Luka 6:20 - Caekäcai Kangthae (Lemi)

²⁰ Isu ma äkähui na tea kheng kha “Mätang saite nang ce lä tähang hawi, Säthaw üng pre lä nang ce tähang vi.

Asang Khongso New Testament

²⁰ Jesuh loa a hnukbangnawk to a khet moa, “Nangcae kamtang kamlainawk anghoe oah, Sithaw Poenghaih loa nangcae ih ni.

Luka 6:20 ပူးပေါင်းရင်းမြစ်များ

Mathai 11:5

Ämi kangjö na ämi nung haw ö dy. Äkho kangbai na aeke haw ö dy. Ängang käsi mang saite na la hawi sa pa dy. Känaw pang saite na la thai haile tyng ö dy. Dü saite na lä aetha haile tyng ö dy. Mätang saite khimi na Angthang Kähawi thai ö by dy.

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Mathai 5:1

Isu lä khimipui na bung nung kha me anghung qawng-a paw ea aety dy. Tukha äkähui na lä äni tea ly pa ö dy.

Luka 12:32

“Khimi äphü cäpi na ä, ri ö hang. Nang ce üng Pä-ai lä nang ce tea äni ma pyng saite pre-a awng hai hethang ngai te vi.

Luka 13:28

Säthaw üng pre-a Abraham, Isaika, Jaeko hai buisaw angxynlyng na bung nang ce lä nung ngaila, Säthaw ma nang ce bung honi mityng üng mäthoja ö vi ai. Honi kätü-a nang ce lä rawsö ea aemäkütang kha awng ö vi ai.

Luka 14:15

Isu hai mangtä nei ca te thung üng khimi lawngtä ma hini lo thai te kätü-a lä, äni ma Isu tea “Säthaw pre üng pawi-a nei ca saite khimi lä tähang hawi” näpa.

Luka 16:25

“Tungaila Abraham ma ‘Cäpaw ä, nang hing te kätü-a ätete kähawi dang saite na aedawng haile jo re. Honi thüng-a Lazarae lä mätang cili-a awng te lä aedawng pa jo re baw. Äni lä vaihi hi-a kähawi awngneng kha nang lä naw mätangbälai phi dai vi be tu ly.

Luka 4:18

“Areng üng Muilaw Käcai lä kai hai mangtä awng dy. Khimi kangtang na tea Angthang Kähawi thui hethang Säthaw ma kai bung re te phüng-a vi. Thawng thung üng khimi ce tea bälawi vi ai näte phüng thui hethang, ämi kangjö na ämi nung haile hethang, Säthaw ma kai bung mätaw te vi. Sakälö khü pa saite khimi na aelawi hethang, Areng ma äma üng khimi ce bung qae y tea ma, aeqang ai dy näte thui pa hethang, Säthaw ma kai bung mätaw te vi dy” näkha phai pa.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

2 Korin 6:10

Kai ce lä bälungsi ngaila, anghawtho haw ö jawjaw te vi. Kai ce lä tangkae awng y ngaila, khimi awng mang saite na tea Säthaw üng tähang kähawi tha haw ö te vi. Kai ce lä äte haetä la awng ö y ngaila, Säthaw lä kai ce tea äte angxynlyng na py te vi dy.

2 Korin 8:2

Äni ce lä tengxyng y mätang bälai saite na hai käny saite na aeting kha tengxyng y mätang ö te vi. Tungaila äni ce lä anghawtho phi kha Khristen kängby jä-ai na tea bäsai y käla py hethang ngai saite bälung awng ö te vi.

2 Korin 8:9

Nang ce lä mä-ai üng Areng Isu Khrista üng tähang kähawi tea mäny ö te vi. Äni lä tawngnang ngaila, nang ce tähang kangtang-a aelawng te vi dy. Äni üng kangtang saite hai-a, nang ce lä tawngnang ö te vi dy.

1 Thesalon 1:6

Nang ce lä Areng Isu hai kai ce ma sa te täthei-a sa ö te vi dy. Nang ce lä tengxyng y mätang bälai te aeting ngaila, Muilaw Käcai te üng anghawtho saite hai-a Angthang Kähawi tea yng ö te vi dy.

2 Thesalon 1:5

Nang ce lä vaihi mätang bälai ö te vi. Tungaila hini lä Säthaw pre üng aeteng khaw te khimi-a lawng ö hethang tähang vi. Hini angxynlyng na lä Säthaw üng tärae cei te tüng vi näte tea mätü te vi dy.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

Jako 2:5

Kai üng bälung aevaw saite kangby jä-ai na ä, tängai ö! Säthaw lä hini älawngpre-a khimi kangtang na bung re te vi. Äni ce lä Isu tea yng te phüng-a, tätang tawngnang saite na vi. Säthaw lä äma tea bälung aevaw saite khimi na tea lä äma üng pre py hethang älo aedo te kätyng khimi kangtang na tea äma üng pre dang te thung-a qa hai ö te vi.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.