Luka 10:20 - Caekäcai Kangthae (Lemi)

²⁰ Tungaila nang ce lä angra na bung bäja te phüng-a kawng ö hang. Säthaw lä nang ce üng ämüng na Känipre-a awng saite cae-u thung-a tärü te phüng phai kawng ö” näpa.

Asang Khongso New Testament

²⁰ To-e taqawk kasaenawk mah nangcae ih lok tahngai pongah palung anghoe o hmah; van ah nangcae ih ahmin tarik ah oh boah pongah anghoe lat ah.

Luka 10:20 ပူးပေါင်းရင်းမြစ်များ

Mathai 10:1

Isu lä äkähui lawng hawlai netä na bung mangtä ka dy. Äni ce tea Isu ma khimi ce te üng angra na bung mätho hethang aenae py pa vi dy. Tukha naw te hai känaw mi amäjy cawngkhang na tea hawi sa pa hethang haidae la py pa vi dy.

Mathai 26:24

Caekäcai ma tärü te kätyng Kai, Khimi üng Cäpaw, lä dü vi ai. Tungaila Kai, Khimi üng Cäpaw, bung täre na kö thung-a a saite khimi lä tähang si. Honi khimi aepeng y khyry dylä, äni tähang lä hawiky” näkha näpa.

Mathai 27:5

Judae Iskriota lä phawisae äpjae tea Säthaw üng Ingkäcai thung-a kädesö pa dy. Tupyng-a äni lä honi mityng üng thoja ea äma ma üng känawngjang-a kharui hai aemäkhing kha kai-o vi dy.

Filipi 4:3

Honi qawng-a cang y, kai üng ae-yky saite äpy ä, nang la honi nawngmädi ni tea säbawng pa jo ba. Änini lä khimi ce tea Angthang Kähawi thui hethang tähang kai hai mangtä aethawsa bärai hawi saite ni vi. Klement hai kai hai mangtä kälu sa saite äpy kälang na la qa ö by vi. Dungtäsa hing saite na üng ämüng tärü saite Säthaw üng cae-u thung-a äni ce üng ämüng la qa ö te vi.

Hebrai 12:23

Nang ce lä Säthaw üng cäpaw äcälöky awng saite kangkawng-a tyng ö te vi dy. Honi kangkawng thung üng ämüng na lä Känipre üng cae-u thung-a tärü kha khai pa vi dy. Nang ce lä khimi angxynlyng na tea tärae cei saite Säthaw tea tyng ö vi dy. Honi lä cungrü-a sa saite khimi käcüng na üng awng saite mityng vi dy.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 17:8

Honi mawikäsi lä jangni-a hing vai ngaila, vaihi lä hing y vi dy. Äni lä qae y tea ma angqaw khaw käthu üng tho kha Säthaw ma äni tea lä täphra ai. Säthaw lä älawng sa y te kälang-a ma hing saite na üng cae-u thung-a ämüng qa y saite älawng qawng üng khimi na lä honi mawikäsi bung nung te kätü-a, cangxei ö vi ai. Äni lä jangni-a hing ngaila, vaihi lä hing y vi dy. Tungaila äni lä tho haile tyng ai.

Lokphong 20:12

Tukha khimi kädü aely leng saite na hai leng y saite angxynlyng na lä areng aety nae maw-a aedaw ö te tea kai lä nung vi. Känipre angtawtha na lä cae-u na tea pä-awng pa ö vi dy. Honi pyng-a cae-u kälang haetä pä-awng te tea kai lä nung vi dy. Hini lä dungtäsa kähing dang te na üng ämüng tärü saite cae-u vi. Dü saite na lä honi cae-u na thung-a tärü te kätyng äni ce sa saite na tea Säthaw lä tärae cei pa vi dy.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.

Lokphong 3:5

Bäja saite khimi angxynlyng na lä hini kätyng kä-o kanglung tea aelawng hai ö ai. Kai lä äni ce üng ämüng na tea dungtäsa kähing dang saite na üng ämüng tärü saite cae-u thung üng mai ja y lyng. Kai üng Pä-ai hai Känipre angtawtha na maw-a äni ce lä kai hai aesui saite na vi näkha Kai ma thui ai.