Lokphong 20:12 - Caekäcai Kangthae (Lemi)

¹² Tukha khimi kädü aely leng saite na hai leng y saite angxynlyng na lä areng aety nae maw-a aedaw ö te tea kai lä nung vi. Känipre angtawtha na lä cae-u na tea pä-awng pa ö vi dy. Honi pyng-a cae-u kälang haetä pä-awng te tea kai lä nung vi dy. Hini lä dungtäsa kähing dang te na üng ämüng tärü saite cae-u vi. Dü saite na lä honi cae-u na thung-a tärü te kätyng äni ce sa saite na tea Säthaw lä tärae cei pa vi dy.

Asang Khongso New Testament

¹² Kami kadueh koknawk, kathoeng kalen, angraeng tangkhang hma-ah kangdoe to ka hnuk. Cabu loa adaih ah oh, topacoengah cabu kalah hinghaih cabu to adaih ah oh bae. Kadueh kaminawk loa a sak o ih to cabu thungah khrumh tangcae ih batih toengah lokcaek ah om tih.

Lokphong 20:12 ပူးပေါင်းရင်းမြစ်များ

Mathai 11:22

Tängai ö, Säthaw ma khimi ce tärae cei te kätü-a Taira hai Sidon märü üng khimi na qawng-a cang y nang ce tea lä dengpy ö vi ai rawng.

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Luka 10:20

Tungaila nang ce lä angra na bung bäja te phüng-a kawng ö hang. Säthaw lä nang ce üng ämüng na Känipre-a awng saite cae-u thung-a tärü te phüng phai kawng ö” näpa.

Angtawtha 24:15

Kai tea käsi thui saite na kätyng, kai la Säthaw tea aethang khai te by vi. Kai üng aethang khai saite äte mei nädylä, Säthaw lä khimi käsi kähawi re y käla, khimi ce angxynlyng bung kädü thung üng mätha haile vi ai.

Pawlae ma Rom märü üng kangkawng tähang tärü saite cae 2:6

Säthaw lä khimi angxynlyng na tea äma ce üng kähawi hai kähawi y sa saite na kätyng aeteng khaw saite ävang na py vi ai.

1 Korin 4:5

Tukätephüng-a Säthaw ma khai saite kätü tyng y te kälang-a lä, khimi ce tea tärae cei ö hang. Areng tyng haile te kätü-a, ämi lä kähawi-a sa mei, sa y mei, näte Areng ma thui vi ai. Äni lä käving thung-a ho saite na kaevang-a täphawng vi ai. Areng ma khimi ce lä äma ce üng bälung thung-a dawng saite na khimi qütä tea mäny hai vi ai. Honi kätü-a, Säthaw lä khimi qütä tea äma ce hai aeteng khaw te kätyng bälaw qi pa vi ai.

2 Korin 5:10

Mä-ai angxynlyng lä Khrista ma tärae cei hethang äni üng maw-a aedaw ö hethang kae. Hini älawngpre-a mä-ai lä awng te thüng-a, mä-ai sa saite aeteng khaw te ävang na, y dylä Säthaw lä mä-ai tea dengpy vi ai.

Filipi 4:3

Honi qawng-a cang y, kai üng ae-yky saite äpy ä, nang la honi nawngmädi ni tea säbawng pa jo ba. Änini lä khimi ce tea Angthang Kähawi thui hethang tähang kai hai mangtä aethawsa bärai hawi saite ni vi. Klement hai kai hai mangtä kälu sa saite äpy kälang na la qa ö by vi. Dungtäsa hing saite na üng ämüng tärü saite Säthaw üng cae-u thung-a äni ce üng ämüng la qa ö te vi.

Lokphong 11:18

Nang tea mäny y saite khimi na lä kädawtho bärai ö vi. Ätephüng-a mei nädylä nang üng kädawtho saite mätü hethang kätü lä tyng vi dy. Dü pyng saite angxynlyng na tea tärae cei hethang kätü lä tyng khaw vi dy. Nang lä nang üng mawsawng na, buisaw na, nang üng khimi angxynlyng na, nang tea tämö khai saite khimi angxynlyng na hai, khimi cäpi käleng angxynlyng na tea ävang py hethang kätü lä tyng te vi. Älawngpre tea täphra saite khimi na tea täphra hethang kätü tyng vi” näkha thui ö vi.

Lokphong 13:8

Hini älawngpre-a awng saite khimi angxynlyng na lä hini mawikäsi tea cäphaw ö ai. Älawngpre sa y kälang üng hai dungtäsa kähing dang hethang ämüng lä bädü saite Beram caw üng cae-u thung-a tärü saite khimi na xyngtä ni mawikäsi tea cäphaw ö y vi ai.

Lokphong 17:8

Honi mawikäsi lä jangni-a hing vai ngaila, vaihi lä hing y vi dy. Äni lä qae y tea ma angqaw khaw käthu üng tho kha Säthaw ma äni tea lä täphra ai. Säthaw lä älawng sa y te kälang-a ma hing saite na üng cae-u thung-a ämüng qa y saite älawng qawng üng khimi na lä honi mawikäsi bung nung te kätü-a, cangxei ö vi ai. Äni lä jangni-a hing ngaila, vaihi lä hing y vi dy. Tungaila äni lä tho haile tyng ai.

Lokphong 19:5

Tupyng-a areng aety nae mang üng tho te ätüng lä, “Mä-ai üng Säthaw tea bälaw ö. Äni üng mawsawng angxynlyng na, äni tea ri saite na, aely leng saite hai aely leng y saite nang ce angxynlyng na ä, mä-ai üng Säthaw tea bälaw ö” näkha nä vi.

Lokphong 2:23

Kai lä nawngmädi leithung äcaw na kätyng hui saite na tea la bädü ai. Tupyng-a kai lä khimi qütä üng kaedawng na hai bälung mäke na tea mäny saite Kung vi näte kangkawng angxynlyng na ma mäny ö ai. Nang ce üng sa ö qi saite na kätyng-a kai lä py ai.

Lokphong 20:11

Tupyng-a kai lä areng aety nae kanglung käleng hai honi qawng-a aety saite bung nung vi. Äni üng maw-a, älawng hai käni khösang lä la kha honi na tea ämi la nung haile tyng y vi dy.

Lokphong 20:13

Tupyng-a pangle käleng pui thung-a dü saite na lä Säthaw üng tärae cei saite thung-a ly ö vi dy. Dü saite hai Angqaw khaw üng awng saite khimi kädü na lä tyng by vi dy. Äni ce angxynlyng na tea lä äma ce sa saite kätyng-a Säthaw ma tärae cei pa ö vi dy.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.

Lokphong 21:27

Tungaila ätete cai y saite na, kaejae sa saite na, kaeling thui saite na lä honi thung-a kung hethang dang ö y vi ai. Beram Caw üng dungtäsa kähing dang saite na üng ämüng tärü saite cae-u thung-a qa saite xyng na ni honi märü käleng pui thung-a kung ö ai.

Lokphong 22:12

Areng Isu ma, “Tängai ba. Qae y tea ma Kai ly ai. Khimi qütä tea lä äma ce üng sa saite na kätyng ävang y dylä Kai ma dengpy ai.

Lokphong 3:5

Bäja saite khimi angxynlyng na lä hini kätyng kä-o kanglung tea aelawng hai ö ai. Kai lä äni ce üng ämüng na tea dungtäsa kähing dang saite na üng ämüng tärü saite cae-u thung üng mai ja y lyng. Kai üng Pä-ai hai Känipre angtawtha na maw-a äni ce lä kai hai aesui saite na vi näkha Kai ma thui ai.