Luka 17:30 - Caekäcai Kangthae (Lemi)

³⁰ Kai, Khimi üng Cäpaw, ly haile te kätü-a lä honi kätyng awng by vi ai.

Asang Khongso New Testament

³⁰ Kami Capa amtueng ni aloa totitoah om toengh tih.

Luka 17:30 ပူးပေါင်းရင်းမြစ်များ

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Mathai 24:3

Isu lä Olive kung na awng saite me anghung qawng-a aety kha awng ea äkähui na lä ly kha “Nang thui saite na lä mata kätü-a tyng ai rawng mei. Nang ly haile kha hini älawngpre teng te kätü-a mäny hethang äte kamarae na tho ai mei. Kai ce tea thui jo ba ä” näkha düng pa.

Mathai 24:37

Novae dung-a khimi ce sa ö te kätyng Kai, Khimi üng Cäpaw, ly haile te kätü-a khimi ce lä sa ö by vi ai.

Mathai 24:39

Äni ce lä tui cäqing tho kha äni ce angxynlyng na tui aesänung king te khytä ätemakä ai mei näte äni ce mäny ö y. Kai, Khimi üng Cäpaw, ly te kätü-a lä honi kätyng by vi ai.

Mathai 26:64

Isu ma “Honi lä nang üng älo vi. Tungaila kai nang ce tea thui ai. Vaimaw mang-a Kai, Khimi üng Cäpaw, lä haidae lengky saite Säthaw üng bangtang mang-a aety kha awng te hai khö angnüng qawng mang ly te tea nang ce lä nung ö vi ai rawng” näkha näpa.

Marka 13:26

Tupyng-a Kai, Khimi üng Cäpaw, lä haidae hai phung-ang hai khö angnüng thung mang ly te khimi ce ma nung ö ai.

Luka 17:24

Anglaw säde ea khöteng täki haetä mang üng haita kälang pheitä mang-a aevang hai te kätyng lä Kai, Khimi üng Cäpaw, ly haile te kätü-a lä honi kä awng by vi ai.

Luka 17:29

Tungaila Sodom märü üng Lawtae tho te käni-a lä qengtäma käni mang üng mai hai keng na aeqa kha khimi angxynlyng na bung bädü king pa vi dy.

Luka 21:22

Ätephüng-a mei nädylä honi käni lä Säthaw ma dengpy te käni vi ai. Buisaw na ma honi phüng Caekäcai thung-a tärü pyng saite na lä aekö bawi vi ai.

Luka 21:27

Honi kätü-a lä Kai, Khimi üng Cäpaw, lä haidae hai phung-ang hai khö angnüng thung mang ly te khimi ce ma nung ö vi ai.

1 Korin 1:7

Nang ce lä bälung aethaw awng bärai te hai mä-ai üng Areng Isu Khrista tyng haile te kätü tea aering ö te vi. Nang ce aering ö te kätü-a, Muilaw Käcai hai aesui kha sakaw saite angxynlyng na tea lä Säthaw ma py te vi dy.

1 Korin 1:8

Kangteng khytä yng te cakhi haw hethang nang ce tea Säthaw lä säbawng vi ai. Tukätephüng-a mä-ai üng Areng Isu Khrista tyng haile te kätü-a lä, ämi lawngtä ma la nang ce tea hunghö awng näkha cy haw y vi ai.

Kolosa 3:4

Nang ce üng hing saite langdüng lä Khrista vi. Äni lä älawngpre-a ly haile te kätü-a, nang ce la äni üng phung-ang dang kha äni hai mangtä tho ö by ai.

2 Thesalon 1:7

Tukha nang ce hai kai ce mangtä vaihi mätang bälai saite khimi na tea lä Säthaw ma säbawng ai. Hini na lä Areng Isu Khrista Känipre mang üng ly haile be te kätü-a, tyng khaw vi ai. Äni üng haidae awng saite angtawtha na lä Äma hai mangtä maibälai hai tho ö ai.

1 Piter 1:13

Tukätephüng-a nang ma ce tea aeküng kha kälu tähang nang ma ce üng bälung kaedawng na tea lä aerü rüng ö lawi. Isu Khrista ly haile te kätü-a, nang ce tea tähang kähawi py ai näte nang ce lä cungrü-a aethang khai jawjaw ö lawi.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 4:13

Tungaila Khrista üng mätang bälai saite thung-a, nang ce lä qa te phüng-a, anghawtho ö ba. Tudylä Khrista üng phung-ang täphawng te kätü-a, nang ce lä anghawtho rae haw ö vi ai.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.