Luka 1:32 - Caekäcai Kangthae (Lemi)

³² Säthaw ma äni tea aenae kälengky py pa vi ai. Khimi ce ma äni tea Aesangky Säthaw üng Cäpaw näkha ka ö vi ai. Areng Säthaw ma äni bung kangsi sanphrang Davidae kätyng sanphrang kälengky-a aelawng hai pa vi ai.

Asang Khongso New Testament

³² Anih loa kami kalen ah om ueloa Ranuisang Koek Sithaw Capa tiah thui o tih. Anih to Angraeng Sithaw mah amsae David batiah sangpahrang ah suem ueloa,

Luka 1:32 ပူးပေါင်းရင်းမြစ်များ

Mathai 1:1

Hini lä Isu Khrista üng ärui äceng phüng tärü te cae vi. Isu lä sanphrang Davidae üng kaesui kaebeng vi. Sanphrang Davidae lä Abraham üng kaesui vi.

Mathai 12:42

Säthaw ma khimi ce tea tärae cei te kätü-a lä, Seba pre üng sanphrang nä-awi lä aedaw kha vaidung üng khimi na tea dengpy he aeteng näkha thui vi ai. Ätephüng-a mei nädylä äni lä Solomon sanphrang üng bälunghae te lo tängai hethang ngai kha khöteng täki mang üng hai ly pa vi. Vaihi kätü-a Solomon qawng-a kälengky saite lawngtä lä hi-a awng vi rawng.

Mathai 28:18

Isu lä äkähui lawng hawlai netä na äteng-a ly kha “Säthaw ma Känipre-a hai älawngpre üng aenae angxynlyng na kai tea py vi dy.

Mathai 3:11

“Nang ce ae-ui te mätü hethang kai lä nang ce tea tui hai baptismae py vi dy. Kai leithung-a tyng saite lawngtä ma Muilaw Käcai hai, mai hai, baptismae py ai. Äni lä kai qawng-a haidae lengky vi. Kai lä äni üng kho painai mäteng ma süng hethang aeteng y.

Marka 14:61

Tungaila Isu lä sitäri-a awng pa kae vi. Älo bälangtä la mäthang haile tyng pa y vi. Tukha mäthykung kälengky ma “Nang lä khimi ce ma bälaw saite Säthaw üng Cäpaw Mesia dy mei” näkha düng haile pa be dy.

Marka 5:7

Tukha äni ma “Aesangky Säthaw üng Cäpaw Isu ä, kai tea nang lä äte sa hethang ngai hai te mei. Kai tea mätang bälai-a sa y hethang Säthaw üng ämüng hai älo aedo khü jo” näkha ätüng käleng hai hang pa vi dy.

Luka 1:15

Areng maw-a äni lä aely lengky saite khimi aelawng vi ai. Äni lä Cäpje tui hai ra na nei he kae y ai. Äni tea lä aepeng te üng hai Säthaw ma Muilaw Käcai kawi hai jawjaw pa vi ai.

Luka 1:35

Säthaw üng angtawtha ma Maeri tea “Muilaw Käcai ma nang üng qawng-a tyng kha Aesangky te Säthaw üng phung-ang lä nang qawng-a khu vi ai. Tukätephüng-a khimi ce ma lä nang cäpaw tea Säthaw üng Cäpaw Käcai näkha ka ö vi ai.

Luka 1:76

Kai cäpaw ä, nang tea khimi ce ma Kaesangky Säthaw üng buisaw näkha ka ö vi ai. Tukätephüng-a nang lä Areng üng maw-a ly kha äma tähang lolang aerü vi ai.

Luka 3:16

Baptismae Johan ma äni ce angxynlyng tea “Kai lä nang ce tea tui hai baptismae py dy. Kai qawng-a haidae lengky saite lawngtä lä ly ai. Kai lä äni üng kho painai rui sö hethang mäteng ma aeteng y vi. Äni ma lä nang ce tea Muilaw Käcai hai-a, mai hai baptismae py ai mang.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Johan 12:34

Khimipui na ma “Mesia lä dungtäsa hing jaw ai näkha Ubädi lo thung-a awng. Tudylä Kai, Khimi üng Cäpaw, bung thinglang qawng-a täheng vi ai näkha nang lä makäte phüng-a thui haw te mei. Kai, Khimi üng Cäpaw, näte lä ämi mei” näkha düng pa.

Johan 6:69

Nang lä Säthaw üng Caiping saite lawngtä näte kai ce mäny kha yng ö te dy be” näkha näpa.

Angtawtha 16:17

Honi nawngmädi mawsawng lä Pawlae hai kai ce leithung hui vi. Äni ma “Hini khimi ce lä aesangky saite Säthaw üng mawsawng na vi kha nang ce tea aeqang saite angthang thui pa” näkha ätüng käleng hai thui pa vi.

Angtawtha 2:30

Tungaila äni lä buisaw lawngtä vi kha Säthaw lä äni üng älo aedo te tea mäny vi. Säthaw lä Davidae üng kaesui lawngtä bung Davidae kätyng-a, sanphrang sa hai vi ai näte äma lä mäny te vi.

Angtawtha 2:36

“Tudylä Isrelae khimi na ä, nang ce ma thinglang qawng-a täheng saite Isu bung Säthaw ma Areng hai Mesia-a bälawng dy näte, nang ce angxynlyng tea mäny he ngai hai te vi” näkha ätüng käleng hai-a thui pa dy.

Angtawtha 7:48

“Tukä ea la Kaesangky Säthaw lä, khimi ma sa saite ing-a, awng te y vi. Buisaw ma thui te lä,

Pawlae ma Rom märü üng kangkawng tähang tärü saite cae 1:4

Säthaw lä äni bung kädü thung üng hing haile te phüng-a, Muilaw Käcai üng haidae hai-a Säthaw üng Cäpaw vi näte tea mätü te vi dy.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.