Lokphong 3:17 - Caekäcai Kangthae (Lemi)

¹⁷ Nang ce ma, “Kai ce lä tawngnang vi. Ngai saite angxynlyng na awng vi dy. Täkang y dy lyng” näkha thui ö vi. Tungaila nang ce lä tähang si te hai bäheng hethang hawi ö te vi. Nang ce lä kangtang kanglai, ämi kangjö, hai aekhu aena nae awng ö te y vi. Tungaila honi na tea nang ce lä mäny ö te y.

Asang Khongso New Testament

¹⁷ Nang mah, ‘Kai loa kangraeng moa ka tawnh ka nang; kangtoeng ih boih ka tawnh king,’ tiah na thuih. To-e kawkruk maw namtang moa tahmen thoh tito na panoek ai! Namtang, buenhkrai ah na oh moa mik na maengh.

Lokphong 3:17 ပူးပေါင်းရင်းမြစ်များ

Mathai 5:3

Äni ma “Säthaw üng säbawng saite aely ngai näte mäny saite khimi na lä tähang hawi. Äni ce lä Säthaw üng pre-a tawngnang te vi.

Mathai 9:12

Hini lo Isu ma thai kha äni ce tea “Känaw käsaw awng y saite na lä latang bung ngai y lyng. Tungaila naw te khimi lä latang bung ngai vi.

Luka 1:53

Äma lä äjo kaelang na tea bö ang kähawi na hai mäcaw kha, tawngnang saite na tea lä büngqaitä ma bälawi sö pa vi.

Luka 6:24

Tungaila khimi känang na ä, nang ce lä tähang si. Nang ce lä älawng üng hawi saite na dang ö pyng te vi dy. Tudylä nang ce lä dang bälai hethang awng y dy.

Pawlae ma Rom märü üng kangkawng tähang tärü saite cae 11:20

Älawng mang. Judae khimi na lä yng y te phüng-a, äni ce lä cangpre tängang saite kätyng vi. Nang ce lä yng ö te phüng-a, aesätawng haw te kae. Tungaila aethaw ö hang. Ri saite bälung awng ö.

Pawlae ma Rom märü üng kangkawng tähang tärü saite cae 11:25

Kangby jä-ai na ä, kai lä Säthaw üng ho saite na nang ce tea mäny hai hethang ngai te vi. Tudylä nang ce lä nang ma ce tea, “Mä-ai lä tengxyng y bälunghae vi dy” näkha dawng ö y ai dy. Honi ho saite lä hini kätyng vi. Isrelae khimi na üng bälung tangkö saite lä dungtäsa aekang y lyng. Ceng kälang na thung üng Säthaw tea yng saite na cungrü te khytä kae vi.

Pawlae ma Rom märü üng kangkawng tähang tärü saite cae 12:3

Kai tea Säthaw ma py saite tähang kähawi phüng-a, nang ce angxynlyng na tea kai lä thui hethang ngai te vi. Nang ce lä mä-ai ma tea dawng ngece hethang kae saite qawng-a cang y, aedawng ö hang. Nang ce tea Säthaw ma py te yng saite kätyng mä-ai ma tea mä-ai ma kaeteng khaw-a aedawng ö.

Pawlae ma Rom märü üng kangkawng tähang tärü saite cae 7:24

Kai lä tengxyng y anghawtho y saite khimi vi. Kai tea dü hai saite hini ätabung üng ämi ma kai bung aeqang ai mei.

2 Piter 1:9

Tungaila khimi lawngtä lä hini aeme aeqa saite käcai awng y vi dylä, äni lä ämi kangjö lawngtä kätyng vi. Äni lä jangni-a äma üng hunghö sa saite na Säthaw ma bälawi vi dy näte tea sa tämang te vi dy.

Lokphong 16:15

Areng ma, “Tängai ö, kai lä theru kätyng ly ai. I aelaw kha äma üng kä-o aelawng rüng saite khimi lä tähang hawi. Ätephüng-a mei nädylä äni lä khimi ce üng maw-a khawngjawng-a aeke te y käla saerae te dang hai y vi ai” näpa.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.

Lokphong 3:16

Tungaila nang ce lä Kai tea bälung aevaw bärai y te hai esäre y te phüng-a, Kai ma nang ce bung khaisö vi ai.