Lokphong 7:14 - Caekäcai Kangthae (Lemi)

¹⁴ Kai ma äni tea, “Areng ä, Nang lä mäny vi” näkha mäthang vi dy. Äni ma kai tea, “Hini khimi na lä sakälö khü phi saite na aeting kha bäja ö saite na vi. Äni ce lä äma ce üng kä-o na tea Beram caw üng äthi hai mäcai ping ö pyng saite na vi dy.

Asang Khongso New Testament

¹⁴ “Angraeng, ka panoek ai. Nangmah panoek lat tih,” tiah ka naa. Anih mah, “Hi kaminawk loa pacaekhlaekhaih katingai thung hoi-ih kasueng ta-ah kaloih kaminawk ni. Anihcae loa angmahcae ih laihaw kathuk to pasuk o moa Tuuca thii hoiah kanglung pinah pasuk o boah.

Lokphong 7:14 ပူးပေါင်းရင်းမြစ်များ

Mathai 24:21

Säthaw ma älawng sa te kätü üng hai vaihi khytä khimi ce lä qengtä la hini kätyng ri he kähawi mätangca saite aeting vai te y. Khawngdüng-a la hini kätyng aeting haile tyng ö y ai dy.

Marka 13:19

Säthaw ma älawng sa te kätü üng hai vaihi khytä khimi ce lä qengtä la hini kätyng mätangca saite aeting vai te y. Khawngdüng-a la aeting haile tyng ö y ai lyng dy.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Angtawtha 14:22

Märü qütä änini lä Yng saite khimi na hai aeting ea Säthaw üng Angthang Kähawi thui kha Isu tea yng jawjaw hethang aethaw py pa hawi dy. Tukha änini ma “Mä-ai Isu tea yng saite na lä Säthaw üng pre-a kung y te kälang-a, mätangbälai saite na aeting ö vi ai” näkha Yng saite khimi na tea thui pa dy.

Pawlae ma Rom märü üng kangkawng tähang tärü saite cae 5:3

Honi qawng-a cang y mä-ai lä mätang saite na aeting ngaila anghawtho ö te vi. Ätephüng-a mei nädylä mätang saite phüng-a, mä-ai lä änawngsa hethang aetu te vi näkha mä-ai lä mäny ö te vi.

1 Korin 6:11

Angcü üng hai ma nang ce thung üng khimi phütä lä honi kätyng käsi na sa ö te vi. Tungaila Säthaw lä nang ce üng hunghö na tea bäse pang kha cai hai te vi. Areng Isu Khrista hai Säthaw üng Muilaw hai-a nang ce lä Säthaw üng maw-a khimi käcüng-a lawng ö vi dy.

2 Thesalon 1:4

Tukätephüng-a kai ce ma nang ce üng phüng lä Säthaw üng kangkawng na tea aethaw ö te vi. Khimi ce ma nang ce tea mätang bälaica-a sakälö khü jawjaw te kätü-a, nang ce üng yng saite hai änawngsa haw saite phüng na kai ce lä thui ö te vi.

Hebrai 13:12

Hini phüng-a Isu lä äma üng äthi khekhe hai-a khimi ce üng hunghö tea mäcai hai hethang märü üng hawngkhae kätho ärang mang-a dü te by vi dy.

Hebrai 9:14

Tungaila Khrista üng äthi lä hini qawng-a cang y sa haw te vi. Äni lä dungtäsa Muilaw hai-a äma ma löci sa te vi dy. Äni lä Säthaw tähang cungrü-a löci aesa saite vi dy. Tukätephüng-a äni üng äthi lä tengxyng y haidae awng kha mä-ai üng käsi kähawi mänykaw saite bälung kaedawng na tea ävang ting y saite reitae thung üng cai hai te vi. Vaihi mä-ai lä Säthaw kähing tea mawsawng sa haw ö te vi dy.

1 Piter 1:19

Nang ce bung aelawi hai hethang, Säthaw lä Isu Khrista üng ävang ting saite äthi py te vi dy. Khrista lä angvawi awng y saite beram caw kätyng lawng te vi dy.

1 Johan 1:7

Tungaila Säthaw lä kaevang-a awng te kätyng mä-ai la kaevang-a awng nädylä, mä-ai lä lawng lawngtä tea rawijae sa ö te vi dy. Säthaw üng Cäpaw Isu üng äthi lä mä-ai üng hunghö angxynlyng na tea mäcai pang te vi dy.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 12:11

Äni ce lä Beram caw üng äthi hai, äni ce thui saite Säthaw üng lo mitang hai-a Setan tea bäja ö vi dy. Äni ce lä dü hethang ri y käla äma ce üng hing saite tea la mäsai ö y vi dy.

Lokphong 15:2

Tupyng-a mai hai aeqo saite khawitälae üng tuikang kätyng awng te kai lä nung te vi. Mawikäsi hai äni üng mimi hai ämüng nangbae tea bäja saite na la kai lä nung vi dy. Äni ce la Säthaw ma py saite tingtyng na tea süng kha khawitälae kätyng awng saite tuilipui teng-a aedaw ö te la kai lä nung vi dy.

Lokphong 17:6

Honi nawngmädi lä Säthaw üng khimi na äthi hai Isu tea yng cakhi te phüng-a dü saite na üng äthi nei kha bärui te tea kai lä nung te vi. Tukha kai lä tengxyng y cangxei vi dy.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 22:14

Mä-ai ma üng kä-o na tea caiping-a mäsu saite khimi na lä tähang hawi. Äni ce lä kähing py saite thingkawng kung üng äthai ca haw kha märü käleng thung-a hawngkhae kätho na mang kung haw ö ai.

Lokphong 5:9

Tukha äni ce lä ae-awi kangthae thui ö vi dy. “Nang lä honi cae ang-yng la hethang hai, cakhi saite dengki na tea täphra hethang aeteng khaw vi. Ätephüng-a mei nädylä, khimi ce lä nang bung bädü kha nang üng löci aesa saite hai ceng qütä, älo cawngkhang aepe saite qütä, älawng qawng üng pre qütä awng saite na üng khimi na bung lä Säthaw tähang rang vi dy.

Lokphong 7:9

Honi pyng-a kai kheng ea lä, ämi la to haw lei y saite khimipui na tea kai lä nung vi dy. Äni ce lä älawng qawng üng pre qütä na, amäjy qütä na, ceng qütä na, khimi ce hai älo cawngkhang aepe saite qütä na vi dy. Äni ce lä kä-o kanglung na aelawng kha äkö hai cangrang cangpre na süng ea areng aety nae hai Beram caw üng maw-a aedaw ö vi dy.