Lokphong 21:7 - Caekäcai Kangthae (Lemi)

⁷ Kai lä bäja saite khimi na tea hini angxynlyng na py ai. Kai lä äni ce üng Säthaw-a aelawng kha äni ce la Kai üng cäpaw na-a aelawng ö ai.

Asang Khongso New Testament

⁷ Pazawkkung ah kaom kaminawk loa ahi hae kai khaeih hnuh o tih: Kai loa anihcae ih Sithaw ah ka om ueloa anihcae loa kai ih caanawk ah om o tih.

Lokphong 21:7 ပူးပေါင်းရင်းမြစ်များ

Mathai 19:29

Khimi lawngtä lä Kai üng ämüng phüng-a ing, la, kangby jä-ai, kangpraw, ticaw, nä-awi, pä-ai, cäpaw cänung, na bung khaisö dylä, vaihi dung-a ma phü cungvaitä dang rae vi ai. Vaimaw mang-a lä dungtäsa hing saite dang vi ai rawng.

Mathai 25:21

Ingkung ma ‘Nang sa te lä hawi bärai te vi. Nang lä bälungkähae saite mawsawng kähawi vi. Nang lä sui phawisae äjecäcaw tea kätüng-a rui pa te vi. Tukätephüng-a kai ma nang tea hini qawng-a cang y, awng mang-a rui hethang py ai. Ly lawi, kai hai mangtä kawng anghawtho hawi si dy’ näkha näpa.

Mathai 25:34

Tupyng-a Kai Sanphrang ma kai üng bangtang mang-a awng saite na tea ‘Ly ö lawi, Kai üng Pä-ai Säthaw üng tähang kähawi dang saite na ä, älawng sa angcü te kätü üng hai ma nang ce tähang sa rüng saite pre tea kung kha pyng ö lawi.

Marka 10:17

Isu lä khölawng tho te thüng-a khimi lawngtä lä aehui kha äni üng maw-a aebo pa. Tukha Isu tea “Särae kähawi ä, dungtäsa hing te dang hethang kai lä makä sa he kae mei” näkha düng pa vi.

Pawlae ma Rom märü üng kangkawng tähang tärü saite cae 8:14

Säthaw üng Muilaw leithung hui saite khimi lä Säthaw üng caw nade na vi.

Pawlae ma Rom märü üng kangkawng tähang tärü saite cae 8:19

Säthaw ma sa saite käni, älawng hai khöteng täki angxynlyng lä Säthaw ma aetüng hethang äma üng caw nade na tea tengxyng y aedawng rawng ö te vi.

2 Korin 6:16

Säthaw üng Ingkäcai hai Säthaw bung mäny y saite khimi na üng cäphaw saite mimi na lä aesui te y vi. Mä-ai lä hing saite Säthaw üng Ingkäcai vi. Säthaw ma, “Kai lä kai ma üng khimi na thung-a aeke kha awng ai. Kai la äni ce üng Säthaw-a lawng kha äni ce la kai üng khimi na-a lawng ö ai” näkha näte vi.

2 Korin 6:18

Kai lä nang ce üng Äpä-ai-a lawng ai. Nang ce la kai üng cäpaw cänung na lawng ö ai” näkha äte angxynlyng na sa haw saite Areng ma thui te vi dy.

Hebrai 8:10

‘Tungaila kai lä khawngdüng-a Isrelae khimi na hai hini aenai saite älo Kangthae sa ai’ näkha Areng lä thui vi. ‘Kai lä äni ce üng kaedawng saite thung-a kai üng ubädi na tea mäkung vi ai. Äni ce üng bälung thung-a honi na kai lä tärü ai. Kai lä äni ce üng Säthaw-a lawng kha äni ce la kai üng khimi na-a lawng ö ai.

1 Piter 3:9

Nang ce lä käsi sa saite khimi na tea rawithung tha ö hang. Nang ce tea täking saite na tea lä täking haile tyng ö hang. Hini jüng-a, nang ce lä äni ce tea tähang kähawi py pa ö. Ätephüng-a mei nädylä Säthaw lä nang ce bung hini kätyng sa hai hethang re te vi dy. Tudylä, Säthaw lä nang ce tea tähang kähawi py ai mang.

Lokphong 2:11

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä äbaeni dü saite hai-a aeting hai pa y ai.

Lokphong 2:17

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.

Lokphong 2:25

Tungaila kai ly y rytä nang ce üng yng saite tea lä cakhi ö hethang kae.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Lokphong 21:3

Areng aety nae üng ätüng käleng thai te lä, “Vaihi Säthaw üng tai nae lä khimi ce hai mangtä vi. Äni lä khimi ce hai mangtä awng ai. Äni ce lä Äni üng khimi na-a aelawng ö ai. Säthaw äma ma la äni ce hai mangtä awng khe kha äni ce üng Säthaw-a lawng ai.