Luka 6:23 - Caekäcai Kangthae (Lemi)

²³ Nang ce hokä aeting dylä kawng te hai aebälü ö. Ätephüng-a mei nädylä Känipre-a lä nang ce üng ävang käting awng te phüng-a vi. Vaihi nang ce tea käsi sa saite khimi na üng kangsi na lä buisaw na tea mätangbälai sa pa ö te by vi.

Asang Khongso New Testament

²³ Totiah oh na-ah palung anghoe oloa hnawh oh, kawmawtiah nangcae hanah van ah kawnvang kalenpui to suek ah oh. Tobatih to anihcae ih saezanawk mah doeh tahmanawk nuiah a sak o tangcae ih boah ni.

Luka 6:23 ပူးပေါင်းရင်းမြစ်များ

Mathai 5:12

Kawng anghawtho ö. Säthaw ma nang ce tähang äma üng Känipre-a ävang käting py ai. Jangni-a buisaw na bung khimi ce ma nang ce tea sa te kätyng sakälö khü pa ö te by vi dy.

Luka 1:41

Maeri thui te tüng Elizabe ma thai te kätü-a lä äma äjo thung üng äby lä aetae pa vi. Tukha Elizabe lä Muilaw Käcai hai kawi pa vi dy.

Luka 1:44

Nang ma kai tea kawng bärai sa te tüng thai praw te kätü-a kai jo thung üng äby la aetae by vi.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Angtawtha 14:10

Pawlae ma “Aetha lawi” näkha naw saite khimi tea älo tüng käleng hai thui pa vi. Äni lä aetha praw kha aebälü ea aeke pa vi dy.

Angtawtha 3:8

Äni la aebälü kha aeke te aetawng dy. Tupyng-a äni lä Peterae ni Johan hai ly ea Ingkäcai thung-a aebälü te hai aeke kha Säthaw tea bälaw pa vi dy.

Angtawtha 5:41

Tukha angtawtha na lä Isu tähang äni ce mätangbälai saite lä Säthaw üng lasawng näkha aedawng ö te phüng-a, bälung anghawtho te hai ma Sanhendrin kawngci mityng üng thoja pa ö vi dy.

Pawlae ma Rom märü üng kangkawng tähang tärü saite cae 5:3

Honi qawng-a cang y mä-ai lä mätang saite na aeting ngaila anghawtho ö te vi. Ätephüng-a mei nädylä mätang saite phüng-a, mä-ai lä änawngsa hethang aetu te vi näkha mä-ai lä mäny ö te vi.

2 Korin 12:10

Khrista üng tähang-a, aethawdi saite, mänui hai saite, mätang bälai saite, sakälö khü saite hai rae saite na kai aeting dylä, kai lä kawng te vi. Kai lä aethawdi te kätü-a, Khrista üng haidae lä kai tea awng te vi.

Kolosa 1:24

Nang ce tähang mätang bälai saite phüng-a vaihi kai lä anghawtho te vi. Khrista lä kai bung mätang bälai hai he ngai te angxynlyng na tähang-a kai lä aerü rüng te vi dy. Khrista üng ätabung kätyng awng saite kangkawng tähang mätang saite tea äma üng aely kängai cungrü hai hethang kai lä mätang te vi.

2 Timote 2:12

Äni tähang mä-ai mätang te aeting jawjaw dylä Äni hai mangtä mä-ai la pre pyng ö by ai. Mä-ai ma Äni bung aephae dylä äni la mä-ai bung aephae by vi ai.

Hebrai 11:26

Mesia üng tähang mäthi y saite lä, Aikuta pre üng tawnang saite angxynlyng na qawng-a ävang tingky vi näkha äni lä aedawng vi dy. Äni lä ämaw mang-a äma üng dang hethang ävang käting tea nung rüng te phüng-a vi dy.

Hebrai 11:6

Khimi lawngtä lä yng saite awng y dylä, Säthaw tea kawng hai haw y lyng. Ätephüng-a mei nädylä Säthaw tea ly saite khimi lä Säthaw awng vi näte yng kha äni bung ha saite khimi na tea lä ävang py ai näte tea yng hethang kae.

Jako 1:2

Kai üng yng saite kangby jä-ai na ä, nang ce lä the saite cawngkhang na aeting te kätü-a, anghawtho saite kätyng honi phüng tea aedawng ö ba.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

Lokphong 2:17

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.

Lokphong 2:26

Käteng khytä kai üng kängai sa kha bäja saite khimi na tea lä ceng cawngkhang na tea pyng hethang aenae kai ma py ai.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Lokphong 21:7

Kai lä bäja saite khimi na tea hini angxynlyng na py ai. Kai lä äni ce üng Säthaw-a aelawng kha äni ce la Kai üng cäpaw na-a aelawng ö ai.

Lokphong 3:12

Bäja saite äni bung lä kai üng Säthaw Ingkäcai ing aeling-a lawng hai ai. Äni lä Ingkäcai ärang mang-a manila tho y lyng. Kai lä äma qawng-a Kai üng Säthaw üng ämüng hai, Kai üng Säthaw üng märü ämüng, Jerusalem kangthae, tea tärü ai. Hini Jerusalem märü kangthae lä Kai üng Säthaw Känipre te mang üng cäqa vi. Kai la äni qawng-a Kai üng ämüng kangthae tärü by ai.

Lokphong 3:5

Bäja saite khimi angxynlyng na lä hini kätyng kä-o kanglung tea aelawng hai ö ai. Kai lä äni ce üng ämüng na tea dungtäsa kähing dang saite na üng ämüng tärü saite cae-u thung üng mai ja y lyng. Kai üng Pä-ai hai Känipre angtawtha na maw-a äni ce lä kai hai aesui saite na vi näkha Kai ma thui ai.