-a aelawng khe te by vi dy. Äni üng dü saite hai-a Setan angra üng haidae tea täphra haw te vi dy. Honi Setan angra tea lä khimi ce bung bädü hai hethang haidae awng vi.

Hebrai 7:1

Hini Melkhizede lä Salem märü üng sanphrang vi. Äni lä Aesangky saite Säthaw üng mäthykung vi. Abraham lä täre aety kha sanphrang lawng bälitä tea bäja saite üng vawi haile te kätü-a, Melkhizede lä äni hai aeting kha äni tea tähang kähawi py pa vi.

Jako 2:19

Nang ce lä Säthaw lawngtä xyng awng näkha yng ö te vi. Hini lä hawi vi. Tungaila angra na mäteng ma yng kha ri te hai-a käsawtho ö te by vi.

2 Piter 2:4

Tukätephüng-a jangni-a Känipre üng angtawtha phütä na ma hunghö sa te kätü-a, Säthaw lä äni ce tea dengpy te vi. Säthaw lä äni ce bung ving saite angqaw khaw käthu-a kädephae kha pä-ung pa ö vi dy. Äni lä äni ma tärae cei te käni tyng te khytä äni ce bung honi thawng käving thung-a pä-ung ö vi ai.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

Judae 1:6

Säthaw ma äni ce tea py saite kälu na tea khaisö saite Känipre üng angtawtha na phüng aedawng haile ö. Äni ce lä äma ce mityng na mang üng thoja ö te vi. Tukätephüng-a Säthaw lä äni ce tea dungtäsa singqy rui hai mäkhing kha käving thung-a khai pa vi dy. Säthaw lä äte angxynlyng na tea tärae cei te Käni khytä äni ce bung lä hini kätyng khai vi ai rawng.

Lokphong 12:12

Tukätephüng-a käni khösang na hai äqawng-a awng saite angxynlyng na ä, anghawtho ö lawi. Älawng hai pangle lä tähang si bärai na ly. Ätephüng-a mei nädylä Setan angra lä nang ce tea cäqa pyng te vi dy. Äni üng kätü lä äje cäcaw xyng awng saite tea äni lä mäny te phüng-a, tengxyng y kädawtho vi dy” näkha nä vi.