Marka 13:9 - Caekäcai Kangthae (Lemi)

⁹ “Nang ce lä kähawi-a sädi khai ö. Khimi ce ma nang ce bung jung kai-a nähai ö ai. Judae na üng ingkäcai na thung-a nang ce tea bo ö ai. Nang ce lä kai phüng-a pre pyng saite na hai sanphrang na üng maw-a tyng kha Angthang Kähawi äni ce tea thui ö ai.

Asang Khongso New Testament

⁹ “Nangmahcae hoi nangmahcae to acoe oah. Mimah na naeh o ueloa lokcaek zung ah na hoii o tih. Sinakok thungah na bop o tih; kai pongah ukkung hoi sangpahrangnawk ih hma-ah nangdoe o ueloa anihcae khaeah Tamthang Kahoih to na thui o tih.

Marka 13:9 ပူးပေါင်းရင်းမြစ်များ

Mathai 5:22

Tungaila vaihi nang ce tea kai ma: Nang lä nang ma üng äpy tea kädawtho dylä, Säthaw ma nang tea dengpy ai. Nang lä äpy tea käsi thui dylä, nang tea Sanhendrin kawngci-a dengpy vi ai. Nang ma äpy tea kaerö näkha ka dylä, ngärei thung-a tyng ai mang.

Marka 13:5

Isu ma äni ce tea “Nang ce tea khimi ce ma kaeling kaemae sa y hethang sädi khai ö ba.

Marka 13:8

Ceng haetä hai haetä, pre haetä hai haetä täre aety ö ai. Mityng qütä-a pangtälü naw kha bötäkang na la tho ai. Hini na lä nawngmädi lawngtä äma äby aepeng y te kälang-a äjo naw angcü te kätyng awng vi ai.

Marka 6:11

Märü haetä-a khimi ce ma nang ce bung lady ö y dylä, nang ce lo tängai ö y vi dylä, nang ma ce honi mityng üng tho te kätü-a lä, nang ma ce üng khodi na täkhy pang ö. Nang ce hikä sa te hai-a Säthaw ma äni ce tea kädawtho te phüng khimi ce tea mätü ai” näkha täru khi pa dy.

Luka 9:5

Khimi ce ma nang ce tea äni ce märü-a lady y dylä honi märü üng tho saite kätü-a nang ma ce üng khodi na täkhy pang ö. Säthaw ma äni ce tea kädawtho te phüng mätü ö” näpa.

Johan 15:20

Nang ce tea kai thui vai saite na aedawng hai ö. ‘Mawsawng lä areng qawng-a lengky y’ näkha näpa. Älawng üng khimi na ma kai tea sakälö khü dylä, nang ce tea la sakälö khü ö vi ai. Äni ce ma kai üng mätu saite lo tängai dylä, nang ce üng mätu saite lo la tängai ö vi ai.

Johan 16:2

Äni ce lä nang ce bung Judae na üng ingkäcai thung üng mätho ö vi ai. Nang ce bung bädü saite khimi lä Säthaw üng kälu sa te dy näkha äma aedawng te kätü lä tyng khaw vi ai rawng.

Angtawtha 21:11

Tukha äni lä kai ce tea ly ea Pawlae üng khabai la kha äma üng äkö hai äkho tea aemäkhing vi. Tupyng-a Akapu lä “Muilaw Käcai lä hini kätyng thui te vi. Jerusalem märü-a Judae khimi na ma hini khabai üng äkung bung hini kätyng mäkhing kha ceng kälang khimi na tea a vi ai” näkha näpa.

Angtawtha 7:54

Sanhendrin kawngci üng khimi na lä honi lo thai te kätü-a, kädawtho phi te hai äfaw aetä-ai kha awng pa ö vi dy.

Angtawtha 9:16

Äni lä kai üng phüng khimi ce tea thui te phüng-a, äni lä tengxyng y mätangbälai saite awng mang-a, aeting ai näte kai ma äni tea mäny hai vi ai.”

Filipi 1:29

Nang ce lä Khrista tea yng te cang y äni tähang mätang hethang Säthaw ma khai te vi.

2 Thesalon 1:5

Nang ce lä vaihi mätang bälai ö te vi. Tungaila hini lä Säthaw pre üng aeteng khaw te khimi-a lawng ö hethang tähang vi. Hini angxynlyng na lä Säthaw üng tärae cei te tüng vi näte tea mätü te vi dy.

2 Johan 1:8

Tukätephüng-a hini khimi ma nang ce tea älang tämang saite mang-a bähawi haw y rung khytä nang ce lä sädi khai ö. Hokä ea ni nang ce üng aethawsa saite na lä aetütü-a lawng y käla Säthaw üng py saite cungrü te ävang nang ce lä dang ö ai.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 2:10

Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

Lokphong 2:13

Nang ce lä Setan angra üng aety nae mityng-a awng saite tea kai lä mäny. Nang ce lä kai tea ae-y khü ö te vi. Setan angra üng awng saite nang üng märü-a kai üng lo sasi thui khü saite Antipa bung khimi ce ma sakälö khü kha bädü te kätü-a mäteng ma, kai tea yng saite nang ce lä khaisö ö te y vi dy.