Luka 21:8 - Caekäcai Kangthae (Lemi)

⁸ Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Asang Khongso New Testament

⁸ Jesuh mah, “Acoe oah; amimah doeh na ling o hmah na soe. Kami ka pop mah kai hmin hoiah angzo o ueloa, ‘Kai hae anih boah ni! Atue loa phak boah!’ tiah na naa o tih. To-e bang o hmah.

Luka 21:8 ပူးပေါင်းရင်းမြစ်များ

Mathai 24:11

Tukha buisaw käjüng aesa saite khimi na lä tho kha khimi awng mang na tea kaeling sa ö vi ai.

Mathai 3:2

Äni ma “Ae-ui ö lawi Säthaw ma pre pyng saite kätü lä tyng hethang aenai dy” näkha näpa.

Mathai 4:17

Honi üng hai aetawng kha Isu lä, “Angthang Kähawi thui dy. Äni lä hunghö üng aekö haile lawi. Säthaw ma Sanphrang sa saite kätü lä aenai dy” näkha näpa.

Luka 17:23

Khimi ce ma nang ce tea ‘Äni lä ho-a awng.’ Y käla ‘Äni lä hi-a awng’ näkha thui ngaila äni ce leithung hui ö hang.

Luka 21:7

Tupyng-a äni ce ma Isu tea “Särae ä, hini na lä mata kätü-a tyng ai rawng mei. Honi kamarae na tyng hethang phüng lä ätemakä sa kha kai ce mäny ai mei” näkha düng pa.

Luka 21:9

Pre na säla-a hai pre na thung-a täre aesa te na phüng nang ce thai te kätü-a lä ri ö y hang. Hini na lä tyng ngece vi ai. Tungaila kätü lä teng te y vi rawng” näpa.

Johan 5:43

Kai lä Pä-ai üng ämüng hai tyng ea la nang ce lä kai bung mäkung ö y vi. Khimi kälang ma äma üng ämüng hai ly dylä nang ce lä mäkung ö vi ai.

Johan 8:24

Tukha nang ce lä nang ma ce üng hunghö hai-a dü ö vi ai näte Kai ma nang ce tea thui vai te vi dy. Kai lä Kai ma thui mäcai saite Kung lawngtä khekhe näte nang ce yng y dylä nang ma ce üng hunghö hai-a nang ce lä dü ö tätang vi ai” näpa.

Johan 8:28

Tukha Isu ma “Nang ce lä Kai, Khimi üng Cäpaw, bung thinglang qawng-a bang saite kätü-a, Kai lä ämi mei näte nang ce mäny ö ai. Kai ma üng aely ngai te kätyng äte haetä la sa te y kha Pä-ai ma mätu te kätyng älo thui te kae vi näte nang ce lä mäny ö ai mang.

1 Korin 6:9

Säthaw bung mäny saite khimi na lä Säthaw üng pyng saite pre hai aesui y näte nang ce lä kähawi-a mäny ö te vi. Nang ce lä mä-ai ma tea kaeling kaemae sa ö hethang kae y. Täkübäjang sa saite khimi na, mimi tea cäphaw saite na, nawngpui, nawngpaw kälang na hai i saite na, nawngmäcaw tingtawi i saite na, bäru saite na, ae-aw saite na, bärui saite na, käsi prawng saite na lä Säthaw üng pre pyng saite hai aesui ö te y vi.

Ephesi 5:6

Älo pawngpang na hai-a nang ce tea kaeling kaemae sa te na tea lä yng ö hang. Äqawng-a thui saite na kätyng hunghö na sa te phüng-a, Säthaw ma äma üng lo tängai y saite na tea lä qae y tea ma dengpy vi ai.

2 Thesalon 2:3

Nang ce lä khimi ce ma kaeling kaemae sa saite tea yng ö hang ba. Ätephüng-a mei nädylä Areng Isu ly haile be y te kälang-a, khimi awng mang saite na ma Säthaw tea aety saite kätü lä tyng ai rawng. Honi kätyng awng te kätü-a, Säthaw üng Ubädi tea elekhei sa saite kung lä tho vi ai. Äni bung lä Säthaw ma täphra ai.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

1 Johan 4:1

Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

2 Johan 1:7

Kaeling kaemae sa te awng mang saite na lä hini älawngpre mityng qütä-a tyng ö vi dy. Isu Khrista lä khimi-a aelawng kha hini älawngpre-a tyng saite tea äni ce lä aephae ö te vi. Honi kätyng thui saite khimi lä kaeling kaemae thui kha Khrista üng täre Kälengky-a aelawng te vi.

Lokphong 1:3

Hini buisaw lo thui rüng saite na tea phai kha thai te lo tängai saite khimi angxynlyng na lä tähang hawi. Ätephüng-a mei nädylä hini angxynlyng na tyng hethang kätü lä aenai dy.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.