Luka 8:13 - Caekäcai Kangthae (Lemi)

¹³ Älung qawng-a aeqa te ämöti na lä Säthaw lo thai kha kawng bärai te hai yng praw saite khimi na tea thui te vi. Tungaila Säthaw lo äni ce üng bälung thung-a cakhi y te phüng-a tänaetä yng ö te kae. Mätangca saite aeting te kätü-a lä yng jawjaw ö y vi dy.

Asang Khongso New Testament

¹³ Hlungsaret nuiah ka krah cangti loa Sithaw ih tamthang lok to ka thaih moa palung kanghoe ta-ah ka talawk kaminawk ni. To-e palung thungah kathuk ah a num ai; nawnetta thung khueh ah a taang o, to-e tanoekcakhaih tue angzoh na-ah amtim o let.

Luka 8:13 ပူးပေါင်းရင်းမြစ်များ

Marka 6:20

Baptismae Johan lä khimi cüng saite hai käcai vi näte Herodae lä mäny pa te phüng-a Johan tea ri kha kähawi-a rui pa te vi. Tukha Herodae ma Johan üng älo na thai ea lä bälung hawi y phi ngaila äni lä Johan üng lo tea ngai kha tängai jawjaw te vi.

Luka 8:12

Lolang qawng-a aeqa te ämöti lä Säthaw lo thai saite khimi na tea thui te vi. Tudylä Setan angra lä äni ce bälung thung üng Säthaw lo la pa ja vi. Tukha äni ce lä yng y kha Säthaw lä äni ce bung aeqang pa y.

Luka 8:14

Angling thung-a aeqa saite ämöti lä Säthaw üng lo thai pyng saite khimi na tea thui te vi. Tungaila äni ce lä bälung mawng saite, tawngnang saite hai mä-ai ma üng kängai saite na phüng-a yng saite lä ryng haw y vi.

Johan 15:2

Äni ma kai tea äthai aethai y saite cangpre angxynlyng na bung tälei pa vi. Äthai aethai saite cangpre na bung lä, äthai aethai rae hethang cangpre na bung dawi rung khytä tälei pa vi.

Johan 15:6

Khimi lawngtä lä kai hai aesui y dylä ärang-a käde saite cangpre käcei hai aetawng vi ai. Khimi ce lä honi cangpre na mäküng cu kha mai thung-a käde ö te vi.

Johan 5:35

Baptismae Johan lä aevang saite maibung kätyng vi. Nang ce lä äni üng kaevang-a tänaetä kätü-a anghawtho hethang ngai ö te kae.

1 Korin 13:2

Kai lä buisaw lo thui haw te läsy, Säthaw üng ho saite lo angxynlyng na tea mänykaw te läsy, bälunghae saite angxynlyng na awng te läsy, me anghung na tea mäthuija haw te khytä yng te awng ngaila, kai üng kangby jä-ai na tea bälung aevaw y dylä, kai lä aetütü kae.

1 Korin 15:2

Kai ma nang ce tea thui pyng saite lä Angthang Kähawi tea nang ce yng khi ö dylä, Säthaw ma Angthang Kähawi hai-a nang ce bung aeqang ai. Hokä y dylä nang ce üng yng saite lä aetütü-a lawng ö te vi.

Galati 3:1

Kalatia khö üng yng saite kangby jä-ai na ä, ätephüng-a nang ce lä kaerö na kätyng sa ö te vi mei. Nang ce tea ämi ma aedawi hai sa te mei. Kai lä nang ce tea Isu Khrista üng Angthang thui te thüng-a, äni ma thinglang qawng-a dü pa saite lä nang ce üng ämi hai nung ö khe te kätyng vi dy.

Galati 3:4

Nang ce lä Angthang Kähawi yng te phüng-a mätang bälai saite awng mang ö te vi dy. Nang ce üng mätang bälai saite lä aetütü y te vi näte kai lä aethang khai te vi.

Ephesi 3:17

Tukäte hai-a nang ce üng yng te phüng-a, nang ce üng bälung thung-a Khrista lä awng ai. Thingkawng lä älawng thung-a angjüng ru kha ca khi te kätyng nang ce lä Säthaw üng bälung aevaw saite thung-a cakhi ö by hethang kai lä aetang te vi.

Kolosa 1:23

Nang ce lä Angthang Kähawi tea yng jawjaw kha khimi käcüng-a lawng ö hethang kae. Angthang Kähawi thai ea dang saite aethang khai te üng nang ce lä aemäqaja hethang kae ö te y. Nang ce thai pyng saite hini Angthang Kähawi lä älawngpre mityng qütä awng saite khimi na tea thui pa ö. Kai, Pawlae, lä honi Angthang Kähawi üng mawsawng lawng te vi dy.

Kolosa 2:7

Äni tea nang ce üng angjüng lä ru kha awng ö ba. Äni üng lo tea tängai khü kha hing ö. Epaphra hai äni üng rawijae na ma nang ce tea mätu te kätyng, nang ce üng yng saite lä ca te qawng-a ca khi ö rae ba. Säthaw tea kawng te lo thui kha bälaw jawjaw ö ba.

1 Thesalon 3:5

Tukätephüng-a kai lä Timothe bung mätaw hethang kae te vi. Kai lä änawngsa haw y vi dy. Nang ce üng yng saite phüng mäny hethang tähang äni bung kai ma mätaw te vi dy. Setan angra ma nang ce tea the haw te hai mä-ai üng kälu sa saite angxynlyng na lä aetütü lawng ai te tähang-a kai lä bälung mawng phi vi dy.

1 Timote 1:19

Nang lä käsi sa y näkha mäny te hai Khrista tea yng khi ba. Khimi phütä lä käsi kähawi mäny saite bälung tea khaisö ö te vi. Tukätephüng-a äni ce lä yng haw ö y vi dy.

Hebrai 10:39

Mä-ai lä aekö haile tyng kha Säthaw ma täphra saite khimi na y. Mä-ai lä yng kha Säthaw üng aeqang saite khimi na vi dy.

Jako 2:26

Muilaw awng y saite ätabung lä kädü kätyng-a, kälu na sa y käla yng saite lä kädü kae vi.

2 Piter 2:20

Äni ce lä mä-ai üng Aeqangkung Areng Isu Khrista bung mäny te hai-a, hini älawngpre üng täphra saite käsi üng aelawi pyng-a, äni ce üng hini käsi dawng-a aemang kha pyng pa haile vi dylä, angcü üng Khrista tea yng y te kälang üng kätü qawng-a siky ö vi ai.

2 Piter 2:22

Äni ce sa saite lä hini pelo känetä ma lä tüng tätang vi näkha mätü te vi. Hini lä, “Ui lä bälo kha äma üng anglo tea ly haile kha ca tyng te vi.” Honi kätyng, “Tui bähu ping saite o lä, angqo thung-a ly kha aelo haile tyng te vi” näkha näte vi.

1 Johan 2:19

Hini khimi na lä mä-ai thung üng thoja ö te vi. Tätang khaw-a nädylä äni ce lä mä-ai hai aesui ö te y lyng. Äni ce mä-ai hai aesui dylä, mä-ai hai mangtä awng jawjaw ö vi ai. Tungaila mä-ai thung üng tho kha ly ja vi dylä, mä-ai hai aesui te y näte tea mätü ö te vi dy.

Judae 1:12

Äni ce lä nang ce hai mangtä aede saite pawi-a nei ca ö te vi. Äni ce üng sa tämang saite na tea aejae y käla ma Areng tea tämö khai y te phüng-a nang ce üng pawi tea äni ce lä nüng hai ö te vi. Äni ce lä äma ce tähang qaitä dawng saite beram kärui kung na kätyng vi. Äni ce lä aeli ma mäsaeja kha khöne hai y saite tämai na kätyng kae. Äni ce lä kätü tyng ngaila äthai aethai y saite thingkawng kung na kätyng kae vi. Äni ce lä angjüng aephawi pyng saite thingkawng kung na kätyng kae vi kha dü king ö saite na vi.