Luka 22:26 - Caekäcai Kangthae (Lemi)

²⁶ Tungaila nang ce lä hokä awng he kae y. Nang ce thung-a äkälengky te khimi lä äcäpiky kätyng awng sy. Pyng saite mätawngky lä mawsawng-a awng kae.

Asang Khongso New Testament

²⁶ To-e nangcae loa totiah oh han om ai; nangcae thungih kalen koek loa naukta kanauk koek batiah oh han a oh moa pahoikung loa tamtoeh batiah oh han a oh.

Luka 22:26 ပူးပေါင်းရင်းမြစ်များ

Mathai 20:26

Tungaila nang ce lä hokä awng ö hang. Nang ce thung-a mätawngky sa hethang ngai saite khimi lä nang ce üng mawsawng-a sa ngece hethang kae.

Marka 10:43

Tungaila nang ce lä hokä awng ö hang. Nang ce thung-a mätawngky sa hethang ngai saite khimi lä nang ce üng mawsawng-a sa ngece hethang kae.

Marka 9:35

Isu lä aety kha äkähui lawng hawlai netä na bung ka ea “Äkälengky-a awng he ngai saite khimi lä äcäpiky-a awng he kae. Khimi angxynlyng na üng mawsawng-a aelawng hethang kae te vi ba” näpa.

Luka 9:48

Tupyng-a Isu ma äkähui na tea “Kai üng ämüng hai-a hini nade bung lady saite khimi lä kai bung lady te kae dy. Kai tea lady saite khimi lä kai bung mätaw saite Säthaw tea lady te by dy. Nang ce thung-a kaenengky saite na lä Säthaw ma kaesangky-a aedawng hai vi ai” näkha näpa.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

1 Piter 5:3

Nang ce üng beram kanghö na tea pyng hethang aethawsa ö hang. Tungaila nang ce tea Säthaw ma a saite beram kanghö na üng aetu nae-a lawng ö ba.

1 Piter 5:5

Honi kätyng, nang ce anghyngli na ä, nang ma ce üng mätawngky na üng älo na tängai hethang kae. Nang ce lä bälung aemäneng kha awng ö. Caekäcai thung-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha nä vi.