Lokphong 3:14 - Caekäcai Kangthae (Lemi)

¹⁴ “Leodikia kangkawng üng Känipre angtawtha tea hini kätyng cae tärü ba. “Hini lä Cakhi kha mitang khü-a sasi tho saite üng älo na vi. Äni üng ämüng lä Amen näkha mäthi te vi. Äni lä Säthaw ma sa saite angxynlyng na üng langdüng vi.

Asang Khongso New Testament

¹⁴ “Laodisia vang Khrihca kangkom ih vanmi khaeah hitiah tarik ah: “Hi lok loa Sithaw mah sak ih tiboih boih ih amtonghaih takung, oepom hoi kahmaan saksi ah kaom Amen khae hoi-ih lok ni.

Lokphong 3:14 ပူးပေါင်းရင်းမြစ်များ

Johan 1:3

Pä-ai lä älo hai-a äte angxynlyng na bung sa. Pä-ai lä äni hai y käla äte haetä lä sa te awng y.

Johan 8:14

Isu ma “Kai lä Kai ma üng phüng thui te vi. Tungaila Kai üng thui te lo yng hethang kae. Ätephüng-a mei nädylä Kai lä mani mityng üng ly te mei, mani mityng-a vawi ai mei näte mäny te vi. Tungaila nang ce lä Kai mani mityng üng ly te mei, mani mityng-a vawi ai mei näte mäny ö te y.

2 Korin 1:20

Säthaw ma mä-ai tea py te älo aedo saite angxynlyng na lä Khrista hai-a, “Älawng vi” näkha thui te vi dy. Tukätephüng-a mä-ai lä Säthaw üng phung-ang aesang hethang “Amen” näkha thui te kätü-a, mä-ai üng Areng Isu Khrista hai-a thui ö te vi.

Kolosa 1:15

Säthaw bung lä ämi la nung haw y ngaila, Khrista lä khimi ce tea Säthaw üng ämaw äcae mätü pa te vi dy. Khrista lä Säthaw üng Cäpaw cälö lawng kha Säthaw ma sa saite angxynlyng na qawng-a aenae awngky te vi.

Kolosa 1:18

Khrista lä kangkawng üng älö vi. Kangkawng la äni üng ätabung by vi. Äni lä kangkawng tea kähing py saite Kung vi. Äni bung Säthaw ma kädü thung üng angcüky-a mätha kha dungtäsa hing hai pa vi dy. Tukäte hai-a Khrista lä älawng hai käni khösang na üng aely kälengky saite lawngtä vi.

Kolosa 2:1

Kai lä nang ce hai, Leodikia märü üng khimi na, kai bung nung vai y saite khimi kälang na tea säbawng hethang matangtä bälung mawng mei näte nang ce tea mäny hai hethang ngai te vi.

Kolosa 4:16

Hini cae tea nang ce üng kangkawng khimi na ma phai pyng dylä, Laodikia kangkawng-a awng saite khimi na la phai ö jo sy ba. Leodikia märü-a awng saite kangkawng na tähang, kai ma tärü saite cae tea la nang ce phai ö jo ba.

Lokphong 1:11

Honi ätüng ma, “Nang nung saite lä angxynlyng na cae-u thung-a tärü kha Ephesi, Samurana, Perkamon, Thetaria, Sardis, Philadelphia hai Leodikia märü na thung-a awng saite kangkawng säritä tea tha ba” näkha nä vi.

Lokphong 1:5

Isu Khrista lä sasi thui khü kha ae-y nae hawi khaw saite Kung vi. Säthaw ma äni bung lä kädü thung üng mätha angcü pa te vi. Äni lä älawngpre üng sanphrang angxynlyng na tea pyng saite Kung vi. Isu Khrista lä mä-ai tea bälung aevaw kha äma üng äthi hai-a mä-ai üng hunghö na aelawi hai te vi dy.

Lokphong 19:11

Tupyng-a Känipre aepä-awng te tea kai lä nung kha ho-a lä Cäphö Kanglung metä awng vi. Honi qawng-a aedang saite üng ämüng lä Yng cakhi saite hai lo mitang vi. Äni üng tärae cei te hai täre tea aety saite na lä tüngkhaw vi.

Lokphong 2:1

“Ephesi märü kangkawng üng Känipre angtawtha tea hini kätyng cae tärü ba: “Hini lä sui maibung kaesang säritä säla-a aeke kha äma üng äkö bangtang-a tengpaw säritä süng saite Kung te üng älo na vi.

Lokphong 21:6

Tukha äni ma kai tea, “Kai lä kälu sa khüng dy. Kai lä Alpha hai Omeka vi. Angcü hai Kangteng la vi. Tui aehe saite khimi na tea lä, kähing py saite tui cäpring tea ävang mäkai y käla nei hethang Kai ma py ai.

Lokphong 22:13

Kai lä Kangmangky hai Kangkhüngky, angcü hai kangtengky la vi” näkha nä vi.

Lokphong 22:6

Känipre angtawtha ma kai tea, “Hini na lä älo mitang hai ae-y khü nae hawi saite na vi. Buisaw na tea Muilaw Käcai py saite Areng Säthaw lä qae y tea ma tyng hethang awng saite na äma üng mawsawng na tea mätü hethang äma üng Känipre angtawtha bung mätaw vi dy” näkha nä vi.

Lokphong 3:7

“Philadelphia kangkawng üng Känipre angtawtha tea hini kätyng cae tärü ba. “Hini lä käcai hai lo mitang-a awng saite Kung te üng älo na vi. Äni tea lä sanphrang Davidae üng aenae näsaite kätho saw awng vi. Honi saw hai pä-awng saite kätho tea lä, ämi ma la aekhae haw y. Aekhae saite kätho tea lä, ämi la pä-awng haw y lyng.