Lokphong 21:8 - Caekäcai Kangthae (Lemi)

⁸ Tungaila bälung bähawrö saite na, yng y saite na, känyng hethang hawi saite na, khimi tea bädü saite na, täkübäjang sa saite na, angra üng haidae hai sa saite na, mimi tea cäphaw saite na hai kaeling kaemae sa saite angxynlyng na bung lä kai ma keng maipui tuilipui thung-a kädephae vi ai. Hini lä äbaeni üng dü saite vi” näpa.

Asang Khongso New Testament

⁸ To-e misa kasae kami, paipi alae kami, panuet pasoeh kaom kami, kami ka hum, nongpui nongpa zaehaih kasah kami, ta-an kasah kami, kraangthoi ka bok kaminawk hoi amsawn lok kathui kaminawk ohhaih hanih ahmuenh loa hmai hoi kaat hoiah kangqong tuili, pahnit duekhaih ih to ni,” tiah a thuih.

Lokphong 21:8 ပူးပေါင်းရင်းမြစ်များ

Mathai 10:28

Khimi ce tea ri ö hang. Äni ce lä nang ce üng ätabung tea bädü haw ngaila nang ce üng muilaw tea lä bädü haw te y lyng. Honi jüng-a, nang ce lä Säthaw tea phai ri ö. Äni lä khimi ce üng ätabung hai muilaw na tea ngärei thung-a täphra haw vi.

Mathai 25:25

Kai lä nang üng sui phawisae la ai te ri te phüng-a älawng khaw-a homy te vi. Kheng e, hini lä nang üng sui phawisae dy’ näkha näpa.

Mathai 8:26

Isu ma äni ce tea “Nang ce lä yng te aethaw awng ö y. Ätephüng-a ri ö te mei.” Tupyng-a Isu ma aetha kha aeli hai tuileng na tea särilo hai thui pa dy. Tukha aeli hai tuileng na lä ding king pa vi dy.

Marka 9:44

(Honi ngärei lä khimi ce bung ca te kälung na dü bi y käla mai ding bi y saite mityng vi.)

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

2 Thesalon 2:9

Ubädi tea elekhei sa saite Kung lä Setan angra üng haidae hai ly kha khimi ce tea kaeling kaemae sa hethang cangxei saite na, kamarae na hai äsäny cawngkhang saite na sa vi ai.

1 Timote 4:2

Honi khimi ce lä älo mitang mätu hethang käjüng aesa kha kaeling thui ö te kae. Khimi lawngtä lä süng käbi phi hai äma kö kang dylä sa pitui kha naw te aeny y vi dy. Honi kätyng äni ce la käsi kähawi mäny saite bälung awng ö y vi dy.

Titas 1:16

Äni ce lä täbawng mang Säthaw tea mäny vi näkha thui ngaila aeme aeqa saite hai lä Äni tea aephae ö te vi. Äni ce lä känyng hethang hawi saite na hai kähawi sakaw y saite na kae vi.

Hebrai 12:24

Säthaw hai khimi ce üng säla-a aenai saite kangthae tea aerü rüng saite lä Isu tea tyng te vi dy. Nang ce lä Isu üng käthüng saite äthi tea tyng ö vi dy. Honi äthi lä Abela üng äthi qawng-a hawiky saite älo tea thui vi.

Hebrai 13:4

Khimi angxynlyng na lä ingthawng sa te tea tämö khai ö hethang kae. Nawngpui ni nawngpaw lä lawng lawngtä tea bälung ae-y khü hethang kae. Säthaw lä khimi kälang na üng nawngpui nawngpaw na hai sa tämang kha täkübäjang sa saite na tea lä deng py vi ai.

1 Johan 2:22

Kaeling kaemae sa saite kung lä ämi mei. Isu lä Mesia y vi näkha thui saite kung vi. Äni lä Khrista üng täre kälengky vi dy. Äni lä Pä-ai Säthaw hai Äcäpaw Isu Khrista bung aephae te vi.

1 Johan 3:15

Mä-ai ma üng rawijae na tea esäre saite lawngtä lä khimi bung bädü ö te kätyng kae. Khimi bung bädü saite lawngtä tea lä dungtäsa kähing awng y näte nang ce lä mäny ö te vi.

1 Johan 5:10

Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.

Lokphong 2:11

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä äbaeni dü saite hai-a aeting hai pa y ai.

Lokphong 2:2

Nang ce sa saite na tea kai lä mäny vi. Nang ce aethaw rae kha sa saite hai, änawngsa te na tea kai lä mäny. Hunghö sa saite khimi na tea bälungsa haw y te hai, angtawtha na y käla ma angtawtha na kätyng thui saite na tea käny kha äni ce lä khimi kaeling kaemae na vi näkha aeting saite na kai lä mäny vi.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.

Lokphong 22:15

Tungaila märü üng ärang mang-a lä hini hunghö sa te hai-a ui kätyng mä-ai ma tea pawprae-a awng saite na vi. Äni ce lä angra haidae hai käsi sa saite na, täkübäjang sa saite na, khimi bädü saite na, mimi tea cäphaw saite na, kaeling thui saite na-a lawng ö vi.

Lokphong 9:17

Kai üng äsämai-a lä cäphö na hai aedang saite na tea kai lä nung vi dy. Äni ce üng tatärang-a lä süng kä-o aelawng ö vi. Hini süng kä-o na lä mai kätyng kangthing, käni khösang kätyng pä-ing sungsang, keng kätyng kangseng na awng ö vi dy. Cäphö na üng älö na lä xangsi täkai na üng älö na kätyng vi dy. Äni ce üng täbawng na mang lä mai, maikhü hai keng maikhü na tho ö vi.

Lokphong 9:21

Khimi ce lä äma ce üng khimi kälang na tea bädü saite, angra üng ädawi na hai sa saite, ngaiphi tüng y saite mang-a hui saite na hai theru sa saite na üng ae-ui ö te y vi.