Marka 10:52 - Caekäcai Kangthae (Lemi)

⁵² Isu ma äni tea “Ly lawi mai cü. Nang üng yng saite phüng-a nang lä ämi nungsy te vi dy” näkha näpa. Tudylä äni üng ämi lä aevang praw kha Isu ly saite lolang-a leithung mang hui pa vi dy.

Asang Khongso New Testament

⁵² Jesuh mah, “Caeh ah, na taanghaih ih mah anghoihsak boah,” tiah a naa pae. Vaipang ta-ah a mik loa amtueng moa lamboengh ah Jesuh hnukah a baang roep.

Marka 10:52 ပူးပေါင်းရင်းမြစ်များ

Mathai 11:5

Ämi kangjö na ämi nung haw ö dy. Äkho kangbai na aeke haw ö dy. Ängang käsi mang saite na la hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Mathai 12:22

Tupyng-a khimi phütä na lä angra kung saite khimi lawngtä bung Isu tea nähai pa ö dy. Honi angra lä khimi tea ämi nung haw y, älo la aepe haw y rung sa pa vi. Isu ma äni te üng angra bung mätho pa dy. Tukha äni lä ämi nung haw ea älo la aepe haw pa vi dy.

Mathai 15:28

Tukätephüng-a Isu ma äni tea “Nang üng yng te lä lengphi vi. Nang ma üng mäkai te kätyng lawng sy” näpa. Honi kätü-a ma äcänung lä naw te hawi pa vi dy.

Mathai 21:14

Säthaw üng Ingkäcai-a ämi kangjö hai äkho kangbai na lä Isu tea ly ö dy. Tukha Isu lä äni ce üng känaw käsaw na hawi sa pa dy.

Mathai 8:3

Isu la äma üng kö bäjang kha khimi känaw tea aela pa dy. Äni ma “Kai aely ngai cy. Hawi lawi sy” näpa. Qengtäma äni üng ängang käsi lä hawi praw pa vi dy.

Mathai 9:22

Isu ma aehawi kha nawngmädi bung nung pa vi. Äni ma “Cänung ä, aethawsi hang. Kai tea yng te phüng-a Säthaw ma nang tea hawi hai te vi” näkha näpa. Nawngmädi üng naw te hawi praw pa dy.

Marka 1:31

Tudylä Isu ma ly kha Simon pä-i tea äkö hai süng ea mätha pa. Tukha äni lä kawngang naw te hawi pa vi dy. Simon pä-i la äni ce tea käcakänei mäcaw pa dy.

Marka 5:34

Isu ma äni tea “Cänung ä, kai tea yng te phüng-a Säthaw ma nang tea hawi hai te vi dy. Awneng te hai ly lawi ba. Nang lä naw mätang te üng hawi te dy” näpa.

Marka 8:25

Isu lä honi khimi üng ämi na qawng-a äkö thyng haile pa be vi dy. Tupyng-a äni üng ämi na bäli ea lä aevang pa haile dy. Tukha äni lä äte angxynlyng na tea nungsy pa vi dy.

Luka 7:50

Isu ma nawngmädi tea “Nang ma kai tea yng te phüng-a Säthaw ma nang bung aeqang te dy. Awneng te hai vawi lawi ba” näpa.

Luka 9:48

Tupyng-a Isu ma äkähui na tea “Kai üng ämüng hai-a hini nade bung lady saite khimi lä kai bung lady te kae dy. Kai tea lady saite khimi lä kai bung mätaw saite Säthaw tea lady te by dy. Nang ce thung-a kaenengky saite na lä Säthaw ma kaesangky-a aedawng hai vi ai” näkha näpa.

Johan 9:32

Aepeng te üng hai ämi kangjö bung ämi aevang hai te lä jangni-a la thai vai y.

Johan 9:39

Tukha Isu ma “Kai lä älawng tea tärae cei hethang ly te dy. Ämi aevang saite na lä ämi bäjö kha ämi bäjö saite na lä ämi aevang vi ai” näkha näpa.

Angtawtha 26:18

Nang lä ceng kälang khimi na üng ämi tea aevang hai pa he kae. Äni ce bung käving thung üng hai kaevang mang-a aekö hai lawi. Tukha Setan angra üng haidae thung üng hai Säthaw te mang-a, tyng hai hethang kae. Äni ce lä kai tea yng te phüng-a, Säthaw ma äni ce üng hunghö na bälawi pa ai. Säthaw ma re saite khimi na thung-a, awng haw hethang mityng py ai. Hini kä aelawng hethang kai lä nang bung mätaw te vi.’