Luka 23:5 - Caekäcai Kangthae (Lemi)

⁵ Tungaila äni ce ma “Äni lä Kalile khö üng hai aetawng kha Judae khö üng khimi angxynlyng na tea äni üng mätu saite lo hai käsi sa te hai xhuxa hai te vi. Vaihi äni lä Jerusalem märü-a tyng te vi dy” näkha käsi thui pa ö vi dy.

Asang Khongso New Testament

⁵ To-e anihcae mah kana aep aep ah, “A patukhaih ih hoiah Judea prae bum boih ah kaminawk salak thungah lokpunghaih to a sak. Galili hoitoah amtong moa vaihi hiah a phak boah,” tiah a naa o.

Luka 23:5 ပူးပေါင်းရင်းမြစ်များ

Mathai 11:1

Isu la äkähui lawng hawlai netä na tea mätu pa dy. Tupyng-a äni lä honi mityng üng tho kha khimi ce tea älo mätu hethang hai Angthang Kähawi thui hethang Kalile khö üng märü kälang na mang-a ly pa.

Mathai 2:1

Isu lä Judae khö Bethlehem märü-a aepeng dy. Honi kätü-a Herodae lä sanphrang vi. Isu aepeng pyng-a käni käse mang üng bälungkähae na Jerusalem märü-a tyng ö dy. Äni ce ma “Judae na üng sanphrang sa hethang aepeng te nade lä ma-a mei. Kai ce lä käni käse mang-a äni üng tengpaw nung ö vi. Äni tea cäphaw hethang ly te” näkha khimi ce tea düng ö dy.

Mathai 27:24

Pilata lä äma äte lä sa haw y te mäny dy. Khimipui na lä aepuilung ö ai te äni lä nung dy. Tukha äni lä äma üng mawsawng tea tuithai la hai ea khimipui na maw-a äkö aese pa dy. Äni ma “Hini khimi üng äthi hai dü te lä kai üng kälu y ba. Nang ce üng kälu kae” näkha näpa.

Mathai 4:23

Isu lä Kalile khö-a khölawng tho kha Judae na üng ingkäcai-a Säthaw lo mätu pa dy. Säthaw ma pyng saite pre üng Angthang Kähawi phüng thui pa dy. Äni lä känaw käsaw amäjy cawngkhang awng saite angxynlyng na tea hawi sa pa dy.

Marka 1:14

Baptismae Johan bung reisae na ma thawng thung-a khai pyng-a, Isu lä Kalile khö-a ly kha Säthaw üng Angthang Kähawi thui pa vi dy.

Luka 11:53

Tupyng-a Isu lä honi mityng üng tho te kätü-a, Pharisai na hai Ubädi särae na ma lä Isu tea älo e te aetawng ö dy. Älo tämang saite dang hethang äni ce lä Isu tea tengxyng y älo düng mang pa ö dy.

Luka 23:23

Tungaila äni ce lä aethaw paitae hai ma äni bung thinglang qawng-a täheng kha bädü la näsaite ätüng käleng hai thui pa ö dy. Kangkhüng-a lä mätawngky Pilata la äni ce üng kängai-a qa pö ma vi dy.

Luka 23:6

Pilata ma hikä thai ea lä “Äni lä Kalile khö üng khimi vi nang mei” näkha düng pa.

Johan 1:43

Kädang mang üng känitä-a lä Isu lä Kalile khö-a ly hethang bälung aedawng te vi. Philip hai aeting ea “Kai leithung hui” näpa.

Johan 19:15

Judae khimi na ma “Äni bung bädü. Äni bung bädü. Thinglang qawng-a täheng kha bädü la” näkha a pa ö sung vi dy. Pilata ma äni ce tea “Nang ce üng Sanphrang bung thinglang qawng-a täheng kha bädü hethang ngai ö bawi cäkae mei” näkha düng pa. Mäthykung käleng na ma “Kai ce üng sanphrang lä Sica sanphrang vi” näpa.

Johan 2:11

Isu lä angcü-a cangxei te kamarae lä Kalile khö Kana märü-a sa te vi. Äma üng phung-ang mätü pa dy. Äkähui na la Isu tea yng ö dy.

Johan 7:41

Phütä na ma “Äni lä Mesia vi” näkha thui pa. Phütä na ma lä “Mesia lä Kalile khö üng khimi vi nang mei.

Johan 7:52

Äni ce ma “Nang lä Kalile khimi by vi nang mei. Caekäcai thung-a kheng kae-e. Kalile khö üng buisaw lawngtä la tho y näte nang mäny vai mei” näpa.

Angtawtha 10:37

Baptismae Johan ma baptismae angthang thui pyng pa te kätü-a, Kalile khö üng hai aetawng kha Judae khö qütä-a Isu ma sa saite angxynlyng na phüng nang ce lä mäny ö vi dy.

Angtawtha 23:10

Tukha ae-e te lä ty rae, ty rae pa te phüng-a, äni ce lä Pawlae tea tibu tica sa ai te phüng-a reisae kälengky lä ri hai te vi dy. Äni lä reisae na tea aerung hai kha Pawlae bung reisae na awng saite mityng-a nähai hethang äni ce thung üng käthoja hai pa vi dy.

Angtawtha 5:33

Hini älo na thai ea lä Sanhendrin kawngci äkung na lä tengxyng y, kädawtho phi te phüng-a, angtawtha na bung bädü hethang aedüng ö vi.

Angtawtha 7:54

Sanhendrin kawngci üng khimi na lä honi lo thai te kätü-a, kädawtho phi te hai äfaw aetä-ai kha awng pa ö vi dy.

Angtawtha 7:57

Judae kawngci na lä, honi älo thai ea äni ce lä ätüng käleng hai hang kha känawkhing aetämüng ea Stephen tea aehui ru ö dy.