Luka 3:8 - Caekäcai Kangthae (Lemi)

⁸ Nang ce lä tüng saite kälu sa te hai-a ae-ui tätang te mätü mang re. Tukha ‘Kai ce lä Abraham hai kaesui na kae vi’ näkha nang ma ce tingtawi aethui ö mang hang re. Säthaw lä hini kälung na tea mäteng Abraham kaesui na-a bälawng haw te vi.

Asang Khongso New Testament

⁸ Na zaehaih dawnpakhuem o ih to na sak o ih hmuen pongah amtuengsak oah. Abraham loa kaicae ih saeza ni tito ah thui o mut hmah. Loktang kang thuih o: Sithaw mah hi hlung mataeng doeh Abraham ih cadii ah angcoengsak thaih.

Luka 3:8 ပူးပေါင်းရင်းမြစ်များ

Mathai 21:43

Isu ma äni ce tea “Säthaw lä äma pre hai aesui saite tähang kähawi nang ce te üng la haile vi ai. Äceng kälang khimi ce tähang py vi ai. Äni ce lä Säthaw üng pre hai aeteng saite kälu sa ö vi ai.

Mathai 3:8

Nang ce lä tüng saite kälu sa te hai-a ae-ui tätang näte mätü mang re.

Mathai 3:9

Nang ce lä ‘Kai ce Abraham hai kaesui na kae vi’ näkha thui ö vi. Honi kä thui te hai lä Säthaw ma dengpy te üng aelawi haw y lyng. Säthaw lä hini kälung na tea mäteng ma Abraham kaesui kaebeng-a bälawng haw te vi.

Luka 13:25

Ingkung lä aetha kha kätho aekhae te kätü-a nang ce lä ärang mang aedaw ea kätho täkhü kha ‘Särae ä, kai ce tähang kätho pä-awng kü jo e’ näkha aebai ö ai. Tungaila äni ma ‘Nang ce mamang üng ly ö te mei näte kai lä mäny y’ näkha nä vi ai.

Luka 13:26

Tukha nang ce ma ‘Kai ce lä nang hai mangtä nei ca saite na kae baw. Kai ce üng märü-a nang lä Säthaw üng älo na mätu te be ä,’ näkha nä ö vi ai.

Luka 14:9

Hokä dylä, nang tea ka saite pawi üng ingkung ma ly kha ‘Nang üng mityng kähawi lä aehi pa’ nädylä nang lä hawi y saite mityng mang-a aekäsü hethang kae vi ai. Tukha nang lä kaejae dang vi ai.

Luka 19:40

Tungaila Isu ma äni ce tea “Tängai ö. Äni ce ma sitäri-a awng dylä, kälung na ma bälaw ö vi ai” näkha mäthang pa.

Luka 19:9

Isu ma äni tea “Vaini lä Säthaw ma nang hai nang ma üng engthung na tea aeqang te vi dy. Nang lä Abraham ceng thung üng tho saite khimi te phüng-a vi.

Luka 5:21

Pharisai na hai Ubädi särae na lä “Hini khimi lä ämi mei. Äma tea Säthaw kätyng aesa te lä. Säthaw lawngtä xyng ni hunghö bälawi haw te kae be” näkha aedawng ö dy.

Johan 8:33

Äni ce ma “Kai ce lä Abraham üng kaesui na vi. Manila ämi üng mawsawng tangnae sa kha awng vai ö te y. Nang lä ätephüng-a ‘Kai ce tea aelawi ö vi ai mang’ näte vi mei” näkha düng pa ö dy.

Johan 8:39

Äni ce ma “Kai ce üng pä-ai lä Abraham vi” näkha näpa. Isu ma “Nang ce lä Abraham üng caw na tätang nädylä Abraham kätyng-a sa hethang kae” näpa.

Angtawtha 26:20

Angcü-a Damasaka märü-a, tupyng-a Jerusalem märü üng khimi na hai, Judae khö üng khimi qütä tea hai, ceng kälang khimi na tea la Säthaw te mang-a aekö haile tyng te hai hunghö aedawng mäkhüng hethang kai lä äni ce tea thui pa te vi. Tätang khü-a aedawng mäkhüng dy näte mätü hethang äni ce lä hawi saite kälu sa hethang kae vi näkha kai thui te vi.

Pawlae ma Rom märü üng kangkawng tähang tärü saite cae 4:16

Abraham üng yng te phüng-a, Säthaw lä tähang kähawi hai-a äni üng caw nade angxynlyng na tea lä Säthaw üng älo aedo saite py pa te vi. Ubädi tea tängai saite Abraham üng caw nade na qaitä tähang y lyng. Abraham kätyng Säthaw tea yng saite khimi angxynlyng na tähang älo aedo khü saite la py te vi. Ätephüng-a mei nädylä Abraham lä mä-ai angxynlyng na üng pä-ai te phüng-a vi.

Pawlae ma Rom märü üng kangkawng tähang tärü saite cae 9:7

Hini kätyng Abraham üng kaesui kaebeng angxynlyng na la Säthaw üng caw nade na y lyng. Säthaw lä Abraham tea, “Nang üng cäpaw Isaika hai-a nang lä kaesui kaebeng tätang na dang ai” näkha näpa.

Filipi 1:11

Isu Khrista ma nang ce tea cüng hai te phüng-a, nang ce lä kälu kähawi na sa haw ö vi ai. Tukätephüng-a khimi ce lä Säthaw üng phung-ang tea bälaw ö ai.