Lokphong 2:10 - Caekäcai Kangthae (Lemi)

¹⁰ Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

Asang Khongso New Testament

¹⁰ Patang khanghaih na pauep hankoi to tidoeh zi hmah. Tahngai e! Diabol mah nangcae thungih thoemto to thongim ah pakhrah o tih, moa ni hato kraa tih. Duek han khoekto om langla cadoehsoe kai hanah oepom ta-ah om ah, pazawkhaih tho ah hinghaih lumuek to kang paek han.

Lokphong 2:10 ပူးပေါင်းရင်းမြစ်များ

Mathai 10:22

Kai üng phüng-a khimi angxynlyng na lä nang ce tea esäre ö vi ai. Tungaila kangteng khytä cakhi-a awng saite khimi tea lä Säthaw ma aeqang pa vi ai.

Mathai 10:28

Khimi ce tea ri ö hang. Äni ce lä nang ce üng ätabung tea bädü haw ngaila nang ce üng muilaw tea lä bädü haw te y lyng. Honi jüng-a, nang ce lä Säthaw tea phai ri ö. Äni lä khimi ce üng ätabung hai muilaw na tea ngärei thung-a täphra haw vi.

Mathai 24:13

Tungaila kangteng khytä cakhi-a awng saite khimi tea lä Säthaw ma aeqang pa vi ai.

Marka 13:13

Kai üng phüng-a khimi angxynlyng na lä nang ce tea esäre ö ai. Tungaila kangteng khytä cakhi-a awng saite khimi tea lä Säthaw ma aeqang pa vi ai” näpa.

Marka 8:35

Khimi lawngtä lä mä-ai ma üng hing saite tea aeqang he ngai dylä honi khimi lä dungtäsa dü vi ai. Kai hai Angthang Kähawi tähang dü hai saite khimi tea lä Säthaw ma dungtäsa hing te py vi ai.

Luka 21:12

“Tungaila hini na tyng y kälang-a khimi ce ma nang ce bung ne kha mätang bälai-a sakälökhü ö ai. Äni ce lä nang ce bung Judae na üng ingkäcai-a aethaw paitae hai nähai kha thawng thung-a bäla ö vi ai. Tukha nang ce bung sanphrang na hai aecörae mätawngky na maw-a nähai ö vi ai. Nang ce lä kai üng äkähui na vi te phüng-a äni ce lä hini angxynlyng na nang ce tea sa ö vi ai.

Johan 12:25

Khimi lawngtä lä, äma üng hing saite tea bälung aevaw dylä äni lä pra vi ai. Hini älawng qawng-a, mä-ai ma üng hing te tea mäsai y saite na lä, dungtäsa hing saite dang ai.

Johan 13:2

Isu hai äkähui na lä kädüngbö mangtä ca kha awng ö dy. Setan angra lä Simon üng cäpaw Judae Iskriota tea Isu bung täre na üng kö thung-a, a hethang bärawi rüng pa vi dy.

Johan 13:27

Honi täkaw tea Judae ma la pyng-a Setan angra lä äni tea kung praw pa vi dy. Isu ma “Judae ä, nang ma sa hethang ngai saite kärang-a sa lawi” näpa.

Angtawtha 20:24

Kai lä dü ea la, hing ea la, kai tähang aely leng y lyng. Tungaila Areng Isu ma sa hai hethang kai tea py saite kälu khüng haw hethang sa saite lä aely lengky te vi. Honi kälu lä, Säthaw üng tähang kähawi phüng-a, Angthang Kähawi thui hethang vi.

Angtawtha 21:13

Tungaila Pawlae ma “Nang ce lä ätephüng-a, hini kä raw kha kai tea bälungsi hai ö te vi mei. Kai lä Areng Isu tähang Jerusalem märü-a, aemäkhing hethang cang y, dü hethang mäteng ma, aerü rüng kha awng te vi” näkha mäthang pa.

1 Korin 9:25

Aepreng saite thung-a qa saite khimi na lä äma ce tea mityng qütä-a aeküng ö. Äni ce lä bäja hethang hai pra saite ävang dang hethang aethawsa ö te vi. Tungaila mä-ai lä dungtäsa awng jawjaw saite ävang dang hethang aethawsa ö te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Ephesi 6:12

Mä-ai lä khimi ce hai täre aety ö te y. Käni khösang üng haidae hai aenae awng saite angra na, hini älawng käving pre tea pyng saite angra käleng na, älawng qawng-a aenae awng saite na hai täre aety ö te vi.

Jako 1:12

Khimi lawngtä lä the saite hai käny saite aeting te kätü-a, äni üng yng saite cakhi dylä, äni lä anghawtho haw vi. Ätephüng-a mei nädylä Säthaw ma honi na tea bäja pyng saite khimi bung lä ävang käting dungtäsa hing saite py ai. Säthaw lä äma tea bälung aevaw saite khimi na tea lä ävang käting dungtäsa hing saite py hethang älo aedo te vi.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

1 Piter 5:8

Nang ce lä aeküng kha canglailing te hai awng ö. Nang ce üng täre Setan angra lä lawng lawngtä tea täphra hethang ämaw ähawng sa saite xangsi täkai kätyng aevi kha mäqang te vi.

Lokphong 13:14

Äni lä mawikäsi angcü üng tähang sa saite cangxei te na hai-a älawng qawng üng khimi angxynlyng na tea kaeling kaemae sa te vi. Aekei hai tämaw dang ngaila dü y käla hing saite honi mawikäsi tea tämö khai hai hethang khimi ce tea äni üng mimi sa hai pa te vi dy.

Lokphong 13:2

Hini mawikäsi lä täkai cäqung hai aetawng vi. Äni üng äkho lä tävawng üng äkho hai aetawng kha täbawng lä xangsi täkai üng täbawng hai aetawng vi. Näka käleng lä mawikäsi tea äma üng haidae, aety nae hai, aenae käleng py pa vi dy.

Lokphong 13:7

Äni lä Säthaw üng khimi käcai na hai täre aety kha äni ce tea bäja hethang, pre qütä-a awng saite khimi qütä, älo cawngkhang aepe saite qütä hai ceng qütä na tea pyng hai hethang aenae dang vi dy.

Lokphong 17:14

Äni ce lä Beram caw tea täre aety ö ai. Tungaila Beram caw ma lä äni ce tea bäja vi ai. Ätephüng-a mei nädylä äni lä areng na üng Areng hai sanphrang na üng Sanphrang lawng te phüng-a vi. Äni üng ka saite, re saite, yng khü saite äkähui na lä äni hai mangtä awng ö ai” näkha näpa.

Lokphong 2:13

Nang ce lä Setan angra üng aety nae mityng-a awng saite tea kai lä mäny. Nang ce lä kai tea ae-y khü ö te vi. Setan angra üng awng saite nang üng märü-a kai üng lo sasi thui khü saite Antipa bung khimi ce ma sakälö khü kha bädü te kätü-a mäteng ma, kai tea yng saite nang ce lä khaisö ö te y vi dy.

Lokphong 2:9

Nang ce üng mätang te hai mätangca saite na kai lä mäny. Tungaila nang ce üng yng saite na lä tawngnang ö te vi. Mä-ai ma tea Judae khimi näkha thui saite na lä Säthaw ma re saite khimi na kätyng sa y te na ma nang ce tea käsi prawng saite na kai lä mäny vi. Äni ce lä Setan angra üng äkähui thung üng na kae.