Lokphong 22:16 - Caekäcai Kangthae (Lemi)

¹⁶ “Kai, Isu, lä kangkawng na thung-a awng saite nang ce tea hini na thui hai hethang Kai ma üng Känipre angtawtha bung mätaw vi dy. Kai lä sanphrang Davidae amäjy thung üng vi. Ang bärai saite Kädang Tengpaw la vi.”

Asang Khongso New Testament

¹⁶ “Kai Jesuh mah hi kawngnawk hae Khrihca kangkom thungih kaom nangcae khaeah thuih taphong hanah kaimah ih vanmi hae kang patoeh. Kai loa David imthungtako thung hoi-ih tacawt ah ka oh; kai loa khawn tempa sakae ka aang ah ka oh,” tiah a thuih.

Lokphong 22:16 ပူးပေါင်းရင်းမြစ်များ

Mathai 1:1

Hini lä Isu Khrista üng ärui äceng phüng tärü te cae vi. Isu lä sanphrang Davidae üng kaesui kaebeng vi. Sanphrang Davidae lä Abraham üng kaesui vi.

Mathai 22:45

“Davidae lä Mesia tea ‘Areng’ näkha ka vi dylä, Mesia lä makä sakha Davidae üng cäpaw-a aelawng haw ai mei” näkha düng pa.

Luka 1:78

Säthaw lä khimi ce tea bäheng tätang te phüng-a, Mesia lä känise te kätyng mä-ai tea tyng vi ai.

Luka 20:44

Davidae ma Mesia tea ‘Areng’ näpa lae dylä, Mesia lä makä sa kha Davidae üng cäpaw-a aelawng haw ai mei” näpa.

Pawlae ma Rom märü üng kangkawng tähang tärü saite cae 15:12

Buisaw Isaia ma thui te lä, “Davidae amäjy thung üng lawngtä tho ai. Äni lä ceng kälang na tea pyng ai. Ceng kälang na lä äni tea ae-y kha aethang khai ö ai mang” näkha awng vi.

Pawlae ma Rom märü üng kangkawng tähang tärü saite cae 9:5

Äni ce lä ämüng aethang saite Hebrai kangsi kangjaw na üng kaepreng na vi. Khrista la khimi lawng te kätü-a, Isrelae khimi kätyng-a aepeng te vi. Äte angxynlyng na pyng saite Säthaw tea lä khimi ce ma dungtäsa bälaw hai ö sy. Amen.

2 Piter 1:19

Tukha kai ce lä buisaw na ma thui pyng saite lo tea ae-y ö rae te vi. Nang ce lä buisaw na üng lo na tea tängai hethang aeteng khaw ö te vi. Ätephüng-a mei nädylä, buisaw na ma thui saite lo na lä käving thung-a maibung kätyng aevang te phüng-a vi. Honi kaevang lä khö aevang kha Khrista lä kädang Tengpaw kaevang kätyng nang ce üng bälung thung-a säde te khytä aevang vi ai.

Lokphong 1:1

Hini lä Isu Khrista üng täphawng saite phüng na tea tärü te cae vi. Qae y tea ma äni üng mawsawng na tea tyng ai te phüng mätü hethang hini täphawng saite lä Isu Khrista tea Säthaw ma py pa te vi dy. Khrista lä äma üng mawsawng Johan tea äma üng Känipre angtawtha bung mätaw kha hini na tea mäny hai te vi.

Lokphong 1:11

Honi ätüng ma, “Nang nung saite lä angxynlyng na cae-u thung-a tärü kha Ephesi, Samurana, Perkamon, Thetaria, Sardis, Philadelphia hai Leodikia märü na thung-a awng saite kangkawng säritä tea tha ba” näkha nä vi.

Lokphong 1:4

Hini cae lä Johan ma Asia pre cäpi-a awng saite kangkawng säritä tea tärü te vi. Vaihi awng saite, cangkhawng üng hai ma awng angci saite hai vaimaw mang-a la awng jawjaw kha tyng hethang awng saite Säthaw, Isu Khrista hai äma üng Areng aety nae maw-a awng saite Muilaw Käcai üng cungrü saite säritä te üng tähang kähawi hai awngneng saite lä nang ce tea awng sy.

Lokphong 2:11

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä äbaeni dü saite hai-a aeting hai pa y ai.

Lokphong 2:17

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Lokphong 22:1

Tupyng-a Känipre angtawtha ma kai tea kähing py saite tävaw pui mätü vi dy. Honi tävaw lä Säthaw hai Beram caw Areng aety nae te üng lawng kha kälung kä-ang kätyng ang bärai vi.

Lokphong 22:11

Sa tämang saite khimi na lä sa jawjaw ö ai. Bälung cai y saite na lä cai y käla awng jawjaw ö ai. Kähawi sa saite khimi na lä kähawi sa jawjaw ö ai. Cai saite khimi na lä cai jawjaw ö ai” näkha thui vi.

Lokphong 22:20

Hini na tea thui saite Kung lä, “Qae y tea ma kai ly tätang ai” nä vi. Hini kätyng sy. Areng Isu ä, ly lawi mai ba.

Lokphong 22:6

Känipre angtawtha ma kai tea, “Hini na lä älo mitang hai ae-y khü nae hawi saite na vi. Buisaw na tea Muilaw Käcai py saite Areng Säthaw lä qae y tea ma tyng hethang awng saite na äma üng mawsawng na tea mätü hethang äma üng Känipre angtawtha bung mätaw vi dy” näkha nä vi.

Lokphong 3:13

“Muilaw Käcai ma kangkawng na tea thui saite lo känawkhing awng te khimi lä thaikaw sy.

Lokphong 3:22

“Muilaw Käcai ma kangkawng na tea thui saite lo känawkhing awng saite khimi lä thaikaw sy” näkha näte vi.

Lokphong 3:6

“Muilaw Käcai ma kangkawng na tea thui saite lo känawkhing awng saite khimi lä thaikaw sy.

Lokphong 5:5

Tupyng-a mätawngky na thung üng lawngtä ma lä kai tea, “Raw vi hang lawi. Tängai ba. Judae ceng thung üng Xangsi täkai, Davidae üng kaesui kaebeng käleng, ma bäja vi dy. Äni lä hini cae ang-yng hai cakhi saite dengki säritä na tea täphra kha lang haw vi” näpa.