Luka 10:42 - Caekäcai Kangthae (Lemi)

⁴² Tungaila aely leng saite lä haetä xyng awng kae. Maeri lä hini aely leng saite re pyng te vi dy. Tukätephüng-a kai lä äni te üng hini lä laja haw y lyng” näpa.

Asang Khongso New Testament

⁴² to-e kangtoeng parai loa maeto khueh ni a oh. Meri mah kamsoem hmuen to a qoih zawh boah moa ato loa amimah doeh lomh pae let mak ai,” tiah a naa.

Luka 10:42 ပူးပေါင်းရင်းမြစ်များ

Marka 8:36

Khimi lawngtä lä käni älawng angxynlyng na bung pyng king ngaila dungtäsa hing te dang y dylä äma tähang äte la ävang ting te y vi dy.

Luka 10:39

Matha tea lä Maeri näsaite kangby lawngtä awng vi. Maeri lä Isu teng-a aety kha äni üng älo thui saite na tängai pa.

Luka 11:1

Känitä-a Isu lä aetang kha awng. Äni aetang khüng te kätü-a lä äma üng äkähui lawngtä ma äni tea “Areng ä, Baptismae Johan ma äma üng äkähui na tea aetang te mätu te kätyng kai ce tea la mätu jo” näkha näpa.

Luka 12:20

Tungaila Säthaw ma äni tea ‘Khimi kaerö ä, vaidüng lä nang dü ai dy. Tudylä nang üng mätung saite na lä ämi dang ai mei’ näpa.

Luka 12:33

Nang ma ce üng pyng saite ingthawng na jaw ea khimi kangtang na tea tangkae py ö. Hini kätyng mö haw y saite phawisae-i na nang ma ce tähang sa ö dy. Theru bäru haw y, dengkeng ma ca haw y kha tenglei y saite ingthawng nang ce tähang Känipre-a awng ai.

Luka 16:2

Tukätephüng-a ingkung ma mawsawng kälengky bung ka kha ‘Nang üng angthang kai lä hikä thai vi. Nang ma kai üng ingthawng hai tangkae makä sa ai mei näte caerang hai tärü kha kai tea mätü lawi. Nang bung ingthawng rui saite kung-a kai lä khai haw jaw ngang y te phüng-a vi’ näpa.

Luka 16:25

“Tungaila Abraham ma ‘Cäpaw ä, nang hing te kätü-a ätete kähawi dang saite na aedawng haile jo re. Honi thüng-a Lazarae lä mätang cili-a awng te lä aedawng pa jo re baw. Äni lä vaihi hi-a kähawi awngneng kha nang lä naw mätangbälai phi dai vi be tu ly.

Luka 18:22

Hikä Isu ma thai te kätü-a lä, äni tea “Nang lä haetä sa hethang awng te vi rawng. Nang üng awng saite angxynlyng na jaw king kha honi tangkae lä khimi kangtang na tea py pa. Tudylä Känipre ingthawng lä nang dang ai mang. Tupyng dylä ly kha kai leithung hui” näpa.

Luka 8:18

“Tukätephüng-a nang ce mänykaw hethang tängai ö. Sakaw te awng saite khimi na tea lä Säthaw ma py rae vi ai. Tungaila Sakaw te awng y saite khimi na tea lä äma ce tea awng dy näkha aedawng saite tea mäteng ma Säthaw ma la king vi ai” näpa.

Johan 11:1

Lazarae näsaite khimi lawngtä lä naw kha awng. Äni hai äticaw Maeri ni Matha lä Bethani vang-a awng.

Johan 11:19

Judae khimi kä-awng mang na lä, Matha ni Maeri tea ly kha kangpraw dü te phüng-a bälung bädang pa ö dy.

Johan 12:3

Tukha Maeri lä ävang ting phi saite rimui pilangtä süng kha ly pa. Honi rimui lä nadu näsaite üng sa te vi. Isu üng äkho-a honi rimui tui kälo kha äma üng äsang hai mai pa vi. Honi rimui tui üng ämui lä engthung khaw-a awng saite khimi angxynlyng na thai pa vi dy.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 5:24

“Tängai ö, nang ce tea kai ma thui saite lo thai kha kai bung mätaw saite Kung tea yng te khimi ce lä dungtäsa hing te dang vi. Säthaw ma äni tea dengpy y käla ma kädü thung üng hing te mang-a aekae hai pa vi dy.

Johan 6:27

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

1 Korin 13:3

Kai tea awng saite vyngsai angxynlyng na mätang saite khimi na tea py king te läsy, löci mawi kätyng maisawi hethang kai ma üng ätabung tea mäteng ma aepy te läsy, kai üng kangby jä-ai na tea bälung aevaw y dylä, kai lä äte ävang la dang y lyng.

Galati 5:6

Mä-ai lä Isu Khrista hai mangtä aesui te kätü-a, lengkhüng täke te hai, täke y te lä, aely leng te y lyng. Khrista tea yng kha mä-ai lä Säthaw hai khimi ce tea bälung aevaw saite lä aely lengky vi.