Luka 21:19 - Caekäcai Kangthae (Lemi)

¹⁹ Nang ce ma Säthaw tea ae-y khi dylä hing saite dang ö vi ai” näpa.

Asang Khongso New Testament

¹⁹ Kacak ah angdoe oah, totibaloa nangmahcae hoi nangmahcae to pahlong o tih.

Luka 21:19 ပူးပေါင်းရင်းမြစ်များ

Mathai 10:22

Kai üng phüng-a khimi angxynlyng na lä nang ce tea esäre ö vi ai. Tungaila kangteng khytä cakhi-a awng saite khimi tea lä Säthaw ma aeqang pa vi ai.

Mathai 24:13

Tungaila kangteng khytä cakhi-a awng saite khimi tea lä Säthaw ma aeqang pa vi ai.

Luka 8:15

Älawng kähawi-a aeqa saite ämöti lä Säthaw lo thai pyng-a bälung mitang hai mätung khi saite khimi tea thui te vi. Äni ce lä Säthaw üng lo tängai jawjaw kha äthai aethai hai vi ai” näpa.

Pawlae ma Rom märü üng kangkawng tähang tärü saite cae 15:4

Jangni-a Caekäcai thung-a tärü saite angxynlyng na lä mä-ai tea mätu hethang vi. Hokä dylä Caekäcai thung-a tärü saite na lä mä-ai tea änawngsa hai te hai aethaw py te vi. Tukätephüng-a mä-ai lä aethang khai haw ö te vi.

Pawlae ma Rom märü üng kangkawng tähang tärü saite cae 2:7

Kähawi sa jawjaw te hai, Säthaw ma py te bälaw saite hai, ämüng leng saite hai dungtäsa kähing na ha saite khimi tea lä Säthaw ma dungtäsa kähing py vi ai.

Pawlae ma Rom märü üng kangkawng tähang tärü saite cae 5:3

Honi qawng-a cang y mä-ai lä mätang saite na aeting ngaila anghawtho ö te vi. Ätephüng-a mei nädylä mätang saite phüng-a, mä-ai lä änawngsa hethang aetu te vi näkha mä-ai lä mäny ö te vi.

Pawlae ma Rom märü üng kangkawng tähang tärü saite cae 5:4

Honi änawngsa saite lä mä-ai üng aeme aeqa saite tea ryng hai te vi. Mä-ai üng aeme aeqa saite ryng te phüng-a mä-ai lä aethang khai haw ö te vi.

Pawlae ma Rom märü üng kangkawng tähang tärü saite cae 8:25

Tungaila mä-ai üng nung haw y saite tea aethang khai dylä, mä-ai lä änawngsa kha aering ö te vi.

1 Thesalon 1:3

Mä-ai üng Pä-ai Säthaw maw-a nang ce üng yng kha sa saite kälu tea kai ce lä aedawng haile jawjaw ö te vi. Nang ce üng bälung aevaw saite hai, kälang na tea aethaw rae kha säbawng saite hai, mä-ai üng Areng Isu Khrista tea aethang khai khü te phüng na tea kai ce lä aedawng haile jawjaw ö te vi.

2 Thesalon 3:5

Nang ce tea Säthaw lä matangtä bälung aevaw mei näte Areng Isu Khrista ma mätü sy. Areng tea khimi ce ma mätangca-a sa te kätü-a, äni üng änawngsa te phüng lä nang ce tea mäny hai sy.

Hebrai 10:36

Nang ce lä änawngsa jawjaw ö hethang aely ngai. Tukä dylä Säthaw üng aely kängai tea sa khüng te kätü-a, äma üng älo aedo saite na tea nang ce lä dang ö ai.

Hebrai 6:11

Nang ce angxynlyng tea Khrista tyng haile te khytä honi kätyng bälung kähawi awng kha aethaw rae jawjaw hethang lä mä-ai üng ngaiky ö saite vi. Hokä dylä nang ce üng aethang khai saite na lä cungrü khaw ö vi ai.

Hebrai 6:15

Abraham lä änawngsa kha Säthaw üng älo aedo te kätyng dang khaw vi dy.

Jako 1:3

Nang ce üng yng saite tea Säthaw ma käny te phüng-a, nang ce üng khung saite ryng haw vi näte nang ce lä mäny ö te vi.

Jako 1:4

Nang ce üng khung saite lä ryng te qawng-a ryng rae kha hing saite angxynlyng na tähang awng hethang kae. Tukä dylä nang ce üng aeme aeqa saite lä ryng kha cungrü ö ai. Tukha nang ce lä aethawdi ö y vi ai.

2 Piter 1:6

Säthaw bung mäny rae saite tea aeküng saite hai täbawi ö. Aeküng saite tea lä khung saite hai täbawi ö. Khung saite tea lä Säthaw üng aely kängai kätyng hing saite tea täbawi ö.

Lokphong 1:9

Kai lä nang ce üng kangby jä-ai Johan vi. Isu üng äkähui qütä aeting saite mätang bälai te tea nang ce kätyng kai la aeting kha änawngsa te by vi. Khrista bung Sanphrang-a khai saite äma üng äkähui qütä lä mätang bälai saite aeting hethang kae. Kai lä Isu phüng hai Säthaw üng Angthang thui te phüng-a, khimi ce ma kai bung lä Patmos angrai sälawng-a tha te vi dy.

Lokphong 13:10

Säthaw ma khimi lawngtä tea thawng thung-a pä-ung hai hethang mawlang kaedawng awng dylä, äni lä thawng thung-a pä-ung vi ai. Säthaw ma khimi lawngtä tea aekei sawngseng hai dü hai hethang mawlang kaedawng awng dylä, äni lä aekei hai-a dü vi ai. Hini phüng-a Säthaw üng khimi käcai lä yng te cakhi saite na, änawngsa kha khung saite na lawng hethang kae” näte vi.

Lokphong 14:12

Tukätephüng-a Isu tea yng khü kha Säthaw üng Ubädi na tea tängai saite Äma üng khimi käcai na lä änawngsa te hai khung ö hethang kae.

Lokphong 3:10

Nang ce lä änawngsa hethang kai üng särilo tea tängai ö te vi dy. Tukätephüng-a kai lä älawng qawng-a khimi qütä tea käny hethang mätang bälai tyng te kätü-a nang ce bung lä kai ma aedung hai ai.