Luka 10:2 - Caekäcai Kangthae (Lemi)

² Isu ma äni ce tea “Ae he caw kangmüng lä awng mang vi. Tungaila caw ae te khimi ce lä di vi. Tukätephüng-a caw ae saite na bung mätaw mang hethang lai kung tea mäkai ö.

Asang Khongso New Testament

² Anihcae khaeah, “Cang aah hanah katingai a pop e aloa ka aat hanah toksakung tamsi. Topongah cang ka aat hanah toksahkungnawk patoeh hanah lawk tawnkung khaeah khophoe oah.

Luka 10:2 ပူးပေါင်းရင်းမြစ်များ

Mathai 20:1

“Säthaw ma pre pyng saite lä Cäpje angkhaw kung üng äphüng hai aetawng vi. Äma lä kälu sa saite na bung vang hethang kädang thawde-a tho jaw dy.

Marka 13:34

Hini lä khölawng hanglaw-a ly ja saite khimi lawngtä hai aetawng vi. Äni lä äma üng ing bung äma üng mawsawng käleng na tea a pa. Sa hethang kälu haetä ta mawsawng na tea py qi pa dy. Hawngkhae ty saite kung tea lä kähawi-a aering hethang älo täru khi pa dy.

Marka 16:15

Isu ma äni ce tea “Nang ce lä älawngpre qütä-a ly kha khimi angxynlyng na tea Angthang Kähawi thui ö.

Marka 16:20

Tupyng-a äkähui na lä mityng qütä-a ly kha Angthang Kähawi na thui ö dy. Areng lä äni ce hai mangtä awng pa te vi. Tukha äni ce thui ö saite älo na tüng te phüng mätü hethang tähang-a äni ce tea kamarae na sa hethang haidae na py pa vi dy.

Luka 9:1

Isu lä äma üng äkähui lawng hawlai netä na bung ka kha naw saite khimi na tea hawi sa hethang hai angra na bung mätho hethang, haidae hai aenae py pa.

Angtawtha 11:19

Isu tea Yng saite khimi na lä Stephen tea sakälö khü kha bädü pa te phüng-a mityng qütä-a, pryng ö xhixae vi dy. Äni ce phütä na lä Phonecia khö, Saipära angrai sälawng hai Antioh märü khytä tyng ö vi dy. Äni ce lä Isu üng angthang Judae khimi na ma qaitä tea thui pa ö vi dy.

Angtawtha 13:2

Äni ce lä Areng tea cäphaw kha böjae te hai awng ea, Muilaw Käcai ma “Sawlae hai Banaba bung kai üng kälu sa hethang tähang-a khai ö ba” näkha näpa.

Angtawtha 13:4

Banaba ni Sawlae lä Muilaw Käcai ma mätaw te kätyng, Selucia märü-a tyng hawi kha honi märü üng hai Saipära angrai sälawng mang-a tui sangphaw aedang kha ly ö dy.

Angtawtha 20:28

Tukätephüng-a nang ce lä mä-ai ma ce tea sädi hai awng ö. Muilaw Käcai ma nang ce tähang a saite kangkawng tea kähawi-a rui ö. Beram rui saite Kung ma beram rui te kätyng nang ce lä, Säthaw üng kangkawng tea kähawi-a, rui kha kheng ö. Ätephüng-a mei na dylä, Säthaw lä äma üng Cäpaw thi hai-a honi kangkawng bung rang te vi.

Angtawtha 22:21

Tupyng-a Areng ma ‘Ly lawi. Mityng kähanglaw-a awng saite ceng kälang khimi na tea nang bung kai mätaw ai’ näkha thui vi” näpa.

Angtawtha 8:4

Yng saite khimi aeprei xhixae saite na lä, mityng qütä-a ly kha Angthang Kähawi thui ö vi.

1 Korin 12:28

Kangkawng thung-a Säthaw lä kaepreng na tea äma ce üng mityng py pyng te vi dy. Angcüky üng na tea äni lä angtawtha na-a khai te vi. Äbaeni üng na tea lä buisaw na, ämäthung üng na lä Säthaw üng mätu saite särae na-a khai ö vi dy. Honi pyng-a lä cangxei te na sa haw saite khimi na, honi pyng dylä känaw käsaw tea hawi sa haw saite na, khimi kälang na tea säbawng haw saite na, kangkawng tea bähawi saite na hai mäny haw y saite lo cawngkhang thui haw saite na tea äma ce üng mityng-a py pa vi dy.

1 Korin 15:10

Tungaila Säthaw üng tähang kähawi phüng-a, kai lä äni üng angtawtha-a lawng te vi dy. Kai tea Säthaw ma py saite tähang kähawi lä aetütü-a lawng te y vi. Kai lä angtawtha kälang na qawng-a aethaw saky te vi. Tungaila kai ma sa te y lyng. Säthaw üng tähang kähawi lä kai hai mangtä awng te phüng vi.

2 Korin 6:1

Kai ce lä nang ce hai Säthaw üng kälu mangtä sa saite kängby jä-ai na lawng te phüng-a, nang ce tea mäci he ngai ö te vi. Säthaw ma nang ce angxynlyng tea tähang kähawi py vi dy. Tukätephüng-a Säthaw üng tähang kähawi tea aetütü-a lawng hai hethang lä sa ö hang.

Filipi 2:21

Khimi qütä lä Isu Khrista üng tähang aely leng saite phüng dawng y käla ma äma ce üng tähang aely leng saite na phüng xyng ni dawng ö te kae vi.

Filipi 2:25

Kai hai mangtä kälu sa saite kai üng kangby Epaprodita bung nang ce tea mätaw he aely ngai näte kai lä aedawng vi dy. Äni lä kai hai mangtä täre tea aety kha kai tea säbawng hethang nang ce ma mätaw saite nang ce üng angtawtha lawngtä vi.

Filipi 2:30

Äte makäte phüng-a mei nädylä äni lä Khrista üng kälu tähang dü aenai rung khytä sa te vi. Kai tea nang ma ce khekhe säbawng haw y saite na tea la äni lä säbawng te vi ba.

Kolosa 1:29

Tukätephüng-a kai lä hini kätyng aethawsa kha kälu sa te vi. Khrista ma py saite phung-ang lä kai üng äthung-a awng kha sa te vi ba.

Kolosa 4:12

Nang ce üng lawngtä Khrista Isu üng mawsawng Epaphra, la nang ce tea cibai sa te lo thui by vi. Nang ce tähang äni lä aetang jawjaw pa te vi. Nang ce üng yng saite cakhi hethang Säthaw üng sa pa saite na tea nang ce mäny hethang äni ma aetang jawjaw pa te vi dy.

1 Thesalon 2:9

Yng saite kangby jä-ai na ä, kai ce lä nang ce hai awng te thüng-a, aethaw rae bärai te hai kälu sa tätang mei näte nang ce lä aedawng haile tyng ö te vi mei. Säthaw üng Angthang Kähawi thui te kätü-a, kai ce tea mäcaw mänei hethang lä bälungbi hai ö y ma ba. Tukätephüng-a kai ce lä kärung käni kälu sa ö te vi dy.

1 Thesalon 5:12

Yng saite kangby jä-ai na ä, nang ce thung-a bälung aepy ea Säthaw kälu aethaw rae kha sa saite na tea nang ce lä tämö khai ö ba. Äni ce lä nang ce tea Säthaw lo mätu kha Khristen kangkawng na tea bähawi saite särae na vi.

2 Thesalon 3:1

Yng saite kangby jä-ai na ä, nang ce lä kai ce tähang aetang pa ö jo ba. Areng Isu üng Angthang Kähawi aepreng dawde kha nang ce ma Angthang Kähawi yng ea tängai te kätyng, thai saite khimi qütä la tängai haw hethang aetang pa ö jo.

1 Timote 4:10

Hini lo phüng-a, mä-ai lä hikä sa hethang aethaw sa ö te vi. Ätephüng-a mei nädylä mä-ai lä hing tätang saite Säthaw tea aethang khai te phüng-a vi. Äni lä khimi angxynlyng na üng Aeqangkung vi. Äni tea yng saite khimi na bung lä aeqang lyng pa te vi.

2 Timote 4:5

Tungaila, Timothe ä, nang ma tea nang ma kätü qütä aeküng hethang kae. Mätang bälai te kätü-a, nang lä änawngsa ba. Angthang Kähawi thui ba. Säthaw ma py saite kälu angxynlyng na tea nang lä sa king ba.

Filemon 1:1

Isu Khrista üng Angthang thui te phüng-a, thawng thung-a pä-ung hethang kae saite kai, Pawlae, hai mä-ai üng äpy Timothe lä kai ce kätyng Khrista tähang kälu sa saite rawijae ma nang Philemon tea cae tärü te dy.

Hebrai 3:6

Tungaila Khrista lä Säthaw üng Cäpaw kätyng ae-y khü saite hai äma üng ing angxynlyng na tea pyng te vi. Mä-ai lä ri y te bälung awng kha mä-ai ma üng aethang khai saite Khrista tea ae-y khü dylä, mä-ai lä Säthaw üng ing hai äma üng khimi na vi.

Lokphong 2:1

“Ephesi märü kangkawng üng Känipre angtawtha tea hini kätyng cae tärü ba: “Hini lä sui maibung kaesang säritä säla-a aeke kha äma üng äkö bangtang-a tengpaw säritä süng saite Kung te üng älo na vi.