Luka 16:15 - Caekäcai Kangthae (Lemi)

¹⁵ Tukätephüng-a Isu ma äni ce tea “Nang ce lä khimi ce üng maw-a angrubu-a awng hethang ngai ö te kae vi. Tungaila Säthaw lä nang ce üng bälung tea mäny te vi. Khimi ce ma aely kälengky-a khai saite na tea Säthaw lä esäre kha känyng te vi.

Asang Khongso New Testament

¹⁵ Jesuh mah anihcae khaeah, “Nangcae loa minawk mikhnuk ah loa kami katoeng koek ah nangsak o, to-e Sithaw mah nangcae ih palungthin to panoek. Kawmawtiah kami mah avang kaom paraiah dawn ih hmuennawk to Sithaw mikhnuk ah loa tidoeh na ai ni.

Luka 16:15 ပူးပေါင်းရင်းမြစ်များ

Mathai 23:5

Äma ce üng sa saite angxynglyng na khimi ce nung bawi rungtä sa ö te vi. Äma ce üng löpeng hai äkö-a Caekäcai lo kädawi na tärü saite aemäkhing ö vi. Äni ce üng äteng-a aebang sawi saite kä-o käsa na aelawng ö vi.

Mathai 6:16

“Nang lä böjae ea khimi kähawi käjüng aesa te kätyng mimai hawi y te sa ö hang. Äni ce lä böjae te khimi na mäny hethang ngai te phüng-a ämi aelae y käla mimai hawi y te kätyng sa ö vi. Tängai ö, äni ce lä khimi ce üng ävang dang vi dy. Säthaw ma äni ce tea ävang py y dy.

Mathai 6:2

“Nang lä mätang saite na tea säbawng kätü-a, nang sa te khimi na tea thui hang ba. Khimi kähawi käjüng aesa saite na kätyng sa ö hang. Äni ce lä Judae na üng ingkäcai hai lolang kaeting-a mätang saite na tea säbawng ö te vi. Khimi ce ma äni ce tea tämö khai hethang honi kä sa ö vi. Tängai ö. Äni ce la khimi ce üng ävang dang pyng ö te vi dy. Säthaw ma äni ce tea ävang py te y.

Mathai 6:5

“Nang lä aetang ea khimi kähawi käjüng käsa na kätyng sa hang. Äni ce lä khimi ce känung bawi-a Judae na üng ingkäcai hai lolang kaeting mityng-a aedaw kha aetang hethang ngai ö vi. Tängai ö. Äni ce la khimi ce üng ävang dang vi dy. Säthaw ma äni ce tea ävang py pa y dy.

Luka 10:29

Honi Ubädi käkaw lä äma tea khimi käcüng näte mäny hethang kängai-a Isu tea “Tudylä kai üng äpy äjae lä ämi mei” näkha düng pa be dy.

Luka 11:39

Tukha Isu ma äni tea “Pharisai, nang ce lä pangkae hai kaephi üng ärang mang mäse ö te kae vi. Tungaila nang ce üng bälung-a lä kanglai hai käsi kawi te vi.

Luka 18:11

“Pharisai lä aedaw ea äma phüng hai aetang pa te lä ‘Säthaw ä, kai lä khimi kälang na, kangru na, käsi sa saite na, täkübäjang sa saite na hai honi angko cawng saite khimi kätyng y te phüng-a nang tea kawng bärai ba.

Luka 18:14

Tängai ö. Hini khimi vawi haile te kätü-a Säthaw lä äni tea khimi käcüng-a nung pa vi dy. Pharisai tea lä hokä nung pa y. Mä-ai ma tea aemäsang saite khimi tea lä Säthaw ma mäneng pa vi ai. Tukha mä-ai ma tea aemäneng saite khimi tea Säthaw lä mäsang pa vi ai” näpa.

Luka 18:21

Honi mätawngky ma lä “Hini Ubädi na kai lä nade üng hai ma tängai pyng te vi dy” näpa.

Luka 18:9

Äma ce tea lä khimi cüng saite näkha aedawng ea khimi qütä tea tämö khai y saite khimi phütä na tea, Isu ma hini mätae te lo hai thui pa.

Luka 20:20

Ubädi kaw saite särae na hai mäthykung mätawngky na lä Isu bung kaenai mang aering ö vi dy. Khimi käjüng aesa saite na bung Isu teng-a ly hai pa ö dy. Isu lä älo tämang saite na thui ai müng näkha äni ce lä aepö ö te vi. Hokä dylä äni ce lä Isu bung ne kha aenae awng saite Rom mätawngky na üng kö thung-a a haw vi ai.

Luka 20:47

Äni ce lä nawngmädi lömai na üng ingthawng na tämo kha la ea käjüng sa kha sadui-a aetang ö te vi. Honi khimi ce tea Säthaw lä khimi kälang na qawng-a käsiky saite dengpy vi ai” näpa.

Johan 2:25

Isu lä khimi ce üng phüng mäny king te phüng-a ämi lawngtä lä khimi phüng thui hethang aely ngai te y.

Johan 21:17

Isu lä “Johan üng cäpaw Simon ä, nang lä kai tea bälung aevaw mei” näkha ämäthung düng pa be dy. Tukä qengthungtä düng pyng-a Peterae lä bälung naw kha “Areng ä, Nang lä äte cawngkhang na mäny bawi te kae be. Nang tea bälung aevaw näte nang ma mäny dy be” näpa. Isu ma “Kai üng beram na bung mäcaw ba.

Angtawtha 1:18

(Judae lä hawi y saite kälu vang tangkae hai lai rang pa vi. Honi lai mityng-a kaibu kaerae kha äjo kawi ea täri na tho te hai ma dü pa vi.

Angtawtha 1:24

Tukha äni ce lä aetang ö ea “Areng ä, nang lä khimi ce bälung mäny saite kung vi. Judae Iskriota lä äma aeteng saite mityng-a ly te vi dy. Judae mityng-a angtawtha ämi bung re dy mei näte Areng ä, kai ce tea mätü e.”

Angtawtha 15:8

Khimi ce üng bälung mäny saite Säthaw lä Muilaw Käcai bung mä-ai tea py te kätyng, ceng kälang khimi na tea py pa te hai-a äni ce tea bälung aevaw te phüng mätü pa te vi dy.

Pawlae ma Rom märü üng kangkawng tähang tärü saite cae 3:20

Hokä Ubädi thung-a awng saite kätyng sa te hai-a ämi la Säthaw üng maw-a cüng te y vi. Ubädi lä mä-ai tea hunghö sa saite mäny hai te vi.

Pawlae ma Rom märü üng kangkawng tähang tärü saite cae 8:27

Mä-ai üng bälung tea kheng saite Säthaw lä Muilaw üng kaedawng tea la mäny te vi. Ätephüng-a mei nädylä Muilaw Käcai lä Säthaw üng aely kängai-a, Säthaw üng khimi na tähang aetang pa te phüng-a vi.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

1 Piter 3:4

Honi jüng-a, nang ce lä bälung kätüng, bälung äkäneng hai awngneng saite hai-a aemai y saite äcae kähawi-a awng ö vi ai. Hini lä Säthaw üng maw-a tengxyng y ävang ting bärai te vi.

1 Piter 5:5

Honi kätyng, nang ce anghyngli na ä, nang ma ce üng mätawngky na üng älo na tängai hethang kae. Nang ce lä bälung aemäneng kha awng ö. Caekäcai thung-a, “Säthaw lä aethaw saite khimi na tea elekhei sa te vi. Tungaila aemäneng saite khimi na tea lä tähang kähawi py te vi” näkha nä vi.

Lokphong 2:23

Kai lä nawngmädi leithung äcaw na kätyng hui saite na tea la bädü ai. Tupyng-a kai lä khimi qütä üng kaedawng na hai bälung mäke na tea mäny saite Kung vi näte kangkawng angxynlyng na ma mäny ö ai. Nang ce üng sa ö qi saite na kätyng-a kai lä py ai.