Luka 8:1 - Caekäcai Kangthae (Lemi)

¹ Hini pyng dylä Isu lä vang hai märü na mang-a ly kha Säthaw üng Angthang Kähawi thui pa. Äma üng äkähui lawng hawlai netä na la mangtä ly ö by.

Asang Khongso New Testament

¹ Nawnetta akraa pacoengah Jesuh loa vangpui hoi vangca to amkaeh moa Sithaw Poenghaih kawng Tamthang Kahoih to a thuih. Hnukbang hlaihnetto mah a baang o moa,

Luka 8:1 ပူးပေါင်းရင်းမြစ်များ

Mathai 11:1

Isu la äkähui lawng hawlai netä na tea mätu pa dy. Tupyng-a äni lä honi mityng üng tho kha khimi ce tea älo mätu hethang hai Angthang Kähawi thui hethang Kalile khö üng märü kälang na mang-a ly pa.

Mathai 13:19

Khimi lawngtä lä Säthaw ma Sanphrang sa kha pyng saite pre phüng thai kha äni ma mäny dylä, Setan angra lä äni üng bälung thung-a awng saite Säthaw üng lo tea la pa ja vi. Hini lä lolang qawng-a aeqa saite ämöti na tea mätae pa te vi.

Mathai 4:23

Isu lä Kalile khö-a khölawng tho kha Judae na üng ingkäcai-a Säthaw lo mätu pa dy. Säthaw ma pyng saite pre üng Angthang Kähawi phüng thui pa dy. Äni lä känaw käsaw amäjy cawngkhang awng saite angxynlyng na tea hawi sa pa dy.

Mathai 9:35

Isu lä märü na hai vang angxynlyng na mang cäqeng kha ly ea Judae na üng Ingkäcai na thung-a Säthaw ma sanphrang sa saite Angthang Kähawi khimi ce tea mätu pa. Khimi ce üng känaw käsaw amäjy cawngkhang na hawi sa pa dy.

Marka 1:39

Tukha Isu lä Kalile khö jungtä khölawng tho ea Judae na üng ingkäcai-a Säthaw lo thui prei kha angra na bung mätho pang pa vi dy.

Luka 1:80

Tukha nade Johan lä ryng kha äma lä Säthaw tea yng te hai aethaw awng rae pa vi dy. Isrelae khimi na maw-a Säthaw üng älo thui te kätü khytä daithung kärang mang-a awng pa vi dy.

Luka 20:1

Känitä-a Isu lä Säthaw üng Ingkäcai angkhaw thung-a khimi ce tea Angthang Kähawi mätu kha thui pa vi dy. Tukha mäthykung käleng na hai, Ubädi särae na hai mätawngky na lä Isu tea tyng pa ö dy.

Luka 4:18

“Areng üng Muilaw Käcai lä kai hai mangtä awng dy. Khimi kangtang na tea Angthang Kähawi thui hethang Säthaw ma kai bung re te phüng-a vi. Thawng thung üng khimi ce tea bälawi vi ai näte phüng thui hethang, ämi kangjö na ämi nung haile hethang, Säthaw ma kai bung mätaw te vi. Sakälö khü pa saite khimi na aelawi hethang, Areng ma äma üng khimi ce bung qae y tea ma, aeqang ai dy näte thui pa hethang, Säthaw ma kai bung mätaw te vi dy” näkha phai pa.

Luka 9:6

Tupyng-a angtawtha na lä tho kha vang qütä aevi prei ea Angthang Kähawi thui te hai naw saite na tea hawi sa pa ö dy.

Angtawtha 10:38

Nazare märü üng Isu lä Säthaw te mang üng Muilaw Käcai hai haidae dang te phüng nang ce lä mäny ö vi. Säthaw lä äni hai mangtä awng te phüng-a, äni lä mityng qütä-a ly kha kähawi sa ea khimi ce bung naw hawi hai te vi. Angra kung te khimi ce thung üng mätho kha Setan angra üng haidae thung mang üng äni ce bung bälawi pa vi dy.

Angtawtha 13:32

Kai ce lä nang ce tea Angthang Kähawi thui hethang hi-a tyng dy. Säthaw ma mä-ai üng kangsi na tea py saite älo aedo te kätyng äni lä mä-ai tähang vaihi ma cungrü hai vi dy. Säthaw lä Isu bung kädükhaw üng aetha hai ea älo aedo saite cungrü hai te vi dy. Äbaeni üng Sam cae-u thung-a tärü te lä, ‘Nang lä Kai üng Cäpaw vi. Vaini Kai lä nang üng Pä-ai-a aelawng vi dy.’

Pawlae ma Rom märü üng kangkawng tähang tärü saite cae 10:15

Tudylä Säthaw üng Angthang Kähawi thui hethang khimi ce bung Säthaw ma mätaw y dylä, makä sa kha äni ce lä Angthang Kähawi thui haw ö ai mei. Caekäcai thung-a thui te lä, “Angthang Kähawi thui saite khimi na üng ly saite äkho na lä tengxyng y cangxei he hawi vi” näkha nä vi.