Luka 1:2 - Caekäcai Kangthae (Lemi)

² Khimi ce ma kai ce tea thui saite kätyng äni ce lä tärü ö te vi. Honi khimi ce lä angcü-a äma ce ämi hai hini na nung ö khe te vi. Äni ce lä Säthaw tähang mawsawng sa kha Säthaw üng angthang khimi ce tea thui pa saite na vi.

Asang Khongso New Testament

² A tarik o na-ah tangsuek hoitoah ka hnuh khaeh kaminawk mah a thuih o ih hoi ato tamthang lok ka thui kaminawk mah a thuih o ih batih toengah tarik o.

Luka 1:2 ပူးပေါင်းရင်းမြစ်များ

Marka 1:1

Hini lä Säthaw üng Cäpaw, Isu Khrista, phüng Angthang Kähawi tea aetawng angcü te vi dy.

Marka 16:20

Tupyng-a äkähui na lä mityng qütä-a ly kha Angthang Kähawi na thui ö dy. Areng lä äni ce hai mangtä awng pa te vi. Tukha äni ce thui ö saite älo na tüng te phüng mätü hethang tähang-a äni ce tea kamarae na sa hethang haidae na py pa vi dy.

Marka 4:14

Lai sa te khimi lä Säthaw üng lo hi te vi.

Luka 24:48

Nang ce lä honi angxynlyng na phüng nung khe saite na vi. Tudylä hini phüng nang ce lä pre angxynlyng üng khimi ce tea thui hethang kae te vi.

Johan 15:27

Nang ce la Kai üng phüng na thui ö vi ai. Ätephüng-a mei na dylä, angcü üng hai Kai hai mangtä awng te phüng-a vi.”

Johan 16:4

Hini phüng lä nang ce tea kai lä thui rüng te vi dy. Hini phüng na tyng dylä, Kai ma thui rüng te kätyng nang ce lä sädi khai ö vi ai. Angcü-a kai lä nang ce hai mangtä awng te phüng-a hini na thui y te vi” näpa.

Angtawtha 1:3

Isu lä mätang kha dü pyng ea angtawtha na tea käni ruibälitä ämaw aetüng kha äma lä hing kha awng haile te mäny hethang äma bung mätü leilae pa. Isu lä angtawtha na tea Säthaw üng pre phüng thui pa.

Angtawtha 1:8

Tungaila Muilaw Käcai nang ce tea tyng te kätü-a, nang ce lä haidae na dang kha Jerusalem märü, Judae khö angxynlyng hai Samari khö, khöteng täki khytä, khimi ce tea kai üng angthang thui ö ai” näpa.

Angtawtha 14:25

Änini lä Peka märü-a la Angthang Kähawi thui hawi te vi. Honi pyng-a Atalia märü-a tyng hawi dy.

Angtawtha 16:6

Pawlae ni Saila lä Phrukia khö Kalatia khö na tea cäqeng ö vi. Muilaw Käcai lä äni ce tea Asia pre cäpi-a Angthang Kähawi thui hethang mäkhang pa vi.

Angtawtha 17:11

Beri märü üng khimi na lä, Thesalonika märü üng khimi na qawng-a, bälunghaeky ö vi. Tukha Beri märü üng khimi na lä Pawlae thui saite Angthang Kähawi tea kähawi-a tängai ö te vi. Äni ce lä Pawlae thui saite lo kätyng tüng mei, tüng y mei näte mäny haw hethang Caekäcai tea käni qütä phai ö vi.

Angtawtha 26:16

Tungaila vaihi aetha kha aedaw lawi. Nang bung kai üng mawsawng sa hai hethang nang tea kai ly te vi dy. Vaini nang nung pyng saite na hai, ämaw mang-a kai ma nang tea mätü hethang awng saite na phüng, khimi ce tea thui hethang kae.

Angtawtha 4:20

Kai ni lä nung saite hai thai saite phüng thui y käla awng haw y lyng” näkha äni ce tea thui hawi pa vi dy.

Angtawtha 8:4

Yng saite khimi aeprei xhixae saite na lä, mityng qütä-a ly kha Angthang Kähawi thui ö vi.

Pawlae ma Rom märü üng kangkawng tähang tärü saite cae 15:16

Kai lä ceng kälang na tähang kälu sa hethang Khrista Isu üng mawsawng-a lawng vi dy. Säthaw ma kawng hai saite löci mawi käcai lawng hethang kai lä Säthaw üng Angthang Kähawi ceng kälang na tea thui hethang mäthykung lawngtä kätyng sa te vi dy. Muilaw Käcai lä honi na tea Säthaw tähang kälang khai pa te vi.

1 Korin 4:1

Kai ce lä Khrista üng mawsawng na näte nang ce lä dawng hethang kae. Säthaw lä äma üng ho saite angthang khimi ce tea thui hethang kai ce bung mätaw vi dy.

Hebrai 2:3

Hokä aeqang saite käleng tea mä-ai dawngcang y vi dylä, Areng ma mä-ai tea deng py ai näte lä tätang khaw vi. Areng äma khekhe lä hini aeqang saite angthang angcü-a ma thui te vi dy. Äni üng angthang thai saite khimi na ma mä-ai tea lä honi angthang tüngkhaw vi saite mätü vi dy.

1 Piter 5:1

Kai ma khekhe lä kangkawng üng mätawngky vi kha nang ce thung üng kangkawng mätawngky na tea mäci te vi. Kai lä Khrista üng mätang bälai saite na tea nung khe kha thui te vi. Säthaw ma Khrista üng phung-ang täphawng te kätü-a, hini phung-ang thung-a kai lä qa vi ai.

2 Piter 1:16

Mä-ai üng Areng Isu Khrista lä haidae hai äma üng ly haile ai näte nang ce tea kai ce ma thui te kätü-a, khimi ce ma thui saite cäkae na tea thui te y lyng. Tungaila kai ce lä kai ma ce üng ämi hai Khrista üng phung-ang käleng tea nung khe ö te vi dy.