Luka 18:7 - Caekäcai Kangthae (Lemi)

⁷ Säthaw re saite khimi na ma mäkai jawjaw dylä Säthaw lä äni ce kätüng saite dang hethang säbawng pa te vi. Äni ce tea säbawng hethang Säthaw lä mänung te y.

Asang Khongso New Testament

⁷ Vaihi angmah ih kaminawk mah qum thun ka hang moa abomhaih ih ka hnih loa Sithaw mah anihcae to katoeng ah taracaek pae aiah loa om tih maw? Anihcae to abom hanah angtawt loe mak ai maw?

Luka 18:7 ပူးပေါင်းရင်းမြစ်များ

Mathai 24:22

Areng lä äma re saite khimi na tähang honi kätü tea dawi hai vi ai. Äni ma honi kätü tea dawi hai y dylä, ämi lawngtä la hing haw y lyng.

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 7:11

Nang ce hunghö awng mang saite khimi na mäteng ma caw nade na tea kähawi sai na py vävawi te vi. Tudylä Känipre üng nang ce üng Pä-ai lä nang ma ce üng caw nade na tea kähawi py te qawng-a cang y mäkai saite khimi tea lä hawi te amäjy na py rae te vi.

Luka 11:13

Nang ce hunghö awng mang saite khimi mäteng ma caw nade na tea kähawi sai na py vävawi te vi. Tukätephüng-a Känipre-a awng saite nang ce üng Pä-ai lä mäkai saite khimi na tea Muilaw Käcai py khaw vi ai” näpa.

Luka 2:37

Tupyng-a änawngpaw lä dü pa vi dy. Tukha äma lä lömai nä-awi-a säning rui täjae bälitä khytä awng vi dy. Äma lä Säthaw üng Ingkäcai thung-a awng kha kädüng kädang Säthaw tea cäphaw ea böjae te hai ma aetang vävawi te vi.

Luka 21:28

Hini na tyng hethang aetawng te kätü-a lä Säthaw ma nang ce bung aeqang hethang kätü lä aenai ai dy te phüng-a aethaw aela ea kheng ö rüng kha awng” näpa.

Pawlae ma Rom märü üng kangkawng tähang tärü saite cae 8:33

Säthaw ma re saite khimi tea lä ämi ma cy haw ai mei. Säthaw äma khekhe lä äni ce tea hunghö awng y näkha thui te vi.

Kolosa 3:12

Nang ce lä Säthaw ma re saite khimi na vi. Säthaw lä nang ce bung bälung aevaw kha khimi käcai-a bälawng te vi dy. Tukätephüng-a nang ce lä bäheng te, änawng hawi te, aemäneng te, bälung äkäneng awng saite hai änawngsa saite na hai-a awng ö.

1 Thesalon 3:10

Nang ce üng yng saite aely kängai säbawng haw hethang hai nang ce hai ämaw aeting khe hethang kai ce üng bälung angxynlyng na aepy kha kai ce lä Areng tea kärung käni aetang ö te vi dy.

2 Thesalon 1:6

Säthaw lä kätüng khaw-a tärae cei te vi. Nang ce tea mätang bälai-a sa saite khimi na tea lä Säthaw ma tärawitha haile tyng ai.

1 Timote 5:5

Nang ma säbawng hethang ngai saite lömai nä-awi lä äni tea säbawng hethang ämi la awng pa y. Honi kätyng nawngmädi lömai lä äma tea säbawng hethang tähang Säthaw tea kädüng kädang aetang jawjaw kha aethang khai te hai awng saite nawngmädi lawng he kae.

2 Timote 1:3

Kai lä kai üng kangsi kangjaw na kätyng käsi kähawi mäny saite bälung käcai hai Säthaw tea cäphaw kha nang tähang kawng hai te vi. Kärung käni nang tea ämaw aedawng te hai kai lä nang tähang aetang jawjaw te vi.

2 Timote 2:10

Tukätephüng-a Säthaw ma re saite khimi na üng yng hethang tähang kai lä mätang bälai te angxynlyng na tea khung jawjaw te vi. Honi hai-a khimi ce lä Isu Khrista tea yng kha dungtäsa phung-ang hai aeqang saite dang haw ö ai.

Titas 1:1

Hini cae lä Säthaw üng mawsawng hai Isu Khrista üng angtawtha saite kai, Pawlae, ma tärü te vi. Säthaw ma re saite khimi na üng yng te aethaw awng hethang hai äni ce lä Isu üng mätu saite älo mitang tea mäny rae hethang Säthaw ma kai bung mätaw te vi. Tukha äni ce lä Säthaw tea tämö khai te mätü te älang-a awng ö ai.

1 Piter 1:1

Hini cae lä, Isu Khrista üng angtawtha, kai, Peterae te üng vi. Ponta khö, Kalatia khö, Kapadokia khö, Asia pre cäpi hai Bethunia khö-a angvüng angvaw na kätyng aehi sangxang saite Säthaw üng khimi na tea kai lä cae tärü te vi.

2 Piter 3:9

Areng lä äma üng älo aedo saite kätyng sa hethang kätü tea mänawng te vi näkha khimi phütä na lä dawng ö te vi. Honi jüng-a nang ce tea änawngsa kha ämi lawngtä bung la pra hai hethang ngai te y vi. Äni lä khimi qütä tea äma ce hunghö sa saite ae-ui hai hethang ngai te vi.

Lokphong 18:20

Tungaila Känipre üng ätüng lä, “Känipre-a awng saite na ä, Babilon märü tea Säthaw ma täphra te phüng-a, nang ce lä anghawtho ö. Säthaw üng khimi na, Säthaw üng Angthang thui saite na hai buisaw na lä anghawtho ö hethang kae. Ätephüng-a mei nädylä nang ce tea sa tämang saite na phüng-a, Babilon märü tea Säthaw lä dengpy vi dy” näpa.

Lokphong 6:10

Honi na lä, “Lengky saite Areng ä, nang lä cai saite hai ae-y nae hawiky saite Kung vi. Nang ma kai ce bung bädü saite älawng qawng-a awng saite khimi na tea tärae cei kha dengpy hethang lä matangtä qae ai rawng mei” näkha ätüng käleng hai hang ö vi dy.

Lokphong 7:15

Tukätephüng-a äni ce lä Säthaw üng areng aety nae maw-a awng kha Säthaw üng Ingkäcai thung-a kärung käni äni tea mawsawng sa ö vi. Areng aety nae qawng-a aety saite Kung ma lä äni ce hai mangtä awng kha äni ce tea aedung hai vi ai.