Lokphong 20:15 - Caekäcai Kangthae (Lemi)

¹⁵ Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.

Asang Khongso New Testament

¹⁵ Ami doeh hinghaih cabu thungah ahmin tarik ai boih loa hmai tuili thungah vah ah oh.

Lokphong 20:15 ပူးပေါင်းရင်းမြစ်များ

Mathai 13:42

Säthaw üng angtawtha na ma käsi sa saite khimi na bung ngärei thung-a käde pa ö vi ai. Honi mityng-a äni ce lä tengxyng y raw kha äfaw aemäkütang ö vi ai.

Mathai 13:50

Säthaw üng angtawtha na ma khimi käsi na bung lä ngärei thung aethaw paitae hai käde ö vi ai. Tukha honi mityng-a khimi ce lä tengxyng y rawpi te hai äfaw aemäkütang kha awng ö vi ai.”

Mathai 25:41

“Tupyng-a Kai Sanphrang lä bangrawi mang üng awng saite na tea ‘Säthaw ma nang ce tea tähang käsi py ai. Kai te üng tho pa öng la. Säthaw ma Setan angra hai äma üng äkähui na tähang sa rüng pa saite dungtäsa mai thung-a ly pa öng la’ näkha näpa.

Marka 16:16

Yng kha baptismae la saite khimi qütä bung lä Säthaw ma aeqang vi ai. Yng y saite khimi qütä tea lä Säthaw ma dungtäsa dengpy vi ai.

Luka 10:20

Tungaila nang ce lä angra na bung bäja te phüng-a kawng ö hang. Säthaw lä nang ce üng ämüng na Känipre-a awng saite cae-u thung-a tärü te phüng phai kawng ö” näpa.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 3:36

Äcäpaw tea yng te na la dungtäsa hing te dang ö dy. Äcäpaw tea yng y saite na lä dungtä hing te dang ö y lyng. Äni ce tea Säthaw ma dengpy jawjaw ö vi ai.”

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

Hebrai 12:25

Tukätephüng-a thui saite khimi lawngtä üng älo tea tängai y hethang sädi khai ö. Hini älawngpre-a Säthaw üng älo thui saite lawngtä üng lo tea tängai y saite khimi na tea lä Säthaw ma deng py vi. Mä-ai lä Känipre üng hai thui saite Areng üng älo tea khaisö vi dylä, Säthaw ma deng py saite thung üng ämi lä aelawi haw y lyng.

Hebrai 2:3

Hokä aeqang saite käleng tea mä-ai dawngcang y vi dylä, Areng ma mä-ai tea deng py ai näte lä tätang khaw vi. Areng äma khekhe lä hini aeqang saite angthang angcü-a ma thui te vi dy. Äni üng angthang thai saite khimi na ma mä-ai tea lä honi angthang tüngkhaw vi saite mätü vi dy.

Lokphong 19:20

Areng lä mawikäsi hai äni üng jüng-a cangxei mätü saite buisaw kaeling bung lä ne vi dy. Buisaw kaeling lä mawikäsi üng äsäny awng saite hai mawikäsi üng mimi tea cäphaw saite khimi na tea cangxei te na hai-a kaeling kaemae sa pa vi dy. Areng lä änini lawng netä bung keng maikang saite maipui tuilipui thung-a kanghing-a ma käde hawi mei pa vi dy.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:12

Tukha khimi kädü aely leng saite na hai leng y saite angxynlyng na lä areng aety nae maw-a aedaw ö te tea kai lä nung vi. Känipre angtawtha na lä cae-u na tea pä-awng pa ö vi dy. Honi pyng-a cae-u kälang haetä pä-awng te tea kai lä nung vi dy. Hini lä dungtäsa kähing dang te na üng ämüng tärü saite cae-u vi. Dü saite na lä honi cae-u na thung-a tärü te kätyng äni ce sa saite na tea Säthaw lä tärae cei pa vi dy.

Lokphong 20:14

Tupyng-a Säthaw lä dü saite hai Angqaw khaw bung lä mai tuilipui thung-a kädephae vi dy. Hini mai tuilipui lä äbaeni üng dü saite vi.

Lokphong 3:5

Bäja saite khimi angxynlyng na lä hini kätyng kä-o kanglung tea aelawng hai ö ai. Kai lä äni ce üng ämüng na tea dungtäsa kähing dang saite na üng ämüng tärü saite cae-u thung üng mai ja y lyng. Kai üng Pä-ai hai Känipre angtawtha na maw-a äni ce lä kai hai aesui saite na vi näkha Kai ma thui ai.