Luka 22:17 - Caekäcai Kangthae (Lemi)

¹⁷ Tudylä Isu lä bynglyng la ea Säthaw tea kawng te lo thui khüng te hai “Hini bynglyng la ea nang ce angxynlyng na nei ö.

Asang Khongso New Testament

¹⁷ Topacoengah Jesuh loa boengloeng to a lak moa Sithaw khaeah kawn lok a thuih pacoengah, “Hi hae la oloa longto hoi longto pazet oah.

Luka 22:17 ပူးပေါင်းရင်းမြစ်များ

Mathai 14:19

Isu ma khimi ce bung aeca qawng-a aety hethang thui pa dy. Tupyng-a äni lä täkaw phe bangtä hai mawi me netä la kha käni khösang mang-a kheng tähang ea Säthaw tea kawng te lo thui pa dy. Tupyng-a Isu ma täkaw täpe kha khimi ce tea bäri hethang äkähui na tea py pa dy. Tukha äkähui na ma täkaw bung khimi ce tea py pa dy.

Mathai 15:36

Tupyng-a äni lä täkaw phe säritä hai mawi bung süng kha Säthaw tea bälaw pa dy. Tupyng-a täkaw hai mawi na täpe kha äkähui na tea py pa dy. Äkähui na ma täkaw hai mawi na khimi ce tea bäri pa dy.

Mathai 26:26

Isu hai äkähui na lä kädüngbö ca ö te thüng-a Isu lä täkaw la kha Säthaw tea kawng te lo thui pa dy. Tupyng-a täkaw tea täpe kha äkähui na tea “Hini täkaw lä kai üng ätabung vi. La kha ca ö” näkha äni ce tea py pa dy.

Marka 14:22

Isu hai äkähui na lä kädüngbö ca ö te thüng-a Isu lä täkaw la kha Säthaw tea kawng te lo thui pa dy. Tupyng-a täkaw tea täpe kha äkähui na tea “Hini täkaw lä kai üng ätabung vi. La kha ca ö” näkha thui pyng-a py pa dy.

Luka 22:19

Tupyng-a Isu lä täkaw la ea Säthaw tea kawng te lo thui khüng dylä täkaw bung täpe ba kha äni ce tea py pa dy. Hikä äni ma “Hini täkaw lä nang ce tähang py saite kai üng ätabung vi. Kai tea aedawng haile tyng hethang hini kätyng ca ö jawjaw ba” näpa.

Luka 9:16

Tukha Isu ma täkaw phe bangawtä hai mawi me netä la ea käni khösang mang-a kheng tähang kha Säthaw tea kawng te lo thui pa. Tupyng-a äni lä täkaw hai mawi tea täpe kha khimipui na tea bäri hethang äkähui na tea bälang hai pa dy.

Pawlae ma Rom märü üng kangkawng tähang tärü saite cae 14:6

Käni phütä tea aely lengky vi näkha mäthi saite khimi lä Areng tea bälaw hethang ngai saite na vi. Tudylä äte angxynlyng na ca saite khimi la Areng tea bälaw hethang ngai te phüng-a ca ö te kae. Ätephüng-a mei nädylä äni ce lä Säthaw tea ca nei te tähang kawng te lo thui ö te vi. Angrang qaitä ca saite khimi la Areng tea bälaw hethang ngai te phüng-a ca ö te kae. Äni ce la Säthaw tea kawng te lo thui ö te by vi.

1 Korin 10:16

Areng üng kädüngbö ca te üng bynglyng tea mä-ai lä nei te kätü-a, Säthaw tea bälaw ö te vi. Honi kätü-a mä-ai lä Khrista üng äthi mangtä nei kha äni üng dü saite tea aedawng haile tyng ö te vi. Täkaw tea täpe te kätü-a, mä-ai lä Khrista üng ätabung tea mangtä ca ö te vi.

1 Korin 11:23

Areng ma kai tea mätu saite hini lä kai ma nang ce tea mätu rüng pyng te vi dy. Khimi ce ma Areng Isu bung äma üng täre na äkö thung-a a te kärung-a, äni lä täkaw la kha Säthaw tea bälaw pyng-a, täkaw tea täpe ea, “Hini täkaw lä nang ce tähang täpe saite kai üng ätabung vi. Kai tea aedawng haile tyng hethang hini kätyng ca ö jawjaw ba” näkha näpa.